‘कर्म’को विशेष परिचर्चा सहित दोस्रो संस्करण सार्वजनिक
काठमाडौं । पत्रकार दामोदर न्यौपानेद्वारा लिखित बालबालिका सम्बन्धी संस्मरणात्मक प्रबन्ध पुस्तक ‘कर्म–सिकाईमा गहिरिएको खाडल’ को दोस्रो संस्करण सार्वजनिक तथा परिचर्चा गरिएको छ ।
नयाँ वर्षको अवसरमा राजधानीमा स्वदेश प्रकाशनले आयोजना गरेको विमोचन तथा परिचर्चा कार्यक्रममा साहित्यकार श्रीराम राई, पत्रकारद्वय नेत्र तामाङ, रमेश दवाडी, बाल अभियन्ता तथा गजलकार पूर्णिमा पराजुली, सफलता भण्डारीलगायतले संयुक्त रुपमा पुस्तक सार्वजनिक गरेका हुन् । कार्यक्रममा उनीहरुले पुस्तकका बलिया र कमजोर पक्षबारे समिक्षा गरे ।
साहित्यकार घनबहादुर थापाले यो पुस्तक पढेर आफूले बालबालिकालाई हेर्ने दृष्टिकोण र गर्ने व्यवहार परिवर्तन गरेको प्रतिक्रिया दिए । ‘पुस्तक पढ्दै जाँदा आफैंलाई सम्झिएँ, उनले भने, ‘बालबालिकालाई असल बाटोमा हिंडाउन यो पुस्तकले टायरको काम गरेको छ । यो किताब अघि टायर चेकै नगरी बालबालिकाको गाडी सिधै कुदाउन खोजें । यो पुस्तकले टायर चेक गर्न सिकाएको छ ।’
संस्कृतिकर्मी गोविन्द न्यौपानेले बालबालिकासँग नजिक रहेर एक युगको बालबालिकको अवस्था देखाइएको प्रतिक्रिया दिए । त्यस्तै बालअधिकारकर्मी सुजन अधिकारीले सूचनाको संग्रह नै भएकाले बालबालिकाको क्षेत्रमा काम गर्नेको लागि हाते पुस्तक भएको प्रतिक्रिया दिए ।
लघुकथा समाज खोटाङका अध्यक्ष श्रीराम राईले तल्लो वर्ग र सिमान्तकृत समुदाय, पिछडिएको क्षेत्रको इतिहास भएको प्रतिक्रिया दिए । ‘यो पुस्तक पढ्न शुरु गरेपछि छोड्नै मन लाग्दैन,’ राईले भने, ‘पढ्न संस्कृति बढाउन यस्ता पुस्तक उपहार दिनु पर्छ ।’ राईले उच्च शिक्षा अध्ययन गर्नेको लागि शोधग्रन्थ तयार गर्न उपयुक्त पुस्तक भएको बताए । ‘पुस्तकले हाम्रो व्यवहार कस्तो हुने भनेर सिकाउँछ,’ राईले भने, ‘हामी खानको लागि काम गछौं । तर, कसरी खाने भनेर जान्दैनौं । पकाएर खान जान्दैनौं । यो पुस्तकले पकाएर खान सिकाउँछ ।’
पत्रकार नेत्र तामाङले आफूले पनि यस्तो पुस्तक लेख्न चाहेको तर लेख्न नसकेकोमा डाह लागेको प्रतिक्रिया दिए । ‘यो पुस्तक बालबालिकाको लागि हो भन्दा रिस उठ्न थालेको छ,’ तामाङले भने, ‘यो पुस्तक ठूलाले पनि पढ्नु पर्छ । प्रकाशक यस्ता विषयमा लगानी गर्न डराउछन् । तर लगानी गर्नु पर्ने विषय नै यस्तै हुन् ।’
अर्का पत्रकार रमेश दवाडीले यो पुस्तक पढेपछि आफूले बालबालिकलाई माया गर्न लागेको वताउँदै दवाडीले यो पुस्तक पढेपछि आफू पनि बालबालिकालाई झन् बढी माया गर्न थालेको प्रतिक्रिया दिए । ‘किताब पढ्दै जाँदा एका एक माइन्ड चेन्ज हुन्छ,’ दवाडीले भने, ‘यो लेखकको ठूलो खुबी हो ।’
कञ्चनपुरका धिरज जोशीले पुस्तकमा समस्याका कारण देखाइएको र औषधीमुलोको पनि व्यवस्था गरिएको बताए ।
त्यस्तै गजलकार पूर्णिमा पराजुलीले युवाअवस्थामा कोर्सबाहिरका पुस्तकलाई अभिभावकले कडाई गरेको अवस्थामा कर्म भने पठनीय रहेको बताइन् ।
संस्कृतिकर्मी गोविन्द न्यौपानेले बालबालिकासंग नजिक रहेर एक युगको बालबालिकको अवस्था देखाइएको प्रतिक्रिया दिए । त्यस्तैगरी प्रकाशक ऋषिराम पाण्डले सबैले बालबालिकाको विषयमा चासो दिएकाले छोटो अवधिमा नयाँ संस्करण निकाल्न सफल भएको भन्दै खुशी व्यक्त गरे । उनले भने, ‘माग अनुसार हामीले पुस्तक पठाउन सकेका थिएनौं । अब भने माग धान्नेमा आशावादी छौं ।’
त्यस्तै पुस्तकको दोस्रो संस्करण प्रकाशित हुनुको कारण वताउँदै पत्रकार तथा लेखक दामोदर न्यौपानेले बालबालिकालाई समाजले चासो राखेको छ । सोही कारण पुस्तक सबैले मन पराएको वताए । न्यौपानेले भने,‘पछिल्लो समयमा समाजले बालबालबालिकाको आवाज सुन्न र उनीहरुलाई बुझ्न थालेका छन् ।’
पुस्तकमा पहिलो संस्करणमा देखिएका कमीकमजोरी सच्याईएको छ । ‘बालमैत्री समाज’ नयाँ अध्याय थप गरिएको छ । पुस्तकमा लगभग ६० पेज थपिएको लेखक न्यौपानेले जानकरी दिए ।
पहिलो संस्करण प्रकाशित भएको छोटो समयमानै बजारमा पुस्तक सकियो । त्यसपछि दोस्रो संस्करण प्रकाशित गर्ने तयारी भयो लेखक न्यौपानेले भने, ‘दोस्रो संस्करणका लागि पुस्तक माघमै तयार भएको थियो तर छापिन ढिला भयो ।’
बालबालिकालाई लक्षित गरेर लेखिएको यो पुस्तक बालबालिकासँग सम्बन्धित रही सेवा गर्दै आएकाहरुको वृत्तमा बढी चर्चामा छ । विषय बालबालिकाको भए पनि अभिभावक र शिक्षकका लागि आफ्नो अनुभव, भ्रमण र प्रत्यक्ष भेटघाटका घटनाहरुलाई उनेर कर्म तयार पारिएको लेखक न्यौपानेले बताए । बालबालिका हेपिएका वर्ग भएको र तिनको स्वरलाई बुलन्द पार्न किताब लेखिएको न्यौपानेको भनाई छ ।
बालक्लब संजाल सिन्धुपाल्चोकका पूर्व अध्यक्ष सजीव न्यौपाने, बालक्लब संजाल सिन्धुपाल्चोककी सल्लाहकार सफलता भण्डारी, बालक्लब कन्चनपुरका अध्यक्ष धिरज जोशी लगायतले पुस्तकको सवल र कमजोर पक्ष बारे आआफ्नो धारणा राखेका थिए ।
नयाँ साजसज्जा र थप सामग्रीसहित दोस्रो संस्करण आएको हो । पुस्तकको पृष्ठ बढे पनि मुल्य भने बढेको छैन । पुस्तकको साजसज्जा पनि परिवर्तन गरिएको छ । पत्रकार न्यौपानेको ‘कर्म’ दोस्रो कृति हो । उनको पहिलो कृति ‘एम्बुसमा ६ बर्ष’ हो । शसस्त्र द्वन्द्वकालमा लेखिएको उक्त पुस्तक पत्रकारिताका विद्यार्थी र पत्रकारले रुचाएका छन् ।
Comments
अरु समाचार
-
मुटुरोग विशेषज्ञको अन्तर्राष्ट्रिय सम्मेलन चितवनमा
चितवन । मुटुरोग विशेषज्ञको अन्तर्राष्ट्रिय सम्मेलन चितवनमा जारी छ । राष्ट्रिय मुटु तथा फोक्सो समाज (नेशनल हर्ट एण्ड लङ्गस सोसाइटी...
-
अमेरिकी डलर, यूरो र पाउन्डको मूल्य घट्यो
अमेरिकी डलर, यूरो र पाउन्डको मूल्य घट्यो काठमाडौँ । शुक्रबारको तुलनामा शनिबार अमेरिकी डलरका साथै यूरो र पाउन्ड स्ट्रलिङको मूल्यमा...
-
बागमती, गण्डकी र कर्णाली प्रदेशमा भारी वर्षाको सम्भावना
काठमाडौँ । हाल देशभर मनसुनी वायुको प्रभाव कायमै छ । मनसुनको न्यून चापीय रेखा पश्चिममा सरदर स्थानको उत्तरतिर र पूर्वमा...
-
आउँदो बिहीवारसम्म मौसम बदली र पानी पर्ने सम्भावना
काठमाण्डौ । आउँदो बिहीवारसम्म नै मौसम बदली र पानी पर्ने सम्भावना रहेकाले मौसमविद्ले मुख्यगरी धानखेती गरेका किसानलाई सतर्कता र सावधानी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
सहकारीको रकम हिनामिना छानबिन समितिको प्रतिवेदन सार्वजनिक (पूर्णपाठ सहित)
काठमाडौं । सहकारी संस्थाहरुको रकम हिनामिनाबारे सरकारले गठन गरेको संसदीय छानबिन समितिको प्रतिवेदन सार्वजनिक भएको छ । प्रतिनिधि सभाले छानबिन...
-
राष्ट्रपतिसमक्ष वित्त आयोगको प्रतिवेदन पेस
काठमाडौं । राष्ट्रपति रामचन्द्र पौडेल समक्ष राष्ट्रिय प्राकृतिक स्रोत तथा वित्त आयोगको वार्षिक प्रतिवेदन पेस गरिएको छ । राष्ट्रपति भवन...
-
रुपा चक्रपथ दोस्रो खण्डको शिलान्यास
काठामाडौं । रुपा गाउँपालिकामा निर्माणाधीन चक्रपथको दोस्रो खण्डको शिलान्यास गरिएको छ । गण्डकी प्रदेशका पूर्व मुख्यमन्त्री खगराज अधिकारी र गण्डकी...
-
कार्यवाहक प्रधानमन्त्रीको जिम्मेवारी उपप्रधानमन्त्री सिंहलाई
काठमाडौं । राष्ट्रपति रामचन्द्र पौडेलले प्रधानमन्त्रीको अनुपस्थितिमा प्रधानमन्त्रीले गर्ने दैनिक प्रशासनिक काम उपप्रधानमन्त्री एवं सहरी विकासमन्त्री प्रकाशमान सिंहले सम्हाल्ने गरी...