ताजा समाचार

चुनाव लक्षित संघीय गठबन्धनले घोषणा गरेको आमहड्ताल स्थगित

राजनीति
-
       

काठमाडौं, १७ जेठ । मधेशवादी दलहरुले चुनाव लक्षित घोषणा गरेको आमहड्तालका कार्यक्रम स्थगित गरेका छन् । दोस्रो चरण अन्तर्गत जेठ ३१ गतेको मिति तोकिएको समयमा संघीय गठबन्धले आमहड्तालको घोषणा गरेको थियो । सरकारले दोस्रो चरणको निर्वाचन असार १४ गते गर्ने निर्णय गरेसँगै राष्ट्रिय जनता पार्टी सम्मिलित संघीय गठवन्धनले आम हड्तालसहितका आन्दोलनका कार्यक्रम स्थगित गरेको हो ।

राजपाका महासचिव मनिष सुमनले १७, १८ र १९ को आन्दोलन स्थगित गरिएको जानकारी दिए । गठवन्धनले आज मसाल जुलुस प्रदर्शन गर्ने र भोलि र पर्सि तराई मधेस/थरुहट र लिम्बुवानमा आमहड्ताल गर्ने घोषणा गरेको थियो ।

राजपालाई सहभागी गराउन भन्दै सरकारले जेठ ३१ का लागि तय भएको दोस्रो चरणको चुनाव असार १४ गतेलाई सारेको छ । तर, राजपाले भने चुनावमा सहभागी हुने प्रतिवद्धता जनाइसकेको छैन । उसले चुनावको वातावरण बनाउन माग गर्दै आएको छ ।

Comments

प्रकाशित मिति : 2017-05-31

अरु समाचार

© NewsNepal 2018 - All Right Reserved.
newsnepal.com 2017.hlon.org