दुई हप्तादेखि जापानीज इन्सेफलाईटिस खोप अभाव, जुन पहिलो साता आउने

समाचार

काठमाडौं, १८ जेठ । जापानीज इन्सेफलाईटिस खोपको अभाव भएको छ । बालबालिकालाई लगाइदै आएको जापानीज इन्सेफलाईटिस (जेइ) खोप २ हप्तादेखि अभाव भएको हो । पुरानो स्कट सकिएको र चीनबाट ल्याउने प्रकृयामा ढिलाई भएका कारण नयाँ खोप आउन समय लागेको स्वास्थ्य सेवा विभाग, बाल स्वास्थ्य महाशाखाका खोप शाखा प्रमुख बसन्त श्रेष्ठले बताए ।

‘विगत छ महिनादेखि खोप ल्याउने प्रयास गर्दा गर्दै पनि दुई हप्तासम्मका लागि खोप अभाव भएको छ,’ उनले भने,’चीनबाट मगाउनु पर्ने र त्यसको लागि आवश्यक प्रकिया पुर्‍याउनु पर्ने हुँदा केही समयको लागि ढिलाई भएको हो ।’ यद्यपी, स्वास्थय मन्त्रालयबाट यही जुनकोे पहिलो हप्तामै खोप आउने जानकारी प्राप्त भएको श्रेष्ठले बताए ।

जापानीज इन्सेफलाईटिस विरुद्ध १२ महिना देखि २४ महिना भित्रका बालबालिकालाई दिइदै आएको यो खोप जुनसुकै बेला लगाउन सकिन्छ । नेपालमा यस वर्ष करिब ६ लाख ६० बालबालिकालाई यो खोप लगाइने महाशाखाको लक्ष्य छ । एक भाइलमा ५ डोज हुने र खोले पछि विग्रने भएकोले पनि महाशाखाले वाषिर्क १० लाख भाइल डोज नेपाल ल्याउने गरेको बताएको छ ।