सत्ताविना श्वास पनि फेर्न नसक्ने विजयकुमार गच्छादार १४ औं पटक सरकारमा
काठमाडौं, २५ जेठ । मधेशी जनअधिकार फोरमका अध्यक्ष विजयकुमार गच्छदार भन्नेविक्तिकै सवैको कान तिखा हुन्छन् । उनी नेपालको राजनीतिमा एक खेलाडी नै मानिन्छन् । २०४८ सालदेखि नेपालको राज्यमन्त्री पद खाएका गच्छदार वर्तमान सरकारमा पुग्दा सम्म १४ औं पटक सरकारमा सहभागि भईसकेका छन् ।
नेपाली सत्ता राजनीतिको सदावहार खेलाडी मानिने गच्छदार देउवा नेतृत्वको वर्तमान सरकारमा १४ औं पटक सहभागि भएका छन् । नेपालको ईतिहासमा सबैभन्दा धेरै पटक मन्त्री बन्ने भाग्यमानी नेता भन्दा गच्छदार हुन् ।
प्रधानमन्त्री शेरबहादुर देउवा नेतृत्वको सरकारमा उनी उपप्रधानसहित स्थानीय विकासमन्त्री बनेर सबैभन्दा धेरै पटक मन्त्री बन्ने रेकर्ड कायम गरेका छन् । संविधान सभाका दुइवटै चुनावमा प्रत्यक्ष जितेका कयौं सांसदले एक पटक पनि मन्त्री बन्न नपाउँदा पनि गच्छदार भने ६ पटक मन्त्री खाने ‘भाग्यमानी’ बनेका छन् ।
प्रधानमन्त्री पुष्पकमल दाहाल ‘प्रचण्ड’ सरकारको कार्यकाल सकिन केही दिनमात्र बाँकी रहँदा गच्छदार प्रचण्ड सरकारमा सहभागी भएका थिए । नयाँ सरकारमा सहभागिता सुनिश्चित गर्न गच्छदार केही दिनको लागि भए पनि प्रचण्ड सरकारमा गएका थिए ।
२०४८ सालमा गिरिजाप्रसाद कोइराला सरकारमा सञ्चार राज्यमन्त्रीबाट सरकारमा प्रवेश गरेका गच्छदार चारपटक उपप्रधानमन्त्री बनिसकेका छन् । २०५२ सालमा शेरबहादुर देउवा नेतृत्वको सरकारमा गच्छदार निर्माण तथा यातायात मन्त्री थिए ।
२०५४ सालमा सूर्यबहादुर थापा नेतृत्वको सरकार र ०५५ सालमा बनेको गिरिजाप्रसाद कोइराला नेतृत्वको सरकारमा पनि गच्छदार निर्माण तथा यातायात मन्त्री थिए । २०५६ सालमा बनेको कृष्णप्रसाद भट्टराई नेतृत्वको सरकार र २०५८ सालमा बनेको देउवा नेतृत्वको सरकारमा गच्छदार जलस्रोत मन्त्री थिए ।
२०६५ सालमा प्रचण्ड नेतृत्वमा बनेको सरकार र २०६६ मा बनेको माधवकुमार नेपाल नेतृत्वको सरकारका गच्छदार भौतिक योजना तथा निर्माणमन्त्री बने । त्यस्तै २०६८ सालमा बाबुराम भट्टराईको नेतृत्वको सरकारमा गच्छदार उपप्रधान एवं गृह र रक्षामन्त्री बनेका थिए । २०६९ सालमा बाबुराम भट्टराई सरकार पुनर्गठन हुँदा गच्छदार उपप्रधानसहित गृहमन्त्री बनेका थिए ।
२०७२ सालमा केपी ओली नेतृत्वको सरकारमा गच्छदार भौतिक योजना तथा निर्माण मन्त्री थिए । प्रचण्ड र देउवा सरकारमा उनी उपप्रधानसहित स्थानीय विकास मन्त्री बनेका छन् । भौतिक पूर्वाधार मन्त्रालय उनको मुख्य रोजाइमा पर्ने मन्त्रालय हो । मन्त्री बनेको समयमा गच्छदारले आफ्नो निर्वाचन क्षेत्रमा एक आर्थिक बर्षमा १४ वटा पुल पारेका थिए ।
मधेश केन्द्रित दलका नेताहरु गच्छदारलाई सत्ताका लागि जे पनि गर्न सक्ने तथा सत्ताबिना बाच्न नसक्ने ‘पानी बिनाको माछो’को संज्ञा दिन्छन् । हुनत नेपाली ईतिहासमा राप्रपा अध्यक्ष कमल थापा पनि सत्ताको लागि मरिहत्तै गर्ने नेताको रुपमा चिनिन्छन् । तर थापाभन्दा गच्छदार सत्ता विना श्वासै फेर्न पनि नसक्ने जस्तो मानिन्छ ।
Comments
अरु समाचार
-
नेपाल–भूटानबीच जनस्तर र व्यापारिकस्तर सम्बन्ध विकासबारे दुई प्रधानमन्त्रीबीच छलफल
न्युयोर्क (अमेरिका), ७ असोज : नेपाल र भूटानबीच जनस्तर र व्यापारिकस्तरमा सम्बन्ध विकासका लागि दुई प्रधानमन्त्रीबीच छलफल भएको छ ।...
-
प्रधानमन्त्री ओली र कुवेतका राजकुमार एवं प्रधानमन्त्री सबाहबीच भेटवार्ता
न्युयोर्क (अमेरिका), ७ असोजः संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका प्रधानमन्त्री...
-
प्रधानमन्त्री ओली र भारतका प्रधानमन्त्रीबीच न्युयोर्कमा भेटवार्ता
न्युयोर्क (अमेरिका), ७ असोज : संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका...
-
अर्थमन्त्री पौडेल र आइएमएफ उपनिर्देशकबीच शिष्टाचार भेट
काठमाडौं। उपप्रधानमन्त्री एवं अर्थमन्त्री विष्णुप्रसाद पौडेल र अन्तर्राष्ट्रिय मुद्रा कोष (आएएमएफ)को एसिया प्रशान्त क्षेत्र उपनिर्देशक रुपा दत्त गुप्ताबीच शिष्टाचार भेट...
-
प्रधानमन्त्री ओली र मोदीबीच आज भेट वार्ता हुँदै
काठमाडौं । संयुक्त राष्ट्रसंघको ७९ औं महासभामा भाग लिन संयुक्त राज्य अमेरिकामा रहेका प्रधानमन्त्री केपी शर्मा ओलीले आज विभिन्न राष्ट्रका...
-
प्रधानमन्त्री ओली र राष्ट्रसंघका महासचिव गुटेरेसबीच भेटवार्ता
न्युयोर्क । प्रधानमन्त्री केपी शर्मा ओली र संयुक्त राष्ट्रसङ्घका महासचिव एन्टेनियो गुटेरेसबिच भेटवार्ता भएको छ। संयुक्त राष्ट्रसङ्घको ७९औँ महासभामा सहभागी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
आज चारवटा संसदीय समितिको बैठक बस्दै
काठमाडौं । आज चारवटा संसदीय समितिको बैठक बस्दैछ। जस अनुसार बिहान ११ बजे शिक्षा, स्वास्थ्य तथा सूचना प्रविधि समितिको बैठक...
-
संयुक्त राष्ट्रसंघको महासभामा सहभागी हुन प्रधानमन्त्री ओली न्यूयोर्क प्रस्थान
काठमाडौं। प्रधानमन्त्री केपी शर्मा ओली संयुक्त राज्य अमेरिकाको न्यूयोर्क प्रस्थान गरेका छन् । शुक्रबार बिहान प्रधानमन्त्री ओली संयुक्त राष्ट्रसंघको महासभामा...