नारायणगढ–मुग्लिन सडक यात्रा जोखिमपूर्णः एक वर्षमा ४६ को मृत्यु, त्रिशूलीमा खसेर १९ बेपत्ता
चितवन, ११ असार । नारायणगढ–मुग्लिन सडक खण्डमा एक वर्षमा सवारी दुर्घटनामा ४६ जनाको ज्यान गएको छ । चालु आर्थिक वर्षमा भएका ३४ वटा सवारी दुर्घटनामा परी ९३ जना घाइते भएका छन् । एक वर्षको अवधिमा दुर्घटना हुँदा त्रिशूली नदीमा खसेर १९ जना बेपत्ता भएका छन् । उनीहरु अहिलेसम्म पनि फेला परेका छैनन् ।
पहिरोको जोखिम, साँघुरो सडक र ओभरटेकले गर्दा नारायणगढ-मुग्लिन सडक खण्डमा सवारी दुर्घटना बढिरहेको जिल्ला ट्राफिक प्रहरी प्रमुख सन्तोष पन्तले जानकारी दिए । दुर्घटना रोकथामका लागि सरोकारवालासित छलफल थालेको उनको भनाई छ । नारायणगढ-मुग्लिन सडकको अवस्था, पहिरो र चालकको लापरबाहीले दुर्घटना बढेको छ’ उनले भने, ‘यसको रोकथामका लागि परेका छौं ।’
ट्राफिक प्रहरी कार्यालयको तथ्यांकअनुसार चालु आर्थिक वर्षमा यो खण्डमा ३४ वटा सवारी दुर्घटना भएका छन् । जसमा ४६ जनाले ज्यान गुमाएका छन् । दुर्घटनामा त्रिशूलीमा खसेर १९ जना बेपत्ता भएका छन् । ९३ जना घाइते भए । यो खण्डको ३६ किलोमिटर र पृथ्वी राजमार्गको मुग्लिनदेखि मौवा खोलासम्म २० गरी ५६ किलोमिटरको सडक त्रिशूली नदीको किनार पर्छ ।
नारायणगढ मुग्लिन सडक खण्डको कालीखोलामा बिहीबार राति खसेको पहिरो पन्छाएर फर्किने क्रममा प्रहरी सवार गाडी कालीखोला नजिकै त्रिशूलीमा खस्दा बेपत्ता दुई प्रहरी जवान अझै फेला परेको छैन । इलाका प्रहरी कार्यालय मुग्लिनतर्फ जाँदै गरेको बा १ झ १३९० नम्बरको गाडी पहिरोसँगै २ सय मिटर तल त्रिशूली नदीमा खस्दा प्रहरी सहायक निरीक्षकसहित २ प्रहरीको मृत्यु भएको थियो ।
त्रिशूलीमा खसेको प्रहरीको जिप अहिलेसम्म देखिएको छैन । त्रिशूलीमा बेपत्ता भएका प्रहरी जवानहरु तनहुँका सन्दीप कार्की र गोरखा मकैसिंहका लीलबहादुर चेपाङ अझै फेला परेको छैन । उनीहरुको निरन्तर खोजी गरे पनि फेला नपरेको जिल्ला प्रहरी प्रमुख एसपी दीपक थापाले बताए ।
उक्त सडक खण्डमा दुर्घटनामा परेका अधिकांश सवारी त्रिशूलीमा खस्ने र चालक र यात्रुको मृत्यु, बेपत्ता हुने गरेको छ । राजधानीलाई जोड्ने सडकको स्तरोन्नतिको काम सुरु भएदेखि नै यो क्षेत्रमा पहिरोको जोखिम बढेको हो । पानी पर्ना साथ ठाउँठाउँ पहिरो खस्न थालेपछि यात्रा जोखिम बन्दै गएको छ ।
Comments
अरु समाचार
-
एसईईको ग्रेडवृद्धिमा ५६ दशमलव ७८ प्रतिशत उत्तीर्ण
काठमाडौं । राष्ट्रिय परीक्षा बोर्डले २०८० सालको माध्यमिक शिक्षा परीक्षा (एसईई) को पूरक नतिजा सार्वजनिक गरेको छ । बोर्डका अनुसार एसईईको...
-
आईसीसी विश्वकप लिग–२ मा नेपालले आज ओमानसँग खेल्दै
काठमाडौं । आईसीसी विश्वकप लिग–२ त्रिदेशीय एकदिवसीय श्रृङ्खलामा नेपालले आज ओमानसँग खेल्दैछ । क्यानडाको किंग सिटीमा नेपालले आज यो श्रृङ्खलाको...
-
लेबनानमा इजरायलकोे आक्रमणबाट मृत्यु हुनेको सङ्ख्या ४ सय ९२
जेरुसलेम । लेबनानमा इजरायलले गरेको पछिल्लो आक्रमणबाट ज्यान गुमाउनेको सङ्ख्या ४ सय ९२ पुगेको छ । हिजो बिहानदेखिको इजरायली आक्रमणबाट...
-
केही ठाउँमा मेघगर्जन, चट्याङ र हावाहुरीसहित पानी पर्ने
काठमाण्डौ ।अबका केही दिन देशभरको मौसममा फेरबदल आउने र पानी पर्न सक्ने मौसमविद्ले बताएका छन् । केही ठाउँमा मेघगर्जनरचट्याङ र...
-
आजको राशिफलः २०८१ असोज ८ गते मंगलवार
मेषः अरूको बारेमा चासो राख्दा स्वयं समस्यामा परिएला। अध्ययन र व्यापारमा सामान्य प्रगति हुनेछ। आफ्ना कमजोरीमाथि टिप्पणी हुने समय रहेकाले...
-
पर्यटनका क्षेत्रका लागि जनशक्ति उत्पादन गर्दै पर्यटन बोर्ड
काठमाडौँ, ७ असोजः पर्यटन क्षेत्रका लागि जनशक्ति उत्पादन गर्ने र उनीहरुलाई यस क्षेत्रमा आकर्षित गर्ने उद्देश्यले नेपाल पर्यटन बोर्डले क्षमता...
-
घुन्सामा हेलिकप्टर दुर्घटनाको १८ वर्ष : वातावरण संरक्षणका कार्यक्रम गरी स्मरण
फुङ्लिङ : ताप्लेजुङको फक्ताङ्लुङ गाउँपालिकास्थित घुन्सामा हेलिकप्टर दुर्घटना भएको १८ वर्ष पूरा भएको छ । जहाँ मुलुकका विभिन्न क्षेत्रका २४ विशिष्ट...
-
नेप्से परिसूचक उच्च अङ्कले गिरावट
काठमाडौं । नेपाल स्टक एक्सचेञ्ज (नेप्से) परिसूचकमा उच्च अङ्कको गिरावट देखिएको छ । आज नेप्से परिसूचक ५९ दशमलव ०२ अङ्कले...
-
बाँकेमा पिर्काले हानेर आफ्नै बुवाको हत्या
काठमाडौं। बाँकेको कोहलपुरमा पिर्काले हानेर छोराले आफ्नै बुवाको हत्या गरेका छन्। कोहलपुर नगरपालिका ८ पिपरीका ७० वर्षका नैन सिंह क्षेत्रीलाई...