श्रमिक बालबालिकाको उद्धार

समाचार

दाङ, ११ कात्तिक । दाङको घोराहीबाट ११ जना श्रमिक बालबालिकाको उद्धार गरी परिवारमा पुनःस्थापना गरिएको छ ।

घोराही उपमहानगरपालिका, युनिसेफको सहयोग र हिमालय शान्ति तथा विकास अभियानले घोराहीका विभिन्न पसलमा काम गर्दै आएका बालबालिकालाई उद्धार गरी परिवारमा पुनःस्थापना गरेको हो ।

उद्धार गरी परिवारमा पुनःस्थापना गरिएका बालबालिकामा घोराही– ४ का विशाल परियार, प्रमोद सुनार, घोराही १८ का दीपक डाँगी, युवराज डाँगी, घोराही १२ का मञ्जु केसी, यमुना नेपाली, सदर नेपाली र सन्तोष रावत रहेका छन् ।
त्यसैगरी, घोराही– ७ का कमला चौधरी, घोराही– ५ का सुरेश परियार र घोराही १० का निशान्त चौधरीलाई श्रमबाट उद्धार गरी परिवारमा पुनःस्थापना गरिएको हो ।

ती बालबालिकालाई शौक्षिक सामग्रीसहित परिवारलाई आयआर्जनका लागि रु १६ हजार पाँच सय समेत सहयोग गरिएको छ । बालबालिकालाई पढाउने र सहयोग रकमले आर्थिक उर्पाजन गर्ने सहमतिमा उनीहरुलाई सहयोग गरिएको अभियानका अध्यक्ष विकिरण गौतमले जानकारी दिनुभयो ।

कार्यक्रममा घोराही उपमहानगरपालिकाका उपप्रमुख सीता न्यौपानेले शैक्षिक सामग्री, नगद सहित बालबालिकाहरुलाई परिवार र सम्बन्धित वडा अध्यक्षहरुको जिम्मा लगाउनुभयो । (रासस)

Comments

प्रकाशित मिति : 2017-10-28

श्रमिक बालबालिकाको उद्धार

Comments

अरु समाचार