ताजा समाचार

शेरधन राईले भने, ‘मुख्यमन्त्रीको सपथ खाएपछि मात्रै बिहे गर्छु’

प्रदेश
-
       

बिराटनगर, ७ पुस । प्रदेश १ को मुख्यमन्त्री दाबेदार एमाले नेता शेरधन राईले मुख्यमन्त्रीको सपथ खाएपछि मात्रै बिहे गर्ने बताएका छन् । भोजपुरबाट प्रदेशसभा सदस्यमा निर्वाचित राईले आफु प्रदेश नम्बर १ को मुख्यमन्त्री भएको दाबी गर्दै यस्तो बताएका हुन् ।

अहिलेसम्म अविवाहित रहेका राईले शुक्रबार बिराटनगरमा पत्रकारहरुको जिज्ञासामा मुख्यमन्त्रीको शपथ खाएपछि बिहे गर्ने घोषणा गरेका हुन् । उनले थट्यौली पारामा भने, ‘मेरो घरजम धेरैको चासोको विषय बनेको छ, त्यो मुख्य मन्त्रीको सपथ खाएपछि पुरा गर्नेछु ।’

नेकपा एमालेका पोलिटव्यूरो सदस्य राईले आफूबाहेक प्रदेश नम्बर १ मुख्यमन्त्रीको दावेदार अरु नभएको दाबी गरे । उनले भने ‘ प्रदेश सरकारको मुख्य मान्छे वन्ने योजनाअनुसार नै पाइला चालेको हो, मैले त्यसका लागि पार्टीका पूर्ण सहयोग पाएको छु ।’

Comments

प्रकाशित मिति : 2017-12-22

अरु समाचार

© NewsNepal 2018 - All Right Reserved.
newsnepal.com 2017.hlon.org