प्रदेश २ मा राजपा र फोरमबीच ‘हैसियत’ को विवाद, हैसियतको कुरा खतरा हुने राजपाको चेतावनी
काठमाडौं, २४ माघ । प्रदेश २ को सरकार गठनका विषयमा संघीय समाजवादी फोरमले नयाँ विकल्प खोज्न थालेको छ । राजपाले हैसियतभन्दा बढी पदमा दाबी गरेको भन्दै प्रदेश २ को सबैभन्दा ठूलो दल संघीय समाजवादी फोरमले नयाँ विकल्पमा पनि छलफल सुरू गरेको हो ।
मंगलबार फोरम र राजपाबीच भएको वार्तामा उपेन्द्र यादवले ठूलो दलको हिसाबले संघीय समाजवादी फोरमको नेतृत्वमा राजपा सम्मिलित सरकार गठनको प्रस्ताव राखेका थिए । उनले स्थिर र मजबुत सरकारका लागि अन्य दललाई पनि सहभागी र सहमतिमा लिएर अघि बढ्ने बताएका थिए ।
यादवले फोरम, राजपा र कांग्रेस सम्मिलित सरकारको संकेत गरेका थिए । तर राजपा नेताहरुले भने मुख्यमन्त्रीमा आफ्नो दावी पेश गरेको थियो । राजपाले आफ्नो हैसियत बिर्सेको भन्दै फोरमले नयाँ विकल्पमा छलफल थालेको हो । राजपाले मुख्यमन्त्रीमा आफ्नो गर्दै आधा आधा कार्यकाल बाँड्ने बटमलाइन प्रस्तुत गरेको थियो ।
राजपाको यो प्रस्तावप्रति उपेन्द्र यादव असहमत रहेको स्रोतका दावी छ । त्यस्तै राजपाका तर्फबाट यदि मुख्यमन्त्री फोरमले लिने हो भने शक्तिसाली चार मन्त्रालय र सभामुख आफूले पाउनुपर्ने अडान राखिएको थियो । राजपाको यही अडानलाई फोरमले हैसियतभन्दा बढी भनेको हो । १०७ सदस्यीय प्रदेशसभामा फोरमको २९ सिट छ भने राजपाको २४ सिट छ । तेस्रो स्थानमा रहेको एमालेको २१, कांग्रेसको १९ सिट छ ।
माओवादी केन्द्रको ११, संघीय समाजवादी पार्टी नेपालको एक र स्वतन्त्र एक सिट छ । स्वतन्त्रले फोरमलाई साथ दिएका छन् । राजपाले हैसियतभन्दा बढी मागेको भन्दै फोरमले लगाएको आरोपको राजपाका नेताहरूले भने प्रतिवाद गरेका छन् ।
राजपाका एक नेताले भने, ‘प्रदेशसभामा चार पाँच सिट बढी जित्दैमा फोरमको हैसियत राजपाभन्दा माथि छैन । मधेसको समग्र लोकप्रिय मतमा राजपा फोरमभन्दा अगाडि छ । संघीय संसदमा पनि फोरमको भन्दा राजपाको सिट बढी छ भने हाम्रो हैसियत कसरी कम भयो ?’
हैसियतको सम्बन्धमा दुई पार्टीबीच वाकयुद्ध सुरु भए पनि राजपासहितको मधेसवादी गठबन्धनको सरकारलाई नै पहिलो प्राथमिकतामा राखिएको फोरमका एक प्रभावशाली नेताले बताए । राजपाले पनि सम्रग मधेशमा आफू पहिलो पार्टी भएको भन्दै फोरमलाई गलाउने प्रयास गरिरहेको छ । फोरमले भने कांग्रेस र माओवादीसँग मिलेर वा एमालेसँग मिलेर सरकार बनाउने गृहकार्य थालेको स्रोतको दाबी छ ।
Comments
अरु समाचार
-
बागमती, गण्डकी र कर्णाली प्रदेशमा भारी वर्षाको सम्भावना
काठमाडौँ । हाल देशभर मनसुनी वायुको प्रभाव कायमै छ । मनसुनको न्यून चापीय रेखा पश्चिममा सरदर स्थानको उत्तरतिर र पूर्वमा...
-
केही स्थानमा स्थानमा मेघगर्जन र चट्याङसहित हल्कादेखि मध्यम वर्षाको सम्भावना
काठमाडौँ, ४ असोजः हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखाको पश्चिमतिर...
-
कोशीका मुख्यमन्त्री कार्कीले असोज २ गते विश्वासको मत लिने
काठमाडौं । कोशी प्रदेशका मुख्यमन्त्री हिक्मतकुमार कार्कीले आगामी असोज २ गते विश्वासको मत लिने भएका छन् । नेपाल कम्युनिष्ट पार्टी...
-
मुग्लिङ-नारायणगढ सडकखण्ड अन्तर्गत सिमलतालबाट त्रिशूली नदीमा ट्रक खस्यो
काठमाडौं । मुग्लिन-नारायणगढ सडकखण्डको सिमलतालबाट आइतबार बिहानै ट्रक खसेको छ। खाने तेल बोकेर सिमाराबाट काठमाडौँ गइरहेकोे ट्रक त्रिशूलीमा खसेको हो...
-
साहित्यकारहरुले भने- नारद पोखरेलको उपन्यास ‘उर्वरा’ ले सजिलै पाठकको मन तान्छ
काठमाडौं, भदौ २९ । उपन्यासकार नारद पोखरेलको उपन्यास ‘उर्वरा’ पाठकका लागि फरक स्वादको चटनी भएको एक कार्यक्रममा सहभागी स्रष्टाहरुले बताएका...
-
बाल अधिकार संरक्षणमा प्रदेश सरकार प्रतिबद्ध छः मुख्यमन्त्री कार्की
काठमाडौं । कोशी प्रदेश सरकारका मुख्यमन्त्री हिक्मतकुमार कार्कीले प्रदेश सरकार बाल अधिकार संरक्षणमा प्रतिबद्ध भएको बताएका छन्। आज बाल दिवसका...
-
बाग्मती, गण्डकी, मधेश र कोशीमा हल्कादेखि मध्यम वर्षाको सम्भावना
काठमाण्डौ । लुम्बिनी, कर्णाली र सुदूरपश्चिमका विभिन्न ठाउँमा अस्तिदेखि लगातार भइरहेको ठूलो वर्षा रोकिएको छ । गएरातिदेखि ती ठाउँमा पानी...
-
वर्षासँगै आएको पहिरोले सुदूरपश्चिमका विभिन्न राजमार्ग अवरुद्ध
काठमाडौं । अविरल वर्षासँगै आएको पहिरोले सुदूरपश्चिम प्रदेशका पहाडी क्षेत्रका विभिन्न राजमार्ग अवरुद्ध भएका छन् । ठाउँ ठाउँमा गएको पहिरोका...
-
दशौँ राष्ट्रिय खेलकुद प्रतियोगिताको तयारीमा कर्णाली, व्यवस्थापन र पूर्वाधार निर्माणको दबाब
काठमाडौं । कर्णालीमा आगामी मङ्सिर २–९ गतेसम्म हुने दशौँ राष्ट्रिय खेलकुद प्रतियोगिताको समय आउन अब करिब दुई महिना बाँकी छ...