टेलिटिचिङ शुरु गर्दै विद्यालय, महावीर पुनले प्राविधिक सहयोग गर्ने
म्याग्दी, १ असार । अन्नपूर्ण गाउँपालिकाले शैक्षिक गुणस्तरमा सुधार ल्याउन केही विद्यालयमा टेलिटिचिङको अवधारणा अघि सारेको छ ।
भौगोलिक रुपले विकट रहेको र विद्यालयमा प्रर्याप्त विषयगत जनशक्ति नभएकाले गाउँपालिकाभित्र रहेका १० वटा माध्यमिक विद्यालयमा टेलिटिचिङको अवधारणा अघि सारिएको हो ।
एक विद्यालयको पठनपाठनको शैलीलाई अर्को विद्यालयमा प्रत्यक्ष रुपमा हेर्न मिल्ने नयाँ प्रविधि ‘टेलिटिचिङ’ प्रयोग गरेर पठनपाठन शुरुवात गर्ने तयारी गरिएको गाउँपालिकाका अध्यक्ष क्याप्टेन डमबहादुर पुनले बताए ।
गाउँपालिकाको आर्थिक सहयोग, राष्ट्रिय आविष्कार केन्द्रका अध्यक्ष महावीर पुनको प्राविधिक सहयोग र गाउँपालिकास्तरीय शिक्षक महासंघको समन्वयमा टेलिटिचिङ शुरु गर्न लागिएको उनको भनाइ थियो ।
‘‘गाउँपालिकाभित्र अहिले १० वटा मावि तहका विद्यालय छन्, ती सबै विद्यालयमा उच्चगतिको इन्टरनेट जडान गरी स्मार्ट टिभीमार्फत एक विद्यालयको पठनपाठन शैली अर्को विद्यालयले प्रत्यक्ष रुपमा हेर्न मिल्ने बनाउँछौँ’’ अध्यक्ष पुनले भने ।
टेलिटिचिङको लागि १० वटा विद्यालयमा छुट्टै टेलिटिचिङ कोठा तयार पार्न थालिएको र स्मार्ट टिभी र इन्टरनेटको बन्दोबस्त गर्ने काम भइरहेको छ । महावीर पुनले यसअघि नै विस्तार गर्नुभएको ताररहित इन्टरनेट प्रविधिलाई उपयोग गरी टेलिटिचिङ शुरुवात गर्न लागिएको हो ।
सो कार्यका लागि चालु आर्थिक वर्षमै गाउँपालिकाले रु १० लाख बजेट विनियोजन गरिसकेको र अन्य अपुग हुन आउने रु पाँच लाख ७० हजार गाउँपालिकाका अध्यक्ष पुनले व्यक्तिगत रुपमै जुटाउने प्रतिबद्धता जनाए ।
गाउँपालिकाबाट विनियोजन भएको बजेटबाट इन्टरनेट जडान सम्बन्धी सामग्री खरिद गरिएको छ । थप बजेटका लागि ५० इन्चको टिभी खरिदमा हरेक विद्यालयले रु ५० हजार स्रोत जुटाउने र बाँकी रहेको रु ५७ हजारको दरले आउने व्ययभार गाउँपालिका अध्यक्ष पुनले व्यक्तिगत रुपमै जुटाउने समझदारी भएको गाउँपालिकाका प्रमुख प्रशासकीय अधिकृत अच्युत दाहालले जानकारी दिए ।
आगामी साउनभित्रै अन्नपूर्ण गाउँपालिकाले टेलिटिचिङ प्रारम्भ गर्ने तयारी भएको उनले बताए। महावीर पुनले यसअघि नै यस क्षेत्रमा ताररहित इन्टरनेटको सञ्जाल विस्तार गरिसकेकाले टेलिटिचिङ शुरुवात गर्न थप सहज भएको छ ।
‘‘ उच्चगतिको इन्टरनेटका लागि रेडियो फ्रिक्वेन्सी थप गर्ने तयारी भएको छ, हरेक विद्यालयले प्रविधियुक्त कक्षा कोठाको व्यवस्थापन पनि शुरु गरेका छन्, टेलिटिचिङ शुरु गरिएपछि स्काइपको माध्ययममार्फत एक विद्यालयको पठनपाठन अर्को विद्यालयमा प्रत्यक्ष हेर्न मिल्छ”–अन्नपूर्ण गाउँपालिकास्तरीय शिक्षक महासंघका अध्यक्ष रमन पुनले भने, “अहिले विभिन्न विद्यालयले विषयगत शिक्षकको अभाव खेपिरहेको सन्दर्भमा यसको माध्ययममार्फत एक विद्यालयमा पठनपाठन भएको प्रत्यक्ष प्रशारण हेर्न र सुन्न मिल्छ । ”
खासगरी विज्ञान, गणित र अंग्रेजी विषयका शिक्षक अभाब भइरहने र विद्यार्थीको नियमित पठनपाठनमा नै समस्या आउने गरेको सन्दर्भमा टेलिटिचिङ उपयोगी हुनसक्ने स्रोत व्यक्ति जयराम सुवेदीले जानकारी दिए ।
तारबिनाको इन्टरनेटको माध्ययममार्फत नागीमा यसअघि टेलिमेडिसिन सेवा प्रयोगमा आइसकेको छ । नागीमा सार्वजनिक स्वास्थ्य सरोकार केन्द्रले तारबिनाको इन्टरनेटको उपयोग गरी काठमाडाैँको मोडल अस्पताललका चिकित्सकसँग भिडियो कन्फ्रेन्समार्फत प्रत्यक्ष कुराकानी गरी उपचार गर्ने ‘टेलिमेडिसिन मार्फत दुर्गम गाउँमै वरिष्ठ चिकित्सकको परामर्शमा उपचार सेवा उपलब्ध हुँदै आएको छ ।
यसैबीच आगामी आर्थिक वर्षको बजेटमा शिक्षा क्षेत्रलाई प्रमुख प्राथमिकतामा राखेर उक्त गाउँपालिकाले नीति तथा कार्यक्रम र बजेट निर्माण गर्ने तयारी गरेको गाउँपालिका अध्यक्ष पुनले बताए ।
गाउँपालिकाभित्र रहेका सामुदायिक विद्यालयको शैक्षिक गुणस्तर वृद्धिका लागि यसै शैक्षिक सत्रदेखि कक्षा १ सम्म अनिवार्य रुपमा अंग्रेजी माध्ययममार्फत पठनपाठनको व्यवस्था गरिएको वडा नं २ का अध्यक्ष एवं गाउँपालिकाका सामाजिक विकास समितिका संयोजक ओमप्रसाद फगामीले बताए ।
उहाँले आगामी वर्षदेखि क्रमिक रुपमा अंग्रेजी माध्ययममार्फत पठनपाठन गर्नेगरी कक्षा थप गर्दै जाने जानकारी दिए ।
Comments
अरु समाचार
-
गण्डकी प्रदेशका मुख्यमन्त्री नियुक्ति विवादको मुद्धा हेर्दाहेर्दैमा, अर्को पेसी वैशाख १७ गते
पोखरा। गण्डकी प्रदेश सरकारको मुख्यमन्त्री नियुक्तिसम्बन्धी विवादको विषयमा बहस नसकिएपछि सर्वोच्च अदालतले त्यसलाई हेर्दाहेर्दैमा राखेको छ । न्यायाधीश सपना प्रधान...
-
गण्डकी प्रदेश सरकारविरुद्धको रिटमाथिको सुनुवाइका कारण १९ मुद्दा स्थगित
काठमाडौं । गण्डकी प्रदेश सरकारविरुद्धको रिटमाथिको सुनुवाइका कारण १९ मुद्दा स्थगित भएका छन् । सर्वोच्च अदालतका न्यायाधीशद्वय सपना प्रधान मल्ल...
-
गण्डकी प्रदेशको मुख्यमन्त्रीमा खगराज अधिकारी नियुक्त
काठमाडौं । गण्डकी प्रदेशको मुख्यमन्त्रीमा एमाले संसदीय दलका नेता खगराज अधिकारी नियुक्त भएका छन् । प्रदेश प्रमुख डिल्लीराज भट्टले संविधानको...
-
गण्डकी प्रदेशको मुख्यमन्त्रीमा एमालेका अधिकारीको दाबी पेस
काठमाडौं । गण्डकी प्रदेश सरकारको मुख्यमन्त्रीमा नेपाल कम्युनिष्ट पार्टी (एमाले) प्रदेशसभा संसदीय दलका नेता खगराज अधिकारीले दाबी पेस गरेका छन्...
-
गण्डकीमा सरकार गठनका लागि ७ दिनको समय
पोखरा । गण्डकी प्रदेशको मुख्यमन्त्री पदमा दाबी पेस गर्न आह्वान गरिएकाे छ । बुधवार मुख्यमन्त्री सुरेन्द्रराज पाण्डेले राजीनामा दिएपछि प्रदेश...
-
कोशी, बागमती र गण्डकी प्रदेशको केही पहाडी भूभागमा हल्का वर्षा
काठमाडौँ । जल तथा मौसम विज्ञान विभाग मौसम पूर्वानुमान महाशाखाले हाल नेपालमा पश्चिमी वायु तथा स्थानीय वायुको प्रभाव रहेको जनाएको...
-
शाइन रेसुंगा बैंकलाई फेरि ‘बेष्ट म्यानेज्ड डेभलपमेन्ट बैंक अवार्ड’
बुटवल । शाइन रेसुंगा डेभलपमेन्ट बैंकले बेष्ट म्यानेज्ड डेभलपमेन्ट बैंक २०२४ अवार्ड जितेको छ । न्यू बिजनेश एज प्रालिले काठमाडौंमा...
-
प्रधानमन्त्रीले पर्सि पोखरालाई ‘पर्यटकीय राजधानी’ घोषणा गर्ने
काठमाडाैँ । पोखरालाई देशकै पर्यटकीय राजधानी घोषणा गरिने भएको छ। पोखरालाई प्रधानमन्त्री पुष्पकमल दाहाल ‘प्रचण्ड’ले आइतबार पर्यटकीय राजधानी घोषणा गर्नेछन्।...
-
गण्डकी प्रदेशसभाको चालु अधिवेशन आकस्मिक रुपमा अन्त्य
काठमाडौं । गण्डकी प्रदेशसभाको चालु अधिवेशन अन्त्य गरिएको छ। प्रदेश सरकारको सिफारिसमा प्रदेश प्रमुख पृथ्वीमान गुरुङले अधिवेशन शुक्रबार राति १२...