ग्राण्डी अस्पतालको छतमा दुर्घटनाग्रस्त सिम्रिक एयरको हेलिकप्टर यसरी हटाइयो (भिडियोसहित)

बागमती प्रदेश

काठमाडाैं ७, साउन । गत असार १५ गते शनिवार ग्राण्डी अस्पतालमा मेडिकल टिम लिन आएको र हेलिप्याडमा ल्याण्ड गर्दा दुर्घटनाग्रस्त भएको सिम्रिक एयरको हेलिकप्टर आइतबार अस्पतालको छतबाट निकालेर लगिएको छ ।

अस्पतालको १४ तल्ला माथि छतमा रहेको दुर्घटनाग्रस्त हेलिकप्टर हटाउने काममादुई दिन सिम्रिक एयरको इन्जिनियरिङ तथा रेस्क्यु टिमले दिनभर काम गरेपछि हेलिकप्टर हटाउन सकिएको जनाइएको छ । हेलिकप्टर हटाइसकेपछि हस्पिटलको रुफटप हेलिप्याड अव सुरक्षित रहेको समेत हस्पतालले जानकारी दिएको छ ।

त्यसै, दुर्घटना भएलगत्तै ग्राण्डी अस्पतालको सुरक्षा तथा रेस्क्यु टोली, नेपाली सेना, नेपाल प्रहरी, शशस्त्र प्रहरी बल तथा सिम्रिक एयरको इन्जिनियरिङ टोलीले संभावित क्षति न्यूनिकरणमा सहयोगकालागि आभार प्रकट समेत गरेको छ।

अस्पतालको मेडिकल टिम लिन आएको सिम्रिक एयरको 9N-ALR कल साइनको हेलिकप्टर असार १५ गते दिउँसो २ बजेर ३२ मिनेटमा अस्पतालको हेलिप्याडमा ल्याण्ड गरिसकेपछि अचानक अनौठो आवाज आएर घडिको सुइको बिपरित दिशामा केहिफन्को घुमेर अस्पतालको दक्षिण तर्फको कुनामा खस्न पुगेको थियो ।