नेपाली ध्वजावाहक ह्वाइटबडिको जापान र कोरिया उडान अड्कायो, इयूको कालोसूचीले
काठमाडाैं ३, भदाै । युरोपियन युनियनले नेपाली एयरलाइन्सलाई कालोसूचीमा राखेकाले राष्ट्रिय ध्वजावाहक नेपाल एयरलाइन्सले जापान र दक्षिण कोरियामा उ उडान अनुमति पाउन सकेको छैन। एयरबसको ए ३३० जहाज ल्याएको एयरलाइन्सले जापान र कोरिया उडान गर्ने योजना बनाएको थियो।
जापानको टोकियो र कोरियाको इन्छन विमानस्थलमा उडान गर्न स्लट(समयतालिका) पाए पनि त्यहाँको नियामक निकायले अनुमति (अन्तर्राष्ट्रिय एओसी) नदिँदा अनुमति पाउन ढिला भएको छ। युरोपियन युनियनको कालोसूचीको कारण देखाउँदै जापान र कोरियाले नेपाल एयरलाइन्सलाई उडान अनुमति दिन ढिला गरेको प्रबन्ध निर्देशक सुगतरत्न कंसाकारले जानकारी दिए।
नागरिक उड्डयन प्राधिकरणका महानिर्देशक सञ्जीव गौतमका अनुसार कोरियाको उड्डयन सुरक्षा संसारकै कडा मानिन्छ। त्यसैले उनीहरू यहीँ आएर उडान सुरक्षा अवालोकन गरेरमात्र अनुमति दिन्छन्।
‘कोरियामा नेपाल एयरलाइन्सले उडान अनुमति पाउनु भनेको इयूको सूचीबाट उम्कनु बराबर हो, हामी सुरक्षामा अब्बल छौं भन्ने पुष्टि हुन्छ,’ गौतमले भने।
गत असार १४ गते पहिलो ए३३० जहाज ल्याएको एयरलाइन्सले दोस्रो जहाज साउन ११ मा ल्याएको थियो। २७४ सिट भएका ती जहाज लामो दुरीमा उडान गर्ने योजना बनाएको एयरलाइन्सले उडान अनुमति नपाउँदा अहिलेकै गन्तव्यमा उडान गरिररहेको छ।
कोरियाको उडान नियामक निकायको टोली यहाँ आएर सुरक्षा अडिट गर्न इच्छुक भएको संस्कृति पर्यटन तथा नागरिक उड्डयन मन्त्रालयका सहसचिव सुरेश आचार्यले जानकारी दिए।
‘उनीहरुले यहाँ आएर गर्ने अडिटको गाइडलाइन्स पठाएका छन्, हिजोमात्र त्यो हामीले पाएका छौं” उनले भने, ‘गाइडलाइन्स अनुसार कोरियाको टोलीलाई आफ्नै खर्चमा अब नेपाल एयरलाइन्सले बोलाउन सक्छ।’
इयूले केही वर्षअघि नेपाली एयरलाइन्सलाई कालोसूचीमा राखेको थियो। जुन अझै हट्न सकेको छैन।
सामान्यत: ८ घण्टाको व्यावसायिक उडान गरिने जहाज अहिले ३ घण्टाको उडानमै केन्द्रीत हुँदा एयरलाइन्सले नोक्सानी बेहोरिरहेको छ।
Comments
अरु समाचार
-
रुसी र चिनियाँ सदाका लागि दाजुभाइ हुन्ः राष्ट्रपति पुटिन
काठमाडौं । रुसी राष्ट्रपति भ्लादिमिर पुटिनले आफ्नो दुई दिने चीन भ्रमणको समापन दिनमा दुई देशबीचको सम्बन्धको उच्च प्रशंसा गर्दै रुसी...
-
भारतमा चट्याङले १२ को मृत्यु
काठमाडौं । भारतको पूर्वी राज्य पश्चिम बङ्गालमा बिहीबार चट्याङ पर्दा कम्तीमा १२ जनाको मृत्यु हुनुका साथै अन्य धेरै घाइते भएको...
-
जनकपुर–जयनगर रेल्वे सेवा तीन दिनसम्म बन्दरहने
जलेश्वर । भङ्गहा–जनकपुर–जयनगर रेल्वे सेवा आउँदो शनिबारदेखि तीन दिनसम्मको लागि बन्द रहने भएको छ ।नेपाल रेल्वे कम्पनी लिमिटेडका प्रबन्ध सञ्चालक...
-
स्लोभाक प्रधानमन्त्री फिकोमाथि भएको आक्रमण कायरतापूर्ण कार्य: प्रधानमन्त्री मोदी
काठमाडौं । भारतका प्रधानमन्त्री नरेन्द्र मोदीले स्लोभाकियाका प्रधानमन्त्री रोबर्ट फिकोमाथि भएको गोली प्रहारलाई ‘कायरतापूर्ण र डरलाग्दो कार्य’ भएको निन्दा गर्दै...
-
रुसी राष्ट्रपति भ्लादिमिर पुटिन चीन भ्रमणमा
काठमाडौं । रुसी राष्ट्रपति भ्लादिमिर पुटिन आफ्नो दुई दिने राजकीय भ्रमणका लागि चीन आइपुग्नुभएको सिएनएनले जनाएको छ । मस्को र...
-
राष्ट्रपति पुटिन चीन भ्रमणमा
काठमाडौं । रुसी राष्ट्रपति भ्लादिमिर पुटिन आफ्नो दुई दिने राजकीय भ्रमणका लागि चीन आइपुग्नुभएको सिएनएनले जनाएको छ । मस्को र...
-
स्लोभाकियाका प्रधानमन्त्रीमाथि गोली प्रहार
काठमाडौं । स्लोभाकियाका प्रधानमन्त्री रोबर्ट फिकोमाथि गोली प्रहार गरिएको छ । बीबीसीका अनुसार प्रधानमन्त्री फिको गाडीमा बस्न जाने बेलामा उनीमाथि...
-
खार्किभ क्षेत्रका केही भागबाट युक्रेनी सेना फिर्ता
काठमाडौं । गत सातादेखि रूसी सेना सीमातर्फ अगाडि बढ्दै बस्तीहरूमा आक्रमण सुरु गरेपछि युक्रेनले पूर्वी खार्किभ क्षेत्रका धेरै गाउँ नजिकै...
-
नोबेल पुरस्कार विजेता साहित्यकार एलिस मुनरोको निधन
काठमाडौं ।नोबेल पुरस्कार विजेता लेखक एलिस मुनरोको निधन भएको छ । कथ्य–शैलीका कारण द क्यानडियन चेखब का रूपमा समेत परिचित...