वीरगञ्जको नारायणी अस्पतालमा १० दिनदेखि एक्स-रे सेवा बन्द्
वीरगञ्ज१, असोज । वीरगञ्जको नारायणी उपक्षेत्रीय अस्पतालमा १० दिनदेखि एक्स-रे मेशिन सञ्चालनमा नआउँदा बिरामीहरु मर्कामा परेका छन् ।
अस्पतालबाट एक्स-रे सेवा नपाएका कारण विरामीहरु चर्को मुल्यमा बाहिर एक्स-रे गराउन बाध्य भएका छन् ।
नारायणी उपक्षेत्रीय अस्पतालले एक्स-रेका लागि ३ सय ५० रुपैयाँ शुल्क लिँदै आएको छ भने निजी स्वास्थ्य संस्थामा ४ सय रुपैयाँ लिने गरेका छन् ।
अस्पतालमा एक्स-रे गर्न नपाउँदा ५० रुपैयाँ बढी खर्च भइरहेको गुनासो विरामीहरुले गरेका छन् भने अस्पतालले पनि दैनिक ५० हजार भन्दा बढी शुल्क गुमाइरहेको छ । अस्पतालमा दैनिक १ सय ५० भन्दा बढी एक्स-रे हुने तथ्याङ्क छ ।
अनलाइन युपिएसमा समस्या आएकोले एक्स-रे सेवा सञ्चालन गर्न नसकिएको अस्पतालका रेडियोग्राफी अधिकृत प्रदीप साहले जानकारी दिए । ‘अनलाइन युपिएसमा समस्या आएको झण्डै १० दिन भइसक्यो, दुई जना मिस्त्रीले लगेर फिर्ता ल्याए, एक जनाले बनाएर ल्याएको भनेका थिए, तर चलेन,’ उनले भने, ‘बोर्डमा समस्या छ फेर्नुपर्छ भनेका छन्, वीरगञ्जमा पाइएन, आज विश्वकर्मा पुजाको काम हुन सकेन । भोलि जसरी पनि बनाउँछु भनेका छन् ।’
त्यसैगरी अस्पतालको प्रयोगशालामा रहेको किड्नी सम्बन्धि युरिया र क्रिटी नाईन टेष्ट गर्ने मेशिन पनि विगि्रएको छ । जसले गर्दा विरामीहरुलाई थप मर्का परिरहेको छ ।
अस्पतालका मेडिकल सुपरीटेन्डेन्ट डा एनामुल हकले भने अस्पतालमा आउने प्राविधिक समस्या समाधानका लागि प्रयास भईरहेको बताएका छन् । ‘डाइरेक्ट लाइनबाट एक्स-रे मेशिन चलाउँदा प्रोग्राम उड्ने समस्या देखियो ।’ उनले भने ‘युपिएस मर्मतका लागि पठाएका छौं । छिट्टै सेवा सुचारु हुन्छ ।’
युरिया र क्र्याटिनाईन टेष्ट गर्ने मेशिन भने कम्पनीबाटै मान्छे बोलाएर बनाउने गरिएकोले समय लाग्ने उनको भनाई छ । ‘मेशिन बिग्रेको छ, बनाउन पहल गरिरहेका छौं,’ मेसु हकले भने, ‘कम्पनीबाटै मानिस बोलाएर बनाउने गरेकोले केही दिन लाग्न सक्छ ।’
जसले गर्दा विरामीहरुको डायलासिस सेवा नै प्रभावित भइरहेको छ । प्रयोगशालामा आवश्यक पर्ने विभिन्न केमिकलहरु समयमा नआउँदा पनि सेवा प्रभावित हुने गरेको अस्पतालका कर्मचारीहरुले नै बताएका छन् ।
ईसीजी बिग्रिएको हल्लाले बिरामी बाहिर
अस्पतालको विभिन्न वार्डमा ईसिजी रहेको भएपनि ईसिजी बिग्रिएको हल्ला चलेपछि बिरामीलाई ईसीजी गर्न बाहिर पठाइएको छ ।
अस्पतालको ओपीडि वार्डको ईसिजी मात्रै बिग्रिएको भएपनि ईसीजी बिगि्रएको हल्ला चलेपछि विरामीहरु जाँचका लागि अस्पताल बाहिर गएका थिए ।
अस्पतालको इर्मजेन्सी, आईसीयु लगायतका विभिन्न वार्डमा ईसीजी मेशिन हुने भएपनि त्यसलाई प्रयोग नगरी विरामीलाई बाहिर पठाइएको हो ।
अस्पतालका मेडिकल सुपरीटेन्डेन्ट हकले भने ईसीजी बिग्रिएको बारे जानकारी नै नगराएकोले त्यसो हुन गएको बताए । ‘मलाई त्यसको जानकारी नै भएन, नत्र विरामीलाई अर्को वार्डमा पठाईन्थ्यो,’ उनले भने ‘ स्टोरमा पनि एक्स्ट्रा मेशिन रहन्छ ।’
Comments
अरु समाचार
-
केही पहाडी उच्च स्थानमा हिमपात र केही ठाउँमा वर्षा
काठमाडौं । जल तथा मौसम विज्ञान विभाग मौसम पूर्वानुमान महाशाखाले हाल नेपालमा स्थानीय र पश्चिमी वायुका साथै भारतको बिहार आसपास...
-
मधेश सरकारबाट एमाले र माओवादी बाहिरिने
काठमाडौं । मधेश सरकारबाट नेकपा एमाले र नेकपा माओवादी केन्द्र बाहिरिने भएका छन् । आइतबार दुवै पाटिले मधेश सरकार छाड्ने...
-
देशका विभिन्न भागमा वर्षा, दिनभरी नै हल्कादेखि मध्यम वर्षा हुने
काठमाडौं । जल तथा मौसम विज्ञान विभाग मौसम पूर्वानुमान महाशाखाले हाल नेपालमा पश्चिमी वायु, स्थानीय वायुका साथै भारतको बिहार आसपास...
-
एक सातासम्म मेघगर्जनसहित पानी पर्ने,चट्याङबाट जोगिन विज्ञको आग्रह
काठमाडौं । अहिले नेपालमा सक्रिय मौसमी प्रणाली आगामी केही दिनसम्म रहने भएकाले यो साताभरि नै देशका विभिन्न भागमा मेघगर्जनसहित पानी...
-
केही पहाडी भूभागमा सामान्य बदली, अन्यमा मौसम सफा
काठमाडौँ ,। जल तथा मौसम विज्ञान विभाग, मौसम पूर्वानुमान महाशाखाले हाल नेपालमा पश्चिमी न्यून चापीय प्रणालीको आंशिक प्रभाव रहेको जनाएको...
-
स्थानीय भन्छन् – झोलुङ्गे पुल त बन्यो अब मोटरेबल पुल कहिले ?
जनकपुरधाम । धनुषा र सिरहा जोड्ने हुलाकी सडकअन्तर्गत कमला नदीमाथि मोटरेबल पुल निर्माण सुरु भएको १२ वर्ष बितिसक्दा पनि पूरा...
-
प्रधानमन्त्री उद्घाटन र शिलान्यासका नाममा मधेस झर्दै
जनकपुर । प्रधानमन्त्री पुष्पकमल दाहाल प्रचण्ड धनुषा जान लाग्नुभएको छ । उहाँ विभिन्न कार्यक्रममा सरिक हुन बिहान साढे ११ बजे...
-
भोलिदेखि सुरु हुने दादुरा-रुवेलाविरुद्धको खोप सुरक्षित र प्रभावकारी भएको दाबी
काठमाडौँ । आइतवारदेखि सुरु हुने दादुरा–रुवेलाविरुद्धको खोप प्रभावकारी रहेको बताइएको छ । स्वास्थ्य सेवा विभाग परिवार कल्याण महाशाखाले खोप सुरक्षित...
-
नेपालमा पश्चिमी न्यून चापीय प्रणालीको प्रभाव,आंशिकदेखि साधरणतया बदली
काठमाडौँ । हाल नेपालमा पश्चिमी न्यून चापीय प्रणालीको प्रभाव रहेको मौसम पूर्वानुमान महाशाखाले जनाएको छ। जसको प्रभावले देशभर मौसममा आंशिकदेखि...