माननीय राजेन्द्र गौतम नेतृत्वमा किमाथाङ्का अभियान
उत्तर–दक्षिण कोशी सडक आयोजनाको स्थलगत निरीक्षण
काठमाडौँ । प्रतिनिधिसभाका सदस्य माननीय राजेन्द्र गौतमको नेतृत्वमा खाँदबारीदेखि किमाथाङ्कासम्म गएको २७ सदस्यीय भ्रमण टोलीले उत्तर–दक्षिण कोशी सडक आयोजनाको माथिल्लो /तल्लो एलाइन्मेन्टको स्थलगत निरीक्षण गरेको छ । मंसीर ४ बाट सुरु गरी मंसीर १२ गतेसम्म भ्रमण गरेको टोलीले उक्त सडकलाई यथाशिघ्र तल्लो एलाइन्मेन्टबाट किमाथाङ्कासम्म जोड्न निर्देशन दिएको मंगलबार राजधानीमा पत्रकार सम्मेलन गरी जानकारी गराएको छ ।
चिनीयाँ प्रतिनिधि मण्डलसँग शिष्टाचार भेट
किमाथाङ्कामा नाका खोल्दा आवश्यकीय सरकारी कार्यालय भन्सार, अध्यागमन, सीमा सुरक्षा चौकी, सीमा सुरक्षा बल, क्वारेन्टाइन (पशु र प्लान्ट) चेक पोस्टको स्थापनाका लागि अरुण नदीमा तत्काल तटबन्ध निर्माण गरिनुपर्ने आवश्यक रहेको छ र यसबारेमा नापी कार्यालयको तर्फबाट जग्गा नापजाँच समेत गरिएको हुनाले नेपाल सरकारलाई यसबारे यथार्थ प्रतिवेदन पेस गरिने भ्रमण टोलीद्वारा जारी प्रेस विज्ञप्तिमा भनिएको छ,‘संघीय र प्रदेश सरकारको स्वीकृतिमा दुबै देशका प्रशासन कार्यालय र देङ्जीका प्रतिनिधिहरूकाबीचमा दुई देशको सीमा सुरक्षा अवस्था, व्यवसायिक गतिविधिमा तीव्रता आवागमनका विषयलाई समेट्दै पाँच बूँदे सहमति गरी आआफ्नो माथिल्लो आधिकारीक निकायसँग अनुमतिका निम्ति प्रतिवेदन पेस गरिएको छ । सोही अवसरमा चिनियाँ पक्षबाट भ्रमण दलमा सामेल भएका माननीय ज्यूहरूसँग शिष्टाचार भेटघाट गरी आपसी हितका विषयमा संक्षिप्त कुराकानी भएको छ ।’
किमाथाङ्कामा रहँदा वडाकार्यालयको उद्घाटन, विद्यालय, स्वास्थ्य चौकी एवम् सरकारी कार्यालयहरूको अनुगमन तथा निरिक्षण समेत भ्रमण टोलीले गरेको छ । त्यस्तै निर्माणाधिन अरुण तेस्रो आयोजना प्रगतीको बारेमा साइट इन्जिनीयरहरूसँग जानकारी पनि टोलीले लिएको छ ।
चिनियाँ पक्षसँग र्वार्तापछि सामूहिक तस्बिरमा
भ्रमण टोलीले भोटखोला गाउँपालिकाको केन्द्र हटिया र गोला वजारमा जिल्ला प्रशासन कार्यालयको तर्फबाट घुम्ती शिविर आयोजना गरेर नागरिकता वितरण कार्यक्रम सम्पन्न भएको छ । यस्ता कार्यहरू दुर्गम क्षेत्रमा अझ व्यापक बनाउनु पर्ने आवश्यकता रहेको माननीय राजेन्द्र गौतमको भनाई छ ।
हटियामा युवतीहरू उत्साहका साथ नागरिकता लिंदै
भ्रमणकै शिलशिलामा फ्याक्सिन्दादोभान, हेदानागढी, गोलाबजार, सिम्बुङ, हुङगुङ, छेसुम्वाडाँडा, किमाथाङ्का, अरुण तटबन्ध, कामुखोलाको मितेरीपुल, चाङा बजार, छुमसुर, चेपुवा, च्याम्ताङ, लिङगाम, नामासे, तुङखालिङ लगायतका वस्तीहरूमा सांसदहरूले भेटघाट गर्नुका साथै विकास आयोजनाको निरीक्षण पनि गरेका थिए ।
गोलामा ८२ वर्षीय वृद्धा आमा नागरिकता लिंदै
Comments
अरु समाचार
-
जुवातास खेलाउने अभियुक्तलाई सामान्य धरौटीमा छुटाउने खेल, अभियुक्तले किर्ते नागरिकता समेत लिएको खुलासा
काठमाडौं । नेपाल प्रहरीको उपत्यका अपराध अनुसन्धान कार्यालय टेकुको गत असोज ४ गते काठमाडौं महानगरपालिका वडा नं ६ बौद्वको फुलवारी...
-
त्रिविविद्वारा एआई प्रयोगमा प्रतिबन्ध
काठमाडौं । त्रिभुवन विश्वविद्यालय (त्रिविवि)ले विश्वविद्यालयद्वारा सञ्चालित जुनसुकै तहको परीक्षामा ‘आर्टिफिसियल इन्टेलिजेन्स’ (एआई)को प्रयोग गरेको पाइएमा परीक्षा रद्द हुने जनाएको...
-
असोज ९ गते न्यायपरिषदको बैठक बस्दै, सर्वोच्चमा चार न्यायाधीश सिफारिस गर्ने तयारी
काठमाडौं। सर्वोच्च अदालतमा रिक्त रहेका चार न्यायाधीश सिफारिस गर्न न्याय परिषदको बैठक २०८१ असोज ९ गते भोली बस्दैछ। प्रधानन्यायाधीश...
-
मुखमा मास्क र कालो टेप लगाएर दुर्गा प्रसाइँ पक्राउविरुद्ध प्रदर्शन
काठमाडौं । बी एन्ड सी मेडिकल कलेजका सञ्चालक दुर्गा प्रसाईंलाई पक्राउ गरिएको विरोधमा दैनिक विरोध प्रदर्शन हुन थालेको छ ।...
-
न्युजिल्यान्डका वैज्ञानिकहरूले पत्ता लगाए घोस्ट ‘स्पुकफिस’
काठमाडौं । न्युजिल्यान्डका वैज्ञानिकहरूले मङ्गलबार ‘घोस्ट सार्क’ को नयाँ प्रजाति पत्ता लगाएका छन् । यो माछाको एक प्रकार हो र...
-
आगलागीबाट ३५ लाख बराबरको क्षति
काठमाडौं । यहाँको मेलौली नगरपालिका–६ लामालेक बजारमा आगलागी हुँदा रु ३५ लाख बराबरको क्षति भएको छ । लामालेक बजारमा रामदत्त...
-
चाडपर्वलाई सुरक्षित बनाउन प्रहरी प्रधान कार्यालयले निर्देशन
काठमाडौं । चाडपर्वलाई सुरक्षित बनाउन प्रहरी प्रधान कार्यालयले निर्देशन दिएको छ । निमित्त प्रहरी महानिरीक्षक (प्रहरी अतिरिक्त महानिरीक्षक) टेकप्रसाद राईले...
-
विपन्न तथा ज्येष्ठ नागरिकलाई उपचारमा २० प्रतिशत छुट
काठमाडौं । बाजुरा जिल्लाको पूर्वी उत्तरी भेगको बूढीनन्दा नगरपालिकामा रहेको कोल्टी आधारभूत अस्पतालले नगरपालिका क्षेत्रभित्रका नागरिकको उपचारमा २० प्रतिशत छुट...
-
गर्मीका कारण कञ्चनरुप नगरपालिका विद्यालयमा बिदा
काठमाडौं । तराई–मधेसमा अत्यधिक गर्मी बढेसँगै सप्तरीको कञ्चनरुप नगरपालिका अन्तर्गतका विद्यालयमा बिदा दिइएको छ । नगरपालिकाले सूचना जारी गर्दै आजदेखि...