ओली-दाहाल भेटवार्ता : मन्त्रिपरिषद् पुनर्गठनबारे थप छलफल
काठमाडाैँ । मन्त्रिमण्डल पुनर्गठन गर्ने विषयमा नेकपाका अध्यक्ष तथा प्रधानमन्त्री केपि शर्मा ओली र कार्यकारी अध्यक्ष पुष्पकमल दाहाल प्रचण्डबीच बालुवाटारमा छलफल भएको छ।
सोमबारका लागि तय गरिएको पार्टीको सचिवालय बैठक स्थगित गरेर दुई अध्यक्ष आपसी छलफलमा बसेका हुन्। नयाँ मन्त्री कसलाई बनाउने र भएका कसलाई हटाउने भन्नेबारे ओली र प्रचण्डबीच प्रधानमन्त्री निवासमा दुई घन्टा छलफल भएको थियो।
आइतबार बसेको सचिवालय बैठकले मन्त्रिमण्डल पुनर्गठन गर्दा नाम चयन गर्ने अधिकार अध्यक्षद्वय ओलि र प्रचण्डलाई दिएको थियो।
‘आज दुई अध्यक्षबीच मन्त्रिमण्डल पुनर्गठन कै विषयमा छलफल भएको छ, उहाँहरुले कस्तालाई मन्त्री बनाउने भन्ने मापदण्ड तयार गरेर भोलि बस्ने सचिवालय बैठकमा प्रस्ताव ल्याउनु हुनेछ,’ सचिवालयका एक सदस्यले नेपालखबरसँग भने, ‘त्यसबारे अन्तिम निर्णय गरेर नाम टुंगो लगाउने जिम्मा उहाँहरुलाई नै बैठकले दिनेछ।’
ओलि र प्रचण्ड दुवैले मन्त्रिमण्डल पुनर्गठनको विषय छिटोभन्दा छिटो टुंग्याउन चाहेको नेताहरुको भनाइ छ।
‘संघीय मन्त्रिमण्डल पुनर्गठनपछि प्रदेश मन्त्रिमण्डल पुनर्गठन गरेर एकजना अध्यक्ष महाधिवेशनमा केन्द्रित हुनुहुनेछ भने प्रधानमन्त्री ओली सरकारको कामलाई तिब्रता दिन लाग्नुहुनेछ, त्यही भएर उहाँहरुको जोड छिटो निर्णय गरेर जाने भन्ने छ,’ प्रचण्डनिकट एक स्थायी समिति सदस्यले भने।
सोमबार दुई अध्यक्षले संबैधानिक आयोगको रिक्त पदाधिकारी नियुक्तिको विषयमा पनि छलफल गरेका छन्।
सचिवालय बैठकको अर्काे एजेन्डा संबैधानिक आयोगको नियुक्तिको विषय पनि रहेकोले कस्ता मानिसलाई आयोगमा नियुक्ति दिने एउटा मापदण्ड बनाएर भोलि (मंगलबार) बस्ने सचिवालय बैठकमा प्रस्तुत गर्नका लागि आज छलफल भएको ती नेताले बताए।
‘नामका बिषयमा अध्यक्षद्वयबीच मोटामोटी सहमति बनाउने आज प्रयास थियो, तर कति मन्त्री हटाउने भन्ने नै ठोस सहमति जुटिसकेको छैन,’ ती नेताले थपे।
आइतबारको सचिवालय बैठकमा राष्ट्रिय सभाका दुई सदस्य उपाध्यक्ष वामदेव गौतम र प्रवक्ता नारायणकाजी श्रेष्ठ दुबैलाई मन्त्री बनाउनुपर्ने प्रस्ताव आएको थियो।
सो प्रस्तावबारे प्रधानमन्त्री ओलीले कानुनी र संबैधानिक बाध्यता भए नभएको विचार गर्नुपर्ने बताएका थिए।
यसैबीच गौतमलाई राष्ट्रिय सभा सदस्यमा गरिएको नियुक्ति बदर गर्न माग गर्दै सोमबार सर्बोच्च अदालतमा रिट परेको छ।
Comments
अरु समाचार
-
राष्ट्रपति पौडेल बर्लिनमा, भोलि औपचारिक भेटवार्ता
काठमाडौं । राष्ट्रपति रामचन्द्र पौडेल सङ्घीय गणतन्त्र जर्मनीको औपचारिक भ्रमणका क्रममा जेनेभाबाट बर्लिन पुग्नुभएको छ । उहाँ आफ्ना समकक्षी डा...
-
हदबन्दी बढीको जग्गा बैंकमा धितो राख्न पाउनेसम्बन्धी विधेयक संसदमा प्रस्तुत
काठमाडौं । लगानी सहजीकरण सम्बन्धी केही नेपाल ऐनलाई संशोधन गर्ने विधेयक प्रतिनिधि सभामा प्रस्तुत भएको छ । आज बसेको प्रतिनिधि...
-
जाँदाजाँदै बहुमतबाट पौडेल र पाण्डेलाई सर्वोच्चको न्यायाधीश बनाउने विश्वम्भर-आनन्दमोहनको योजना तुहियो
काठमाडौं । सर्वोच्च अदालतका वरिष्ठतम न्यायाधीश डा.आनन्दमोहन भट्टराईको बिदाई हुनु दुई घण्टा अगाडि न्याय परिषद्को बैठक डाकियो । शुक्रबार २...
-
बजेटबारे समीक्षा हुन आवश्यक छ : केपी ओली
काठमाडौं । नेपाल कम्युनिष्ट पार्टी (एमाले) का अध्यक्ष केपी शर्मा ओलीले आगामी आर्थिक वर्षका लागि विनियोजन गरिएको बजेटबारे समीक्षा हुन...
-
एघार जिल्लामा एमालेको अधिवेशन गर्न बाँकी
काठमाडौं । नेपाल कम्युनिष्ट पार्टी (एमाले)को ११ जिल्लामा अधिवेशन गर्न बाँकी रहेको छ । पार्टीले जेठ मसान्तभित्रमा सबै जिल्लामा अधिवेशन...
-
लोक सेवा आयोगप्रतिको जनविश्वासलाई कायम राख्न जरुरी छः उपराष्ट्रपति यादव
काठमाडौं । उपराष्ट्रपति रामसहाय प्रसाद यादवले वर्तमान परिवेशले सिर्जित समस्या र चुनौतीको समाना गर्न सक्ने दक्ष, सक्षम र उत्कृष्ट जनशक्तिको...
-
प्रतिनिधिसभामा खर्च कटौतीका आठ प्रस्ताव प्रस्तुत
काठमाडौं । प्रतिनिधिसभामा विनियोजन विधेयक, २०८१ अन्तर्गत विभिन्न शीर्षकमाथिको छलफलका क्रममा खर्च कटौतीका आठ प्रस्ताव प्रस्तुत गरिएका छन् । प्रतिनिधिसभाको...
-
मुलुकको विकासमा सबै एकजुट हुनुपर्नेमा जोड
काठमाडौं । नेपाली कांग्रेसका नेता डा शेखर कोइरालाले मुलुकको आर्थिक, सामाजिक तथा लोकतन्त्रको संस्थागत विकासमा पार्टीका नेता तथा कायकर्ताका साथै...
-
प्रधानमन्त्री दाहालद्वारा हेटौँडा सबस्टेसन उद्घाटन
काठमाडौं । प्रधानमन्त्री पुष्पकमल दाहाल ‘प्रचण्ड’ले ४०० केभीको हेटौँडा सबस्टेसन उद्घाटन गरेका छन् । नेपाल विद्युत् प्राधिकरणले आज हेटौँडामा आयोजना...