ताजा समाचार

भीम रावलले पनि दसैं भत्ता नलिने

राजनीति
- न्युज-नेपाल
       

काठमाडाैँ । नेपाल कम्युनिष्ट पार्टी (नेकपा)का नेता भीम रावलले दसैं भत्ता नलिने घोषणा गरेका छन् ।

‘खातामा भत्ताको रकम राखिएको थाहा पाइयो । हालको विषम स्वास्थ्य चुनौती र आर्थिक कठिनाइलाई मनन गरी कुनै पनि जनप्रतिनिधिले दशैं भत्ता नलिने व्यवस्था गरियोस् । सांसदहरूले उक्त भत्ता लिनुहुन्न भन्नेमा मेरो समर्थन छ । मेरो खाताबाट रकम कट्टी गर्न मञ्जुरी छ,’ रावलले ट्विटरमा लेखेका छन् ।

“संघीय संसदका। पदाधिकारी तथा सदस्यहरुको पारिश्रमिक र सुविधा सम्बन्धी ऐन, २०७३ मा  सांसदहरुले घरबहाल, बिजुली, पानी, सञ्चार, बैठक भत्ता र भ्रमण भत्तामात्रै पाउने व्यवस्था छ । रावलले दसैं भत्ताको रकम नलिन कुनै कानून संशोधन गर्न वा नयाँ कानून बनाउनु नपर्ने पनि बताएका छन् ।

नेकपा प्रवक्ता नारायणकाजी श्रेष्ठले भने एक वर्षका लागि गत चैतदेखि नै संसदबाट प्राप्त हुने कुनै पनि तलब भत्ता लिएका छैनन् ।

Comments

प्रकाशित मिति : 2020-10-18

अरु समाचार

© NewsNepal 2018 - All Right Reserved.
newsnepal.com 2017.hlon.org