महाकालीमा बेपत्ता जयसिंह धामीलाई ड्रोनको सहायताले खोज्ने तयारी
काठमाडौं । दार्चुलास्थित महाकाली नदीमा तुइन तर्ने क्रममा भारतीय सीमा सुरक्षा बल (एसएसबी)ले डोरी काटिदिएपछि बेपत्ता भएका जयसिंह धामीको खोजीमा ड्रोन क्यामेरा प्रयोग गरिएको छ । प्रहरीको प्राविधिक टोलीले महाकालीमा ड्रोनको प्रयोग गरेर खोजी गरिरहेको हो ।
गत शुक्रबार दार्चुलामा व्यास गाउँपालिका–२ को मलघट्टेमा रहेको तुइन चढ्ने क्रममा (एसएसबीले डोरी काटिदिएपछि धामी बेपत्ता भएका थिए । तुइन चढेर दार्चुला सदरमुकाम जाने क्रममा भारतीय बाटो प्रयोग गरेको भन्दै एसएसबीले तुइन काटिदिएको थियो । शुक्रबार बिहान कल्याणसिंह धामीले तुइनबाट मान्छे तार्ने क्रममा भारतीय सुरक्षा बलका कर्मचारीले तुइन काटेका थिए ।
तुइन काट्नुअघि चारजना पार गरिसकेका थिए भने तीनजना बाँकी थिए । डोरी काटिदिएर एसएसबी भागेका थिए । त्यसपछि तुइनमा रहेका धामी महाकाली नदीमा खसे । उनी अझै बेपत्ता छन् ।
जिल्ला प्रहरी कार्यालय दार्चुलाका अनुसार धामीको खोजीका लागि ड्रोन क्यामेरासहित प्रहरीका ११ टोली र सशस्त्र प्रहरीका तीन टोली परिचालन गरिएको छ । यसबाहेक सर्वसाधारण पनि उनको खोजीमा जुटेको प्रहरीले जनाएको छ । प्रहरीका अनुसार धामीको खोजीका लागि भारतीय सुरक्षा निकायसँग पनि सहयोग मागिएको छ ।
दार्चुलाको उक्त क्षेत्रमा २१ वर्षदेखि तुइनमार्फत सर्वसाधारण वारपार गर्न बाध्य छन् । घटनाको अनुसन्धानका लागि गृह मन्त्रालयले सहसचिवको नेतृत्वमा एक समिति गठन गरेको छ । समिति अहिले दार्चुलामै छ ।
समिति हेलिकोप्टरमा घटनास्थलसमेत पुगेको थियो । घटनास्थलमा भारतीय एसएबीसँग अनुसन्धान समिति गएको भन्दै चर्को विरोधसमेत भएको थियो ।
समितिले बेपत्ता धामीका आफन्त, धामीसँगै तुइन तरेर पार भएकाहरु, प्रत्यक्षदर्शी, स्थानीय लगायतसँग घटनाबारे जानकारी लिएको छ । समितिले घटनाबारेको प्रतिवेदन बुझाउने छ ।
प्रत्यक्षदर्शीहरुले भारतीय एसएसवीले तुइन काटेको दाबी गरे पनि नेपाली सुरक्षा निकाय र स्थानीय प्रशासनले भने यसबारे बोल्न मानेको छैनन् ।
दार्चुलास्थित सुरक्षा एक अधिकारीले भने, “हामी यो घटनाबारे केही बोल्दैनौं । समितिले सबै कुरा हेरिरहेको छ । हामीले आवश्यक सम्वन्य मात्रै गरिरहेका छौं ।”
भारतीय पक्षले भने आफूहरुले तुइन नकाटेको दाबी गरेको छ । दार्चुलाका विभिन्न चार स्थानमा अझै पनि स्थानीयले तुइनकै भरमा महाकाली नदी तर्नुपर्ने बाध्यता छ ।
Comments
अरु समाचार
-
आगामी बजेट नयाँ ढंगबाट आउँछ : प्रधानमन्त्री प्रचण्ड
प्रधानमन्त्री पुष्पकमल दाहाल ‘प्रचण्ड’ले आगामी आर्थिक वर्षको नीति तथा कार्यक्रम र बजेट नयाँ ढङ्गले ल्याइने बताएका छन्। नेकपा माओवादी केन्द्र...
-
देउवाले बोलाए पदाधिकारी र पूर्वपदाधिकारीको बैठक
काठमाडौँ । नेपाली कांग्रेसका सभापति शेरबहादुर देउवाले पदाधिकारी र पूर्वपदाधिकारीको बैठक बोलाएका छन् । देउवाले आफ्नो निवास बुढानीलकण्ठमा दिउँसो २...
-
एमाले ताप्लेजुङको अध्यक्षमा तुम्बाहाम्फे निर्वाचित
काठमाडाैँ । नेकपा एमाले ताप्लेजुङको अध्यक्षमा डम्बरध्वज तुम्बाहाम्फे निर्वाचित भएका छन्। मंगबार सम्पन्न पार्टीको १२औं जिल्ला अधिवेशनले उनलाई निर्वाचित गरेको...
-
सुनकोशी-मरिण डाइभर्सन ‘ब्रेक थ्रु’ आज
काठमाडौं । राष्ट्रिय गौरवको आयोजना सुनकोसी मरिण डाइभर्सन परियोजना अन्तर्गत सुरुङ निर्माण कार्य सम्पन्न भएपछि आज ब्रके थ्रु हुने भएको...
-
सुहाङ नेम्वाङले आज शपथ लिँदै
काठमाडौं। गत वैशाख १५ गते इलाम क्षेत्र नम्बर २ मा भएको उपनिर्वाचनमा विजयी नेकपा एमालेका सांसद सुहाङ नेम्वाङले आज शपथ...
-
पार्टी विभाजनविरुद्ध अदालत जाने तयारीमा जसपा नेपाल
काठमाडौं । उपेन्द्र यादव नेतृत्वको जनता समाजवादी पार्टी (जसपा) नेपाल आज बुधवार पार्टी विभाजनविरुद्ध अदालत जाने तयारीमा छ । पार्टी...
-
जन्मदाता आमालाई सम्मान गर्दै ’आमाको मुख हेर्ने पर्व’ मनाइँदै
काठमाडौं । प्रत्येक वर्ष वैशाख कृष्ण पक्ष औंसीका दिनमा जन्मदाता आमालाई सम्मान गरी मनाइने आमाको मुख हेर्ने पर्व आज देशभर...
-
हेटौँडा कला महोत्सव जेठमा
काठमाडौं । कला क्षेत्रको महत्व बुझाउने उद्देश्यले आगामी जेठमा ‘हेटौँडा कला महोत्सव’ आयोजना हुने भएको छ । स्यार्टडे प्लेन आर्टको...
-
सदनलाई बाधारहित सञ्चालन गर्न सभामुखको आग्रह
काठमाडौं । सभामुख देवराज घिमिरेले आह्वान गर्नुभएको प्रमुख राजनीतिक दलका शीर्ष नेताहरुको बैठकमा प्रतिनिधिसभाको बैठकलाई नियमितरुपमा बाधारहित सञ्चालन गर्ने विषयमा...