१९.८ मेगावाटको माथिल्लो सोलुखोला जलविद्युतको आन्तरिक परीक्षण पूरा
शुक्रबारदेखि प्रसारण प्रणालीमा थपिँदै
काठमाडौं । सोलुखुम्बु जिल्लाको दूधकुण्ड नगरपालिकामा निर्माण सम्पन्न भएको १९.८ मेगावाटको माथिल्लो सोलुखोला जलविद्युत आयोजनाको आन्तरिक परीक्षण पूरा भएको छ । बेनी हाइड्रो पावर कम्पनी लिमिटेडले निर्माण गरेको आयोजनाको आन्तरिक परिक्षण पूरा गरी राष्ट्रिय प्रसारण प्रणालीमा जोडिन लागेको हो । आयोजनाको सिभिल संरचना, हाइड्रो मेकानिल, इलेक्ट्रोमकानिल उपकरण जडानलगायतका सबै काम सकाएर परीक्षण पूरा गरेको कम्पनीका प्रबन्ध निर्देशक गणेश कार्कीले बताउनु भयो । ‘आयोजनाको विद्युत ग्रिडमा जोडिनु अघिको सबै काम पूरा भइसकेको छ’, उहाँले पत्रकारसँग भन्नुभयो, ‘नेपाल विद्युत प्राधिकरणका प्राविधिक टोलीले परीक्षण पूरा गरी शुक्रबार (चैत १७ गते) देखि राष्ट्रिय प्रणाली प्रणालीमा जोड्ने योजना छ ।’
आयोजनाको विद्युत राष्ट्रिय प्रसारण प्रणालीमा जोडिएपछि प्राधिकरणलाई दुई साता नि:शुल्क विद्युत दिइनेछ, त्यसपछि व्यापारीक उत्पादन सुरु हुने कम्पनीले जनाएको छ । आयोजनाले उत्पादन गर्ने विद्युत १३२ केभी सोलु कोरिडोर प्रसारण लाइनको तिन्ला सबस्टेसनमार्फत राष्ट्रिय प्रसारण प्रणालीमा जोडिनेछ । आयोजनाको विद्युतगृहदेखि सबस्टेसनसम्म आवश्यक पर्ने १२ किलोमिटर प्रसारण लाइनको काम प्रवर्द्धक कम्पनीले नै निर्माण गरेको छ ।
आयोजना सम्पन्न गर्न ३ अर्ब ५४ करोड रुपैयाँ लागत अनुमान गरिएको छ । आयोजनाम एनएमबी बैंकको अगुवाईमा ४ बैंकले ७० प्रतिशत ऋण लगानी गरेका छन । बाँकी ३० प्रतिशत स्वपूँजी लगानी हो । त्यसअघि आयोजनाबाट २०७६ साल पुसमा नै विद्युत उत्पादन गर्ने पहिलो तालिका थियो । सुरुवातमा प्रसारण लाइनको समस्या, फेरि कोभिड–१९ महामारी लगायत विविध कारणले आयोजनाको विद्युत उत्पादन तालिका पटक–पटक प्रभावित भएको हो ।
आयोजनाको संरचना निर्माण गर्दा सुरुवातमा १८ मेगावाट क्षमतामा काम सुरु गरिएको थियो । आयोजना निर्माणाधीन अवस्थामै रहेका बेला क्षमता विस्तार गरी जडित क्षमता १९।८ मेगावाट बनाइएको हो । सोलु खोला बेसिनमा ८२ मेगावाटको तल्लो सोलु, ५ मेगावाटको जुनबेंसीलगायतका आयोजना निर्माणाधीन छन् । २३।५ मेगावाटको सोलु, ८६ मेगावाटको सोलुदूधकोसी निर्माण पूरा भई सञ्चालनमा आइसकेको छन ।
आयोजनाको थप विवरण
आयोजना नाम : माथिल्लो सोलु खोला
प्रवर्द्धक : बेनी हाइड्रो पावर प्रोजेक्ट प्रालि
क्षमता : १९.८ मेगावाट
सुरुङ : २.४ किलोमिटर
सुरुको लागत : ३ अर्ब ५४ करोड रूपैयाँ ९१८ मेगावाटका लागि अनुमान गरिएको लागत
लगानीकर्ता वित्तिय संस्था : ७० प्रतिशत (एनएमबीको अगुवाईमा ४ बैंक)
सबस्टेसन : तिन्ला
प्रसारण लाइन : १२ किलोमिटर
सुरुको व्यापारिक उत्पादन तालिका : २०७६ पुस, संशोधित : २०७७ पुस, पुन: संशोधित : २०७९ चैत
सुरुको आयोजनाको क्षमता : १८ मेगावाट, क्षमता विस्तार : १९.८ मेगावाट
Comments
अरु समाचार
-
प्रतितोला चार सय रुपैयाँले बढ्यो सुनको मूल्य
काठमाडौं । नेपाली बजारमा आज सुनको मूल्य बढेको छ । नेपाल सुनचाँदी व्यवसायी महासङ्घले आज सुनको मूल्य तोलामा ४ सय...
-
नेपालमा लगानी गर्नुस्, सहकार्यका लागि हामी तयार छौँ : अध्यक्ष ढकाल
काठमाडौँ । नेपाल उद्योग वाणिज्य महासङ्घका अध्यक्ष चन्द्रप्रसाद ढकालले नेपालमा लगानीको अपार सम्भावना रहेको बताउँदै लगानी विस्तारका लागि विश्वभरका लगानीकर्ताहरूलाई...
-
नेपाल अन्तर्राष्ट्रिय लगानीको आकर्षक बनिसकेको छः अर्थमन्त्री पुन
काठमाडौं । अर्थमन्त्री वर्षमान पुन अनन्तले नेपाल अन्तर्राष्ट्रिय लगानीको आकर्षक गन्तव्य भएको बताएका छन्। तेश्रो अन्तर्राष्ट्रिय लगानी सम्मेलनको उदघाटनसत्रमा लगानी...
-
सुरू भयो तेस्रो लगानी सम्मेलन, प्रधानमन्त्री प्रचण्डले गरे उद्घाटन
काठमाडाैँ । तेस्रो लगानी सम्मेलन काठमाडौंमा शुरू भएको छ । दुई दिनसम्म चल्ने सम्मेलनको काठमाडौंको सोल्टी होटेलमा प्रधानमन्त्री पुष्पकमल दाहाल...
-
आजदेखि सुरू हुने लगानी सम्मेलनमा ५५ देशका लगानीकर्ता सहभागी हुने
काठमाण्डौ । आज (आइतवार)देखि शुरु हुन लागेको दुई दिने तेस्रो लगानी सम्मेलनका लागि स्वदेश तथा विदेशबाट गरेर एक हजार छ...
-
डेढ किलोभन्दा बढी सुन र १ करोड ४३ लाख बरामद, सातजना पक्राउ
काठमाडौं । उपत्यका अपराध अनुसन्धान कार्यालयले डेढ किलोभन्दा बढी सुन र १ करोड ४३ लाख ६० हजार रुपैयाँ बरामद गरेको...
-
नेपाल–चीन सहायता परियोजनाको पहिलो बैठक सम्पन्न
काठमाडाैँ । नेपाललाई चीनको स्वशासित क्षेत्र तिब्बतबाट आगामी दुई वर्षका लागि प्राप्त हुने सहायता परियोजनाको पहिलो बैठक तिब्बतको राजधानी ल्हासामा...
-
प्रतितोला ५०० रुपैयाँले बढ्यो सुनको मूल्य
काठमाडौं । नेपाली बजारमा बुधबार सुनको मूल्य बढेको छ । नेपाल सुनचाँदी व्यवसायी महासंघका अनुसार आज सुनको मूल्य तोला ५००...
-
तोलामा रु दुई हजार सात सयले घट्यो सुनको मूल्य
काठमाडौँ । स्थानीय बजारमा पहेँलो धातुको मूल्यमा आज गिरावट भएको छ । नेपाल सुनचाँदी व्यवसायी महासङ्घका अनुसार छापावाला सुन तोलामा...