जन्मथलोमा कामु प्रधानन्याधीश कार्की: भ्रष्टाचार, धाँधली र अन्याय नगर्ने प्रतिबद्धता
काठमाडौं । संवैधानिक परिषद्ले प्रधानन्यायाधीश नियुक्ति सिफारिस नगरेर अलमल भइरहेका बेला कायममुकायम प्रधानन्यायाधीश हरिकृष्ण कार्की जन्मथलो ओखलढुंगा पुग्नु भएको छ । सर्वोच्च अदालतको न्यायाधीश सिफारिस भएर पनि नियुक्ति नपाएका प्रस्तावित न्यायाधीश विनोद शर्मासहित जन्मथलो ओखलढुंगा पुग्नु भएका कार्कीले लिखु गाउँपालिका -३ स्थित नर्मदेश्वर महादेव मन्दिरमा पूजाअर्चना गर्नुुभयो ।
नर्मदेश्वरको दर्शन र स्थानीयसँग छलफलपछि कामु प्रधानन्यायाधीश कार्की ससुराली जिल्ला रामेछापको प्राचीन साँघुटार बजारमा पुगेर पुराना चिनजानका व्यक्तिलाई भेटेर बजार घुमघाम गर्नुभयो । नर्मदेश्वरमा कार्कीलाई गाउँपालिका उपाध्यक्ष अस्मिता थापा र वडाध्यक्ष शोकर्ण श्रेष्ठले स्वागत गर्नु भएको थियो । उपाध्यक्ष थापासँगै साँघुटार बजार घुमेर कामु प्रधानन्यायाधीश कार्की प्रसिद्ध पोकली झरनातर्फ जानु भएको थियो ।
लिखु गाउँपालिका -९ स्थित पोकली झरनाको भ्रमण र अवलोकनपछि गाउँपालिकाले आयोजना गरेको स्वागत कार्यक्रममा कार्की सहभागी हुनु भयो । प्रस्तावित न्यायाधीश शर्माको जन्मघरसमेत सोही वडामा पर्छ । कामु प्रधानन्यायाधीश कार्की र प्रस्तावित न्यायाधीश शर्मालाई स्वागत गर्दै गाउँपालिका उपाध्यक्ष अस्मिता थापाले नर्मदेश्वर महादेवको आशीर्वाद र पोकली झरनाको प्रतापले दुवै न्यायमूर्ति तत्कालै आआफ्नो पदमा नियुक्त हुने विश्वास व्यक्त गर्नुभयो ।
थापाले गाउँपालिकाको न्यायिक समिति प्रमुखको अनुभवसमेत सुनाउँदै स्थानीय तहमा न्याय सम्पादन गर्ने दक्ष जनशक्ति नहुँदा समस्या भएको भन्दै सर्वोच्च अदालतले संघीय सरकारलाई उचित निर्देशन दिने उपाय खोजिनुपर्नेमा जोड दिनु भयो । उहाँले ओखलढुंगामा जन्मिएको व्यक्ति देशको न्यायपालिका प्रमुख बनेको जिल्लाले गौरव महसुस गरेको बताउनु भयो । गाउँपालिकाको स्वागत ग्रहण गर्दै कार्कीले आफूमा झुण्डिएको कामुको गहना नर्मदेश्वर महादेव र पोकलीको प्रतापले चाँडै हट्ने र त्यसकै लागि आफू जन्मथलो फर्किएको भन्दै ठट्टा पनि गर्नु भएको थियो । कार्कीले ३२ वर्षे वकालती र ७ वर्षे न्यायाधीश जीवनमा ओखलढुंगाको शीर झुक्ने कुनै काम आफूबाट नभएको भन्दै आफूबाट भ्रष्टाचार, धाँधली र कसैमाथि अन्याय नहुने जनाउनु भयो ।
कार्कीले भन्नु भयो , ‘जन्मथलोमा आएर प्रण गर्छु म तपाईंहरुको शीर झुक्न दिनेछैन । यसले भ्रष्टाचार, धाँधली, अन्याय गर्छ भन्ने सुन्नु पर्ने छैन । सबैले आशीर्वाद दिनुस् । यहाँ म तपाईंहरुको आशीर्वाद थाप्न आएको हुँ ।’ कामु प्रधानन्यायाधीश कार्कीले गाउँपालिका उपाध्यक्ष थापाको भनाइमा प्रतिक्रिया दिँदै न्यायिक समितिले गाउँका झगडा र विवाद मिलाउन भूमिका खेल्नुपर्नेमा जोड दिनु भयो ।
कार्कीले भन्नुभयो, ‘न्यायिक समितिले मुद्दा फैसला गर्ने होइन, विवाद मिलाउने हो । घर झगडा, छिमेकीसँगका झगडा यस्तै आउने हुन् । मिलेर बसाउने भूमिका खेल्नुहोला । म चाहन्छु ओखलढुंगा जिल्लाको मुद्दा मैले हेर्न नपरोस् । ओखलढुंगाका मान्छे झगडा र मुद्दा मामिला गर्दैनन् भन्ने होस् ।’ कामु प्रधानन्यायाधीशलाई वडा नम्बर ९ का वडाध्यक्ष केशवहरि ढुंगेल, सोही गाउँपालिका घर भएका वरिष्ठ अधिवक्ता शंकर सुवेदीलगायतले स्वागत गर्नु भएको थियो ।
Comments
अरु समाचार
-
कोशीका मुख्यमन्त्री कार्कीले असोज २ गते विश्वासको मत लिने
काठमाडौं । कोशी प्रदेशका मुख्यमन्त्री हिक्मतकुमार कार्कीले आगामी असोज २ गते विश्वासको मत लिने भएका छन् । नेपाल कम्युनिष्ट पार्टी...
-
साहित्यकारहरुले भने- नारद पोखरेलको उपन्यास ‘उर्वरा’ ले सजिलै पाठकको मन तान्छ
काठमाडौं, भदौ २९ । उपन्यासकार नारद पोखरेलको उपन्यास ‘उर्वरा’ पाठकका लागि फरक स्वादको चटनी भएको एक कार्यक्रममा सहभागी स्रष्टाहरुले बताएका...
-
बाल अधिकार संरक्षणमा प्रदेश सरकार प्रतिबद्ध छः मुख्यमन्त्री कार्की
काठमाडौं । कोशी प्रदेश सरकारका मुख्यमन्त्री हिक्मतकुमार कार्कीले प्रदेश सरकार बाल अधिकार संरक्षणमा प्रतिबद्ध भएको बताएका छन्। आज बाल दिवसका...
-
पूर्वमुख्यमन्त्री कार्कीद्वारा पुनः अनसन सुरु
मोरङ। कोशी प्रदेश सरकारका पूर्वमुख्यमन्त्री केदार कार्कीले पुनः अनसन सुरु गर्नुभएको छ । मंगलबार अपराह्न ४ बजेदेखि विराटनगर–७ स्थित देवकोटा...
-
श्रमदानद्वारा सडक मर्मत गर्दै भोजपुरका सिक्रेटारबासी
काठमाडौं। भोजपुरको अरुण गाउँपालिका–७ सिक्रेटारका स्थानीयवासीले श्रमदान गरेर सडक मर्मत गरेका छन् । वर्षात्का कारण सडक हिलाम्मे भएर आवतजावतमा समस्या...
-
झापामा डेङ्गीको सङ्क्रमणबाट दुईजनाको मृत्यु
काठमाडौं । कोशी प्रदेशमा डेङ्गीबाट गत साउनदेखि हालसम्म एक हजार ६५ जना सङ्क्रमित भएका छन् । यस अवधिमा डेङ्गी सङ्क्रमणका...
-
बीएन्डसीलाई एमबीबीएस पढाउन औपचारिक स्वीकृति
काठमाडौं । बीएन्डसी मेडिकल कलेज टिचिङ एन्ड रिसर्च प्रालिले लामो पर्खाइपछि चिकित्सा शिक्षा आयोगबाट चिकित्साशास्त्रको स्नातक तह (एमबीबीएस) मा ५०...
-
नेकपा एमाले जिल्ला कमिटी संखुवासभाको तेस्रो पूर्ण बैठक आइतबार सम्पन्न
काठमाडौं । नेकपा (एमाले) जिल्ला कमिटी सङ्खुवासभाको तेस्रो पुर्ण बैठक सम्पन्न भएको छ । एमाले जिल्ला कमीटि अध्यक्ष खड्ग बहादुर...
-
सङ्खुवासभाको खाँदबारीमा योगमाया आयुर्वेद विश्वविद्यालयको केन्द्रीय कार्यालय राख्ने मन्त्रीपरिषदको निर्णय
काठमाडौं । सरकारले सङ्खुवासभाको खाँदबारी नगरपालिकामा योगमाया आयुर्वेद विश्वविद्यालयको केन्द्रीय कार्यालय रहने स्थान तोक्ने निर्णय गरेको छ । २०८१ भदौ...