विशेष छुटमा सरकारले २० हजार टन चिनी आयात गर्ने
काठमाडौं । सरकारले चाडवाडलाई लक्ष्य गर्दै २० हजार टन चिनी आयात गर्ने निर्णय गरेको छ । बजारको आपूर्ति अवस्थालाई दृष्टिगत गरी उद्योग वाणिज्य तथा आपूर्ति मन्त्रालयको ६० हजार टनको प्रस्तावमा अर्थ मन्त्रालयले २० हजार टनको स्वीकृति दिएको हो । अर्थले स्वीकृति गरेको परिमाणमध्ये साल्ट ट्रेडिङ कर्पोरेसनले १० हजार र खाद्य व्यवस्था तथा व्यापार कम्पनीले १० हजार टन आयात गर्ने अर्थका प्रवक्ता धनिराम शर्माले जानकारी दिए ।
‘दुई संस्थालाई १०/१० हजार टन चिनी आयात गर्न दिने सन्दर्भमा सोमबार नै निर्णय भएको छ । २० हजार टन आयात गर्दा भन्सार महसुलमा ५० प्रतिशत छुट दिईएको छ , उनले भने । चिनी आयात गर्दा भन्सार ३० प्रतिशत तिर्नुपर्छ । त्यसमा १३ प्रतिशत भ्याट लाग्छ । भन्सार महसुल छुट हुँदा निजी क्षेत्रले बिक्र गर्ने भन्दा साहै्र सस्तो हुन्छ । सरकारका तर्फबाट आयात हुँदा बजार मूल्य हस्तक्षेप गर्न सजिलो हुने आपूर्ति मन्त्रालयका अधिकारी बताउँछन् ।
चिनी उद्योगीले भने छुट दिने नहुने भन्दै ‘ लबिङ’ गर्दै आएका छन् । जसले गर्दा गत दुई वर्ष सरकारी गोदाम रित्तिए पनि अर्थले छुटमा आयात स्वीकृति नदिएको वाणिज्यका एक अधिकारीले बताए । चार्डपर्व केही व्यावसायी अराजक बन्छन् , मूल्य बढाउने नियत राख्छन् । त्यसलाई हस्तक्षेप गर्न पटकपटक आयातमा छुटेका प्रस्ताव गरेका थियौ। ती अधिकारीले भने, त अर्थबाट जहिल्यै ढिलाई हुन्छ। यसपटक ६० हजार टन माग गरेकोमा २० हजार टन मात्रै आयातको स्विकृति दिएको जानकारीमा आएको छ ।
विगतमा चाडवाडलाई लक्ष्य गरी सरकारी संस्थानलाई १ प्रतिशत भन्सार महसुलमा चिनी आयात अनुमती दिने चलन थियो । पछि १ प्रतिशतबाट बढाएर ५० प्रतिशतमा पुर्याइयो । पछिल्ला दुई वर्षमा छुटमा आयात स्विकृति आएन । यसपालि फेरी ५० प्रतिशत छुटमा २० हजार टन आयातको स्वीकृति दिइएको हो ।
साल्ट ट्रेडिङले १० हजार र खाद्य कम्पनीले १० हजार टन ल्याउने आलटाल गरिरहेको उपभोक्ता अधिकार अनुसन्धान मञ्चका अध्यक्ष माधव तिमिल्सिनाको भनाई छ । केही अराजक व्यवसायीले मौका छोपेका हुन्छन् चाडवाड नजिकिदै जाँदा हरेका वर्ष मूल्य बढाइ रहन्छन् । सस्तोमा आयात गरेर यहाँ अचक्ली मूल्य बढाउने नियत उनीहरुको हुन्छ , उनले भने त्यसलाई हस्तक्षेप गर्न सरकारको उपस्थिति चाहिन्छ ।
वाणिज्य मन्त्रालयका अनुसार अर्थले दुई वर्षपछि भन्सार महसुल छुटमा चिनी आयातको निर्णय गरेको हो । गत वर्ष साल्ट र खाद्यको गोदाम रित्तै हुँदा सहुलियत दरमा आयात व्यवस्था मिलाउन पटकपटक पत्र पठाईएको थियो । तर अर्थले निर्णय नगर्दा सरकारी संस्थानले सहुलियतको चिनी आयात गरेनन् ।
Comments
अरु समाचार
-
मुस्ताङमा वन्यजन्तुसँगै रमाउन थाले पर्यटक
म्याग्दी, २२ भदौ । मुुस्ताङ भन्ने बित्तिकै धेरैले मुक्तिनाथ मन्दिर, कागबेनी, दामोदरकुण्ड, लोमान्थाङ, जोमसोम, लेते, मार्फालगायत स्थान, तालतलैया, हिमाल, मौलिक...
-
सुनको मूल्यमा नयाँ कीर्तिमान
काठमाडौं । सुनको मूल्यले नयाँ कीर्तिमान बनाएको छ । अघिल्लो दिन स्थिर रहेको सुनको मूल्य शुक्रबार भने बढेको हो। नेपाल...
-
यस्तो छ आजका लागि विदेशी मुद्राको विनिमय दर
काठमाडौँ, २० भदौ । नेपाल राष्ट्र बैंकले आजका लागि विदेशी मुद्राको विनिमय दर सार्वजनिक गरेको छ । केन्द्रीय बैंककानुसार आजका...
-
नेप्से परिसूचकमा उच्च अंकको गिरावट
काठमाडौं । बुधबार सेयर बजार परिसूचक नेप्से उच्च अंकले गिरावट भएको छ । अघिल्लो दिनको तुलनामा परिसूचक आज ९०.७३ अंकले...
-
कति छ आजका लागि विदेशी मुद्राको विनिमय दर ?
काठमाडौँ । नेपाल राष्ट्र बैंकले आजका लागि विदेशी मुद्राको विनिमय दर सार्वजनिक गरेको छ । केन्द्रीय बैंकका अनुसार आजका लागि...
-
प्रतिफल दिने क्षेत्रमा सरकारको लगानीको प्राथमिकतामा पर्छः अर्थमन्त्री पौडेल
काठमाडौं । उपप्रधानमन्त्री एवं अर्थमन्त्री विष्णुप्रसाद पौडेलले लाभ र लागत विश्लेषणका आधारमा अर्थतन्त्रमा यथोचित प्रतिफल दिनसक्ने आयोजनाहरूमा लगानी विस्तार गर्दै...
-
कृषिमन्त्रीसँग एडिबीका देशीय निर्देशकको शिष्टाचार भेट
काठमाडौं। कृषि तथा पशुपन्छी विकासमन्त्री रामनाथ अधिकारीसँग एसियाली विकास बैंक (एडिबी)का देशीय निर्देशक आर्नौड काउचोइसले मन्त्रालयमा शिष्टाचार भेटवार्ता गरेका छन्...
-
नारायणगढ-बुटवल सडकको काम चाँडो सक्नेगरी सरकार अघि बढेको बताएका छ: यातायातमन्त्री दाहाल
काठमाडौं । भौतिक पूर्वाधार तथा यातायातमन्त्री देवेन्द्र दाहालले नारायणगढ-बुटवल सडकको काम चाँडो सक्नेगरी सरकार अघि बढेको बताएका छन्। प्रेस चौतारी...
-
भैरहवामा नयाँ पेट्रोलियम भण्डारणका लागि जग्गा व्यवस्थापनको काम अन्तिममा चरणमा
काठमाडौं । रुपन्देहीको भैरहवामा नयाँ पेट्रोलियम भण्डारण गृह निर्माणका लागि जग्गा व्यवस्थापनको काम अन्तिम चरणमा पुगेको छ। नेपाल आयल निगमले...