इलाममा सुहाङले कटाए १० हजार मत, अन्तर पनि फराकिलो

Breaking News

- न्युज नेपाल

काठमाडाैँ । इलाम २ मा जारी मत गणनामा नेकपा एमालेका उम्मेदवार सुहाङ नेम्बाङले १० हजार मत कटाएका छन् ।

पछिल्लो परिणामअनुसार २४ हजार ७ सय ३८ सदर मतमा उनले १० हाजार ३ मत पाएका हुन् ।

यस्तै नेपाली कांग्रेसका उम्मेदवार डम्बरबहादुर खड्काले ६ हजार ९ सय ४४ मत पाएका छन् । सुहाङसँग उनको मतान्तर बढेको छ । उनी सुहाङभन्दा ३ हजार ५९ मतले पछि परेका छन् ।

खड्का पछि परेसँगै पहिचान पक्षधरहरूको समर्थन पाएका स्वतन्त्र उम्मेदवार डकेन्द्रसिंह लिम्बूले उनीसँगको मतान्तर घटाएका छन् ।

यसअघिको परिणामअनुसार डकेन्द्र डम्बरभन्दा १ हजार ६ सय ४६ मतले पछि परेका थिए । तर, पछिल्लो परिणामअनुसार उनले खड्कासँगको मतान्तर २ सय ९३ ले घटाएका छन् । हाल उनी १ हजार ३ सय ५३ मतले खड्काभन्दा पछि छन् । डकेन्द्रले ५ हजार ५ सय ९१ मतका साथ तेस्रो स्थानमा छन् ।

त्यस्तै इलाम २ मा राष्ट्रिय स्वतन्त्र पार्टीका उम्मेदवार मिलन लिम्बू चौथो स्थानमा रहेका छन् । उनले हालसम्म १ हजार ३ सय ४३ मत पाएका छन् ।