जाँदाजाँदै बहुमतबाट पौडेल र पाण्डेलाई सर्वोच्चको न्यायाधीश बनाउने विश्वम्भर-आनन्दमोहनको योजना तुहियो
काठमाडौं । सर्वोच्च अदालतका वरिष्ठतम न्यायाधीश डा.आनन्दमोहन भट्टराईको बिदाई हुनु दुई घण्टा अगाडि न्याय परिषद्को बैठक डाकियो । शुक्रबार २ बजे सर्वोच्च अदालतमा बिदाई कार्यक्रम तय भइसकेपछि त्यसको ठिक दुई घण्टा अगाडि (१२ बजे) न्याय परिषद्को बैठक डाकिएको हो । न्याय परिषद्का सदस्य समेत रहेका भट्टराईले जाँदाजाँदै आफूले चाहेको मान्छे सर्वोच्च अदालतमा नियुक्त गर्नु थियो । त्यसका लागि प्रधानन्यायाधीश एवं न्याय परिषद्का सदस्य विश्वम्भरप्रसाद श्रेष्ठको पनि स्वार्थ मिलेको थियो । उनीहरूलाई न्याय परिषद् नेपाल बार एसोसिएसनको तर्फबाट गएका अर्का सदस्य रामप्रसाद श्रेष्ठले पनि साथ दिएका थिए ।
त्यसैले बिहीबारकै मिति राखेर सर्वोच्च अदालतमा उच्च अदालतका मुख्य न्यायाधीशद्वय श्रीकान्त पौडेल र नित्यानन्द पाण्डेलाई न्याय परिषद्को बहुमतबाट सर्वोच्चमा ल्याउन उनीहरु मानसिक रूपमा तयार भए । तर, कानुनमन्त्री पदम गिरी काम व्यस्तताले बैठकमा उपस्थित हुन नसकेपछि १० मिनेट बसेर कुनै निर्णय नै नगरी न्याय परिषद्को बैठक स्थगित भयो । कानुनमन्त्री गिरी उपस्थित भएको भए विश्वम्भर, आनन्दमोहन र रामप्रसादले बहुमतबाट सर्वोच्चमा २ न्यायाधीश नियुक्त गर्ने योजना बुनेका थिए । न्याय परिषद्का सदस्य गिरी बैठकमा उपस्थित नभएपछि उनीहरूको योजना तुहियो । न्याय परिषद्का अर्का सदस्य रामप्रसाद भण्डारी पनि उनीहरुको पक्षमा खुल्न सम्भावना न्यून थियो।
सर्वोच्च अदालतमा ४ जना न्यायाधीश रिक्त छन् । तर, अन्तिम अवस्थामा उच्च अदालत जनकपुरका मुख्य न्यायाधीश श्रीकान्त पौडेल र तुलसीपुरका मुख्य न्यायाधीश नित्यानन्द पाण्डेलाई बहुमतबाट सर्वोच्च अदालतमा ल्याउन खोज्नु उनीहरुको निहीत स्वार्थ हो भन्ने प्रस्टै बुझिन्छ । विशेष अदालतको अध्यक्ष हुँदा कालिका कन्स्ट्रक्सन जेभीका प्रमुख एवं सांसद बिक्रम पाण्डेसहितलाई सिक्टा सिंचाई आयोजनामा सफाइ दिने फैसला गरेको थियो । उनकै नेतृत्वको इजलासले घुलनशील माटोलाई दोष देखाउँदै राज्यलाई अर्बौं हानिनोक्सानी पुगेको उक्त भ्रष्टाचार मुद्दामा पाण्डेसहितका प्रतिवादीलाई सफाइ दिने विशेषको फैसला थियो । उनै श्रीकान्तलाई पुरस्कृत गर्ने गरी सर्वोच्चमा लान खोजिएको थियो । तर, कानुनमन्त्री गिरीका कारण उनीहरूको त्यो योजना पूरा हुन पाएन ।
सर्वोच्च अदालतमा न्यायाधीश नियुक्तिका लागि उच्च अदालत पाटनका मुख्य न्यायाधीश नृपध्वज निरौला, विराटनगरका मुख्य न्यायाधीश रमेशप्रसाद राजभण्डारी, दिपायलकी मुख्य न्यायाधीश शान्ति सिंह थापा, विशेष अदालतका अध्यक्ष टेकनारायण कुँवर र महान्यायाधिवक्ता दिनमणि पोखरेलको नाम पनि चर्चामा थियो । तर, निरौला, लोहितचन्द्र शाह र राजभण्डारीभन्दा जुनियर पौडेल र पाण्डेलाई सर्वोच्चमा छिराएर अरु खाली राख्ने विश्वम्भर र आनन्दमोहनको रणनीति थियो । पौडेललाई आनन्दमोहनले र पाण्डेलाई विश्वम्भरले च्यापेका थिए । पूर्व प्रधानन्यायाधीश कल्याण श्रेष्ठ निकट राजभण्डारीतिर देखाएर पाण्डे छिराउने विश्वम्भरको योजना थियो । आनन्दमोहनको कोटाबाट पौडेल र विश्वम्भरको कोटाबाट पाण्डेलाई न्याय परिषद्को बहुमतबाट सर्वोच्च अदालतमा ल्याउने उनीहरुको योजना र चलखेलले अन्ततः फेल खाएको छ ।
Comments
अरु समाचार
-
आउँदो बिहीवारसम्म मौसम बदली र पानी पर्ने सम्भावना
काठमाण्डौ । आउँदो बिहीवारसम्म नै मौसम बदली र पानी पर्ने सम्भावना रहेकाले मौसमविद्ले मुख्यगरी धानखेती गरेका किसानलाई सतर्कता र सावधानी...
-
सहकारीको रकम हिनामिना छानबिन समितिको प्रतिवेदन सार्वजनिक (पूर्णपाठ सहित)
काठमाडौं । सहकारी संस्थाहरुको रकम हिनामिनाबारे सरकारले गठन गरेको संसदीय छानबिन समितिको प्रतिवेदन सार्वजनिक भएको छ । प्रतिनिधि सभाले छानबिन...
-
राष्ट्रपतिसमक्ष वित्त आयोगको प्रतिवेदन पेस
काठमाडौं । राष्ट्रपति रामचन्द्र पौडेल समक्ष राष्ट्रिय प्राकृतिक स्रोत तथा वित्त आयोगको वार्षिक प्रतिवेदन पेस गरिएको छ । राष्ट्रपति भवन...
-
कार्यवाहक प्रधानमन्त्रीको जिम्मेवारी उपप्रधानमन्त्री सिंहलाई
काठमाडौं । राष्ट्रपति रामचन्द्र पौडेलले प्रधानमन्त्रीको अनुपस्थितिमा प्रधानमन्त्रीले गर्ने दैनिक प्रशासनिक काम उपप्रधानमन्त्री एवं सहरी विकासमन्त्री प्रकाशमान सिंहले सम्हाल्ने गरी...
-
मध्यपूर्वमा बढ्यो युद्धको खतरा, इजरायलद्वारा लेबनानमाथि सयभन्दा बढी रकेट आक्रमण
काठमाडौं । मध्यपूर्वमा युद्धको खतरा बढेर गएको छ । लेबनानमा मङ्गलवार र बुधवार भएको वाकीटकी र पेजर विस्फोट पछि बिहीवार...
-
संयुक्त राष्ट्रसंघको महासभामा सहभागी हुन प्रधानमन्त्री ओली न्यूयोर्क प्रस्थान
काठमाडौं। प्रधानमन्त्री केपी शर्मा ओली संयुक्त राज्य अमेरिकाको न्यूयोर्क प्रस्थान गरेका छन् । शुक्रबार बिहान प्रधानमन्त्री ओली संयुक्त राष्ट्रसंघको महासभामा...
-
उपल्लो मुस्ताङको पर्यटन विकासमा अर्धनिषेधित क्षेत्रको तगारो, करोडौँ लगानीका होटल सुनसान
म्याग्दी, ४ असोजः मुस्ताङको लोमान्थाङ गाउँपालिका–५ मा रहेको न्युतारा होटलका सञ्चालक निमा विष्ट व्यवसाय छाडेर विदेश पलायन हुनुभएको छ ।...
-
विदेशी मुद्रा विनिमय दर कति ? युरो र पाउण्डको मूल्य बढ्यो
काठमाडौँ : बिहीबारको तुलनामा आज शुक्रबार अमेरिकी डलरको मूल्यमा गिरावट आएको छ भने युरो र पाउण्ड स्ट्रलिङको मूल्य बढेको छ...
-
राष्ट्रसंघ महासभाको अधिवेशनमा भाग लिन प्रधानमन्त्री न्यूयोर्क जाँदै
काठमाडौँ । प्रधानमन्त्री केपी शर्मा ओली संयुक्त राज्य अमेरिकाको न्यूयोर्कस्थित संयुक्त राष्ट्रसङ्घको मुख्यालयमा भइरहेको संयुक्त राष्ट्रसङ्घ महासभाको ७९औँ अधिवेशनमा भाग...