बीपी प्रतिष्ठानका भिसीको कमिसन कर्तुत छताछुल्ल, भवन नबन्दै करोडौंका उपकरण खरिद
भेन्टिलेटर खरिदमा अनियमितता
(सजीव कालाखेती)
काठमाण्डौँ । बीपी कोइराला स्वास्थ्य विज्ञान प्रतिष्ठान धरानका उपकुलपति (भिसी) ज्ञानेन्द्र गिरी भ्रष्टाचारमा चुर्लुम्म डुबेका छन् । आर्थिक बर्ष २०७९/८० को असारे बजेट सिध्याउन मातृशिशु भवन नबन्दै १० करोड रुपैयाँ बराबरका २० वटा भेन्टिलेटर खरिदमा अनियमितता गरेका हुन् ।
भिसी गिरीले इटहरीको एमबिएम सर्जिक एन्ड डेन्टल हाउस प्रालिका सञ्चालकसँग मिलेमतो गिरी चाखलाग्दो भ्रष्टाचार गरेका छन् । एमबिएमले आफू अनुकुलको स्पेशीफिकेसन बनाएर सेटिङमा प्रतिष्ठानलाई भेन्टिलेटर हस्तान्तरण गरेको छ । खरिद प्रक्रियामा एमबी मेडिटेक प्रालिले बोलपत्र पेस गरेपनि देुवै कम्पनीको निर्देशक एकै व्यक्ति सन्दीप राउत हुन् । त्यसबाट पनि प्रष्ट हुन्छ कि भिसी गिरीले कहाँसम्मको सेटिङ गरेका छन् ।
सिङ्गापुरको कम्पनी मेट्रोनिक्सको सिग्नेचर र छाप नै किर्ते गरेर एमबिएमका राउतले सामान खरिदको प्रक्रिया अगाडि बढाएको खुलेको छ । एमबिएम कुनै आधिकारिक विक्रेता पनि नभएको र टेण्डर हाल्न समेत सक्षम नभएको अवस्थामा भिसी गिरीको सेटिङमा सम्पूर्ण काजजात मिलाउने, खरिद गर्न भुक्तानी दिने काम भएको हो ।
गिरीको मिलेमतोमा तत्कालिन लेखा प्रमुख मोहन राई, निर्देशक जगतनारायण प्रसाद, खरिद शाखाप्रमुख सागर ताम्राकार, मुल्यांकन समिति संयोजक डा प्रमेन्द्र गुप्ता, मेडिकल स्टोरका संजिब कर्ण र इल्क्ट्रोमेड शाखा प्रमुख राहुल मिश्रले सेटिङ मिलाएर भेन्टिलेटर खरिद गरेका हुन् । खरिद गरिएका भेन्टिलेटर चेकजाँच नगरि थन्काइएको छ ।
मातृशिशु भवनको लागि ९ करोड ८६ लाख ४९ हजार रुपैयाँमा २० वटा भेन्टिलेटर खरिद गरेका भिसी गिरीले उपकरणको गुणस्तर समेत जाँच गरेका छैनन् । भवनका लागि खरिद भएका भेन्टिलेटर थन्किएकोे विषयमा छानबिन गर्न गठिन समितिले बुझाएको प्रतिवेदनले पनि खरिद प्रक्रियामा अनियमितता देखाएको थियो ।
भेन्टिलेटर खरिदमा सेटिङ भएपछि २०८० साउन २४ गते ७ सदस्यीय छानबिन समिति गठन भयो । सो समितिले दुई साता लगाएर प्रतिवेदन तयार पार्यो । प्रतिवेदनमा निर्माणाधिन भवनको लागि आवश्यक उपकरणहरुमध्ये उक्त भेन्टिलेटरहरु प्राथमिकतामा पर्ने कुनै आधार नदेखिएको प्रष्ट उल्लेख छ ।
रकमको विनियोजन गर्नुपर्ने अवस्थाबारे प्रश्न उठाइएको प्रतिवेदनमा पनि खरिद गर्न लागिएको २० थान भेन्टिलेटरहरु निर्माणाधीन भवनमा जडान तथा संचालन गर्न चाहिने पूर्वाधारहरुको बिषयमा कुनै जानकारी नलिइएको उल्लेख छ । सार्वजनिक खरिद ऐन २०६३ विपरीत खरिद र भुक्तानी भएको प्रतिवेदनमा जनाइएको छ ।
प्रतिष्ठानमा भेन्टिलेटर २०७९ भदौ ३१ गते आइपुगेपछि मात्रै अस्पताल निर्देशक जगत नारायण प्रसादले मातृशिशु भवनको बारेमा जानकारी दिन इन्जिनियरलाइ निर्देशन दिएका थिए । उनको निर्देशनअनुसार २०७९ असोज ११ गते सिभिल इन्जिनियरिङ शाखाले भवन निर्माण सम्पन्न हुन २०७९ को चैतसम्म लाग्ने बताएको थियो । तर २०८१ सालको साउन अन्त्यसम्म पनि भवन निर्माण सम्पन्न हुन सकेको छैन । हाल सोही बिषयमा अख्तियारमा मुद्धा बिचाराधिन अवस्थामा छ ।
बीपी प्रतिष्ठानका पूर्वउपकुलपति गिरीविरुद्ध भ्रष्टाचारको आरोपमा अख्तियारमा उजुरी दर्ता
Comments
अरु समाचार
-
आईसीसी विश्वकप लिग–२ : नेपाल ओमनसँग पराजित
काठमाडौं । आईसीसी विश्वकप लिग–२ प्रतियोगितामा नेपाल ओमनसँग एक विकेटले पराजित भएको छ । नेपालले दिएको दुई सय २० रनको...
-
संविधान दिवस २०८१ आज हर्षोल्लासका साथ मनाइँदै
काठमाडौँ । संविधान दिवस तथा राष्ट्रिय दिवस २०८१ आज स्वदेश तथा विदेशमा विभिन्न कार्यक्रम गरी हर्षोल्लासका साथ मनाइँदैछ । नेपाल...
-
आजको राशिफलः २०८१ असोज ३ गते बिहीवार
मेष: टाढाका साथीभाइको निम्तो प्राप्त हुने समय छ। अवसरको खोजीमा केही दौडधुप भने गर्नुपर्ला। चुनौती पन्छाउँदै रोकिएका काम सम्पादन गर्न...
-
दुर्गा प्रसाईंलाई पक्राउ गर्न प्रहरीलाई अदालतले दियो अनुमति
काठमाडौं । बी एन्ड सी मेडिकल कलेज झापाका सञ्चालक दुर्गा प्रसाईंविरुद्ध पक्राउ पुर्जी जारी भएको छ । बुधबार काठमाडौं जिल्ला...
-
आजदेखि सोह्र श्राद्धको विधिवत् आरम्भ गरिँदै
काठमाडौँ, २ असोजः प्रत्येक वर्ष आश्विन कृष्ण प्रतिपदादेखि सुरु हुने सोह्र श्राद्ध अर्थात् पितृ पक्ष आजदेखि विधिवत् आरम्भ गरिँदैछ ।...
-
देशका अधिकांश भागमा मौसम सफा रहने
काठमाडौँ, २ असोजः देशभर मनसुनी वायुको प्रभावसँगै भारतको उत्तरपूर्वी मध्यप्रदेश र दक्षिण उत्तरप्रदेश आसपास रहेको न्यूनचापीय प्रणालीको आंशिक प्रभाव रहेको...
-
‘साना तथा मझौला उद्योग प्रवर्द्धनको प्रयासमा उद्योग वाणिज्य महासंघ’
काठमाडौँ, २ असोजः नेपाल उद्योग वाणिज्य महासङ्ले युवा, महिला एवं साना तथा मझौला उद्यमीको प्रवर्द्धनमा विशेष प्रयास गरिरहेको जनाएको छ...
-
आजको राशिफल: २०८१ साल असोज २ गते बुधवार
मेषः चिताएको मूल्य प्राप्त नभए पनि प्रयत्न गर्दा ऋणमोचन हुनेछ। खोजी गर्दा आम्दानीका नयाँ स्रोत फेला पर्नेछन्। तर आफ्नो मेहनतबाट...
-
राष्ट्रिय स्वतन्त्र पार्टीको राष्ट्रिय भेला सुरु
काठमाडौं । राष्ट्रिय स्वतन्त्र पार्टीको केन्द्रीय परिषदको राष्ट्रिय भेला आजबाट सुरु भएको छ। दुई दिनसम्म काठमाडौंको प्रज्ञा भवन कमलादीमा चल्ने...