अपमान गरेको भन्दै उर्जा सचिव आचार्यलाई राज्यमन्त्रीको २४ घण्टे स्पष्टिकरण माग

breaking news

काठमाडौं । ऊर्जा, जलस्रोत तथा सिंचाइ राज्यमन्त्री पूर्णबहादुर तामाङले सचिव सुरेश आचार्यलाई २४ घण्टे स्पष्टीकरण सोधेका छन् ।

गत चैत २५ गते सोमबार सिंचाई दिवस एवं ७२ औं वार्षिक उत्सवको कार्यक्रममा प्रमुख अतिथिको रुपमा कार्यक्रममा उपस्थित भएको बखत सचिवले अपमान गरेको भन्दै राज्यमन्त्री तामाङले स्पष्टिकरण सोधेका हुन् ।

उक्त स्पष्टिकरणमा सचिवलाई कार्यक्रम सञ्चालकले उद्‌घाटन समारोहका क्रममा आसनग्रहणको लागि बोलाउँदा मञ्चमा सहभागी नभइ बेवास्ता गरेर बाहिरिएको, विभागका महानिर्देशक सञ्जिव बरालले पटक–पटक आसनग्रहणको लागि आग्रह गर्दा पनि राज्यमन्त्री सहभागी कार्यक्रममा आफू बस्न तयार नभएको तुच्छ अभिव्यक्ति दिएको लगायतका विषय स्पष्टीकरण सोध्नुका कारणमा उल्लेख गरिएको छ ।

त्यस्तै सचिवको व्यवहारले मन्त्रालयको प्रतिष्ठा र कार्यपद्धतिमा असर पुर्‍याएकाले तपाईंलाई कारबाही किन नगर्ने ? भनी स्पष्टीकरण सोधिएको छ ।

जलस्रोत तथा सिँचाइ विभागले गरेको कार्यक्रममा मन्त्री दीपक खड्का कार्यक्रममा अनुपस्थित भएपछि राज्यमन्त्री मन्त्री प्रमुख अतिथि बनेका थिए ।

स्पष्टिकरण सोधिएको पत्र