डोटीमा नेपालीको अपहरण गर्दा पक्राउ परेका भारतीय प्रहरीलाई बिनाकारबाही छोडिदैं
डोटी, १९ जेठ । डोटीमा नेपाली अपहरण घटनामा पक्राउ परेका भारतीय प्रहरीको टोलीलाई सर्तसहित छाड्ने तयारी भएको छ । भारतीय प्रहरीका डिएसपीसहितको टोलीलाई छोडे भारतले कर्नाटकमा लुटपाटको आरोपमा जेल परेका तीनजना नेपालीलाई रिहा गर्नुपर्ने सर्त राखेपछि उनीहरुलाई छोड्ने तयारी भएको हो ।
अहिले प्रहरी टोलीलाई रिहा गर्न कागजात मिलाउने काम भइरहेको छ । जिल्ला प्रहरी कार्यालयले अपहरणको शैलीमा भारतीय प्रहरी चढेर आएको गाडीलाई भने छोडिसकेको छ । बुधबार मध्यरातमा दिपायल सिलगढी नगरपालिका ८ मा लालबहादुर आउजीलाई अपरण गर्न खोज्ने भारतीय प्रहरीको समूहलाई जिल्ला प्रहरी कार्यालय डोटीको टोलीले नियन्त्रणमा लिएको थियो ।
भारतीय प्रहरीका डिएसपी नागराजको कमाण्डमा आएको उक्त प्रहरी टोलीले आउजीलाई मध्य राति उनकै घरमा कुटपिट गर्नुको साथै हात तथा मुखमा पट्टी बाँधी आफूले ल्याएको गाडीमा लैजान खोजेका थिए । भारतीय प्रहरीको अपहरणमा परेका आउजी अपहरणमुक्त भए पनि उनलाई जिल्ला प्रहरी कार्यालयको थुनुवा कक्षमा राखिएको प्रहरीले जनाएको छ ।
स्थानीय बासिन्दाका अनुसार भारतमा मजदुरी गर्दै आएका लडागडाकै प्रसाद पार्की र अन्य तीन जनासहित भारतीय प्रहरीले लालबहादुरलाई घरबाट राति २ बजे अपहरणको प्रयास गरेका थिए । स्थानीय बासिन्दाका अनुसार प्रसादले मध्यरातमा लालबहादुरको घरको ढोका ढकढक्याएपछि लालबहादुरकी श्रीमतीले को हो भनी सोध्दा प्रसादले आफ्नो परिचय दिएपछि ढोका खोल्नासाथ भारतीय प्रहरीको समूह भित्र पसेर लालबहादुरलाई हात खुट्टा बाँधी जवरजस्ती गाडीमा हालेर लगेका थिए ।
घटनाको बारेमा स्थानीय बासिन्दाले तत्काल इलाका प्रहरी कार्यालय लडागडामा खवर गरेका थिए । लडागडा प्रहरीले गाडी रोक्न नसकेपछि जिल्ला प्रहरी कार्यालय डोटीलाई खबर गरेका थियो । जिल्ला प्रहरी कार्यालय डोटीको हतियार सहितको टोलीले अपहरणकारी, अपहरित व्यक्ति र अपहरणमा प्रयोग गरिएको गाडी राति नै नियन्त्रणमा लिएको थियो ।
Comments
अरु समाचार
-
पारिवारिक सुखको कामना गर्दै आजदेखि जितिया पर्व मनाइँदै
जलेश्वर (महोत्तरी), ७ असोजः सन्तानको दीर्घजीवन, पुत्र प्राप्ति तथा पारिवारिक सुख शान्तिका लागि मनाइने सम्पूर्ण मिथिला क्षेत्रकै पवित्र ‘जितिया पर्व’...
-
आइसिसी विश्वकप क्रिकेट : नेपाल क्यानडासँग पाँच विकेटले पराजित
काठमाडौँ, ७ असोजः क्यानडामा जारी आइसिसी विश्वकप क्रिकेट लिग दुईको आफ्नो तेस्रो खेलमा पनि नेपाल पराजित भएको छ । क्यानडाको...
-
नेपाल–भूटानबीच जनस्तर र व्यापारिकस्तर सम्बन्ध विकासबारे दुई प्रधानमन्त्रीबीच छलफल
न्युयोर्क (अमेरिका), ७ असोज : नेपाल र भूटानबीच जनस्तर र व्यापारिकस्तरमा सम्बन्ध विकासका लागि दुई प्रधानमन्त्रीबीच छलफल भएको छ ।...
-
प्रधानमन्त्री ओली र कुवेतका राजकुमार एवं प्रधानमन्त्री सबाहबीच भेटवार्ता
न्युयोर्क (अमेरिका), ७ असोजः संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका प्रधानमन्त्री...
-
प्रधानमन्त्री ओली र भारतका प्रधानमन्त्रीबीच न्युयोर्कमा भेटवार्ता
न्युयोर्क (अमेरिका), ७ असोज : संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका...
-
रविलाई पक्राउ गर्ने चर्चासँगै पार्टी कार्यालयमा सरगर्मी बढ्यो
काठमाडौं । राष्ट्रिय स्वतन्त्र पार्टीका सभापति रवि लामिछानेलाई पक्राउ गर्ने चर्चासँगै वनस्थलीस्थित पार्टी कार्यालयमा सरगर्मी बढेको छ । सभापति लामिछाने...
-
दुई महिनामा साढे ९४ अर्ब सरकारी ऋण थपियो
काठमाडौं । चालु आर्थिक वर्ष २०८१/८२ को पहिलो दुई महिनामा रु ९४ अर्ब ५२ करोड सरकारी ऋण थपिएको छ ।...
-
नेप्से परिसूचकमा दोहोरो अङ्कको सुधार
काठमाडौं । साताको पहिलो दिन अर्थात कारोबारको पहिलो दिन नेपाल स्टक एक्सचेञ्ज (नेप्से) परिसूचकमा दोहोरो अङ्कको सुधार देखिएको छ ।...
-
मुस्ताङको सुन्दरतामा पर्यटक आकर्षित,उपल्लो मुस्ताङलाई अर्धनिषेधित क्षेत्र कायमै राख्दा पर्यटक आवागमन न्यून
काठमाडौं । ऐतिहासिक र धार्मिक महत्वको मुस्ताङको पृथक भू–बनोट, प्राकृतिक, भौगोलिक, सांस्कृतिक, जैविक विविधताले विश्वभरका पर्यटक आकर्षित हुँदै आएका छन्...