ताजा समाचार

विशेष सुराकीको आधारमा नौ किलो चाँदी र हात्तीको पुच्छरसहित दुई जना पक्राउ

प्रदेश
-
       

महोत्तरी, २९ कात्तिक । अवैध चाँदी र हात्तीको पुच्छरसहित दुई जना पक्राउ परेका छन् । पक्राउ पर्नेमा कैलाली टीकापुर नगरपालिका– १ का विश्राज तिवारी र कालिकोट तिलकनगर– ९ का लक्ष्मी कोइराला रहेको इलाका प्रहरी कार्यालय बर्दिवासका प्रहरी नायब उपरीक्षक प्रवीण पोखरेलले जानकारी दिए ।

प्रहरीले उनीहरुलाई बर्दिवासस्थित शिशमहल होटेलबाट पक्राउ गरेको हो। पक्राउ परेकाहरुको साथबाट अबैध नौ किलो ४ सय ग्राम चाँदी र १५ हजार १ सय थान हात्तीको पुच्छर बरामद भएको डिएसपी पोखरेलले बताए । प्रहरीले उनीहरुलाई बिशेष सुराकीको आधारमा होटलबाट पक्राउ गरेको हो।

चाँदीका गरगहना र हात्तिको पुच्छरसहित पक्राउ परेकाहरुलाई राजस्व अनुसन्धान कार्यालय पथलैया पठाउने भएको छ। पक्राउ परेका तिवारीको साथबाट हात्तिको पुच्छर पनि बरामद भएकोले जिल्ला वन कार्यालयलाई बुझाउने तयारी गरिएको हो।

Comments

प्रकाशित मिति : 2017-11-15

अरु समाचार

© NewsNepal 2018 - All Right Reserved.
newsnepal.com 2017.hlon.org