राष्ट्रियसभा निर्वाचनमा राजपा र फोरमसँग कांग्रेसको गठबन्धन
काठमाडौं । राष्ट्रियसभा निर्वाचनमा मधेसकेन्द्रित दलको गठबन्धनले कांग्रेससँग चुनावी सहकार्य गर्ने भएको छ।
प्रदेश तथा प्रतिनिधिसभा निर्वाचनमा चुनावी तालमेल गरेका २ मधेसी घटक संघीय समाजवादी फोरम र राष्ट्रिय जनता पार्टी नेपालले राष्ट्रियसभा निर्वाचनमा कांग्रेससँग सहकार्यको तयारी गरेका हुन्।
मधेसकेन्द्रित दलको प्रभाव क्षेत्र रहेको २ नम्बर प्रदेशमा कांग्रेससँग सहकार्य गरे उनीहरुले सहजै ४ सिट जित्नेछन्। यसो गर्दा कांग्रेसले समेत राष्ट्रियसभामा २ नम्बर प्रदेशबाट २ सिट जित्न सक्नेछ।
वाम गठबन्धनले भने २ नम्बर प्रदेशबाट २ सिट जित्ने दाबीसहित सिट बाँडफाँट गरिसकेको छ। सहमति अनुसार वाम गठबन्धनको कार्यदलमा माओवादीले महिला र एमालले खुल्लातर्फ उम्मेदवार उठाउने सहमति भएको हो।
राजपाका महासचिव केशव झाले राष्ट्रियसभा निर्वाचनमा दुई मधेसकेन्द्रित दलले मिलेर उम्मेदवार तय गर्ने बताए। ‘जित्ने ४ सिटमा २/२ जना उम्मेदवार उठाउने तयारी गरेका छौं,’ उनले भने। कांग्रेससँग समेत अनौपचारिक छलफल चलिरहेको बताउँदै उनले मिलेर चुनाव लड्ने सम्भावना रहेको बताए।
राष्ट्रियसभा निर्वाचनको विषयमा तयारी गर्न राजपाले आइतबार राजनीतिक समितिको बैठक बोलाएको छ।
सरकारको नेतृत्व गरिरहेको कांग्रेसले मधेसकेन्द्रित दलसँग सहकार्य गर्न भन्दै प्रदेश प्रमुख नियुक्तिमा २ प्रदेश प्रमुख राजपा र फोरमलाई दिएको छ। सोही अनुसार २ नम्बर प्रदेशमा फोरमबाट रत्नेश्वर लाल कायस्थ र ५ नम्बर प्रदेशमा फोरमबाट उमाकान्त झा नियुक्त भएका छन्।
संघीय समाजवादी फोरमका नेता शिवजी यादवले राष्ट्रियसभा निर्वाचनमा कांग्रेससँग सहकार्य गरेको खण्डमा ८ मध्ये ६ सिट जित्न सकिने दाबी गरे। ‘एकल संक्रमणीय प्रणाली अनुसार मधेसकेन्द्रित दल मिल्दा ४ सिट निश्चित रुपमा आउँछ,’ यादवले भने, ‘कांग्रेसले सहकार्य गरेको खण्डमा थप २ सिट जित्न सकिन्छ।’
यादवका अनुसार जित्न सकिने ४ सिटमध्ये दलित र अल्पसंख्यक वा अपांगको २ सिट जित्न सकिने देखिन्छ। त्यस्तै खुल्ला र महिला गरेर ४ सिट मधेसकेन्द्रित २ दलले प्राप्त गर्नेछन्। ‘कसले के लिने भन्ने विषयमा बाँडफाँट गर्न बाँकी छ,’ उनले भने।
प्रदेशसभाको सपथ र बैठकपछि सिट संख्या र उम्मेदवारको विषयमा टुंगो लगाउने तयारी तीन दलले गरेका छन्। कांग्रेस नेता विमलेन्द्र निधिले २ नम्बर प्रदेशमा मधेसकेन्द्रित दलसँग आन्तरिक छलफल चलिरहेको बताउँदै सहकार्य गरेर अघि बढ्ने उल्लेख गरे।
उनले भने, ‘समय बाँकी नै छ, मिलेर राष्ट्रियसभा निर्वाचनमा उम्मेदवारको तय गर्नेछौं।’
Comments
अरु समाचार
-
नेपालसामु जितका लागि २१० रनको लक्ष्य
काठमाडौं । वेस्ट इन्डिज ‘ए’ले टी–ट्वान्टी शृङ्खलाको चौथो खेलमा नेपाललाई जितका लागि दुई सय १० रनको चुनौती दिएको छ ।...
-
नाबालिका हत्या आरोपमा छिमेकी आमाछोरी पक्राउ
काठमाडौं । नाबालिका हत्यामा संलग्न रहेको आरोपमा प्रहरीले सिराहा नगरपालिका–१९ जरुवा लक्ष्मीनियाँ टोलका आमाछोरीलाई पक्राउ गरी कर्तव्य ज्यानसम्बन्धी मुद्दा चलाएको...
-
अग्निपीडितलाई आर्थिक सहयोग
काठमाडौं । जिल्लाको रोशी गाउँपालिका–४ सानोपोटा गाउँका अग्निपीडितलाई आर्थिक एवं भौतिक सहयोग गरिएको छ । उक्त गाउँका १५ परिवारलाई जिल्ला...
-
सुनको मूल्य तोलामा रु दुई हजारले वृद्धि
काठमाडौं । स्थानीय बजारमा पहेँलो धातुको मूल्य तोलामा रु दुई हजारले वृद्धि भएको छ । नेपाल सुनचाँदी व्यवसायी महासङ्घका अनुसार...
-
मादी नदीमा धमाधम पुल निर्माण हुँदै
काठमाडौं । मुग्लिन–पोखरा सडकखण्ड अन्तर्गत तनहुँको व्यास नगरपालिका–४ र ५ जोड्ने मादी नदीमा धमाधम पुल निर्माण भइरहेको छ ।सवारी साधन...
-
आगलागीमा परी वृद्ध दम्पतीको मृत्यु
काठमाडौं । धादिङको थाक्रे गाउँपालिका–५ पुरानडाँडास्थित घट्टेखोला भन्ने ठाउँको एक घरमा आगलागी हुँदा वृद्ध दम्पतीको मृत्यु भएको छ । गएराति...
-
मोटरसाइकल दुर्घटनामा दुई जनाको मृत्यु
काठमाडौं । पूर्वी चितवनको रत्ननगर नगरपालिकामा मोटरसाइकल दुर्घटना हुँदा दुई जनाको मृत्यु भएको छ । दुर्घटनामा रत्ननगर नगरपालिका–३ का सुमित...
-
धादिङको थाक्रेमा आगलागीबाट वृद्ध दम्पतीको मृत्यु
काठमाडौं । धादिङको थाक्रे गाउँपालिका–५ पुरानडाँडास्थित घट्टेखोलामा एक घरमा आगलागी हुँदा वृद्ध दम्पतीको जलेर मृत्यु भएको छ ।गएराति ७० वर्षीय...
-
सूचना प्रविधिलाई ‘लिडिङ फ्याक्टर’ को रूपमा आत्मसात गरौँ : प्रधानमन्त्री प्रचण्ड
काठमाडौं । प्रधानमन्त्री पुष्पकमल दाहाल ‘प्रचण्ड’ ले आगामी आर्थिक वर्षको नीति तथा कार्यक्रम एवं बजेटमा नवप्रवर्तन कोष स्थापना गरिने बताएका...