एमालेका समानुपातिक सांसद विश्लेषणः कोही पति पत्नीदेखि दाजु बहिनीसम्म
काठमाडौं, २८ माघ । एमालेले प्रतिनिधिसभाको समानुपातिकतर्फ ४१ सांसदको नाम टुंगो लगाएको छ । आईतबार बसेको एमाले केन्द्रीय कमिटि बैठकले समानुपाति सांसद्को नाम टुंगो लगाएको छ । एमालेले सार्वजनिक गरेको नाममा विश्लेषण गर्दा श्रीमान श्रीमतीदेखि दाजु बहिनीसम्म अटाएका छन् ।
एमाले उपाध्यक्ष बामदेव गौतमकी पत्न तुलसा थापा, प्रदेश ५ को मुख्यमन्त्री बन्ने तयारीमा रहेका शंकर पोखरेलकी पत्नी सुजिता शाक्य र पार्टी कार्यालय सचिव कृष्णगोपाल श्रेष्ठकी पत्नी विना श्रेष्ठ पनि उक्त सूचिमा अटाएका छन् । त्यस्तै माया ज्ञवाली, विद्यार्थी आन्दोलनबाट आएकी रामकुमारी झाक्री, नविना लामालाई समेत समेटेको छ ।
उद्योगी मोती दुगड पनि समानुपातिक सूचीबाट सांसद् भएका छन् । नेतापत्नी भए पनि उनीहरु तीनैजना पार्टीमा लामो समयदेखि पार्टीमा क्रियाशील महिला नेतृ हुन् । कृष्णगोपाल र विनासँगै रघुवीर महासेठ र जुली कुमारी महतो पति पत्नी दुवैजना प्रतिनिधिसभा सदस्य बन्ने भाग्यमानी दम्पत्ति परेका छन् । महासेठ धनुषा ४ बाट प्रत्यक्ष निर्वाचित सांसद हुन् भने जुली समानुपातिकबाट सांसद बनेकी छन् ।
कृष्णगोपाल काठमाडौं ९ बाट निर्वाचित भएका छन् । तत्कालिन एमाले महासचिव जननेता मदनकुमार भण्डारीसँगै दासढुंगा दुर्घटनामा निधन भएका संगठन विभाग प्रमुख जीवराज आश्रति पत्नी माया ज्ञवाली न्यौपाने पनि समानुपातिकबाट सांसद बनेकी छन् ।
सशस्त्र द्वन्द्वका क्रममा माओवादीबाट हत्या गरिएका रुकुमका नेता यदु गौतमकी पत्नी तीर्था गौतमलाई पनि एमालेले समानुपातिक सांसद बनाएको छ । उनी २०५६ मा पतिको हत्यापछि रुकुमबाट सांसद निर्वाचित भएकी थिइन् ।
चर्चित विद्यार्थी नेता रामकुमारी झाँक्री र अनेरास्ववियुका वर्तमान अध्यक्ष नविना लामा पनि समानुपातिकबाट निर्वाचित भएका छन् । केपी ओली सरकारको पालामा राजदूत सिफारिस भएर पनि पद सम्हाल्न नपाउँदै हटाइएकी की डा. शिवमाया तुम्बाहम्फे पनि समानुपातिकबाट सांसद भएकी छन् ।
त्यस्तै सहोदर दाजु बहिनी बिजय सुब्बा र शिबमाया एकैपटक समानुपातिकबाट सांसद बनेका छन् । विजय सुब्बा अशोक राईहरुसँग एमाले छाडेर संघीय समाजवादीमा गएका थिए तर, नवौं महाधिवेशन लगतै फर्किएका थिए ।
एमालेबाट समानुपातिकमा निर्वाचित हुने पूर्व सांसद तथा पूर्व मन्त्रीहरुको संख्या पनि उल्लेख्य छ । यस्तै थरुहट तराई पार्टीबाट नयाँ शक्ति हुँदै चुनावको पूर्वसंख्यामा एमाले बनेकी गंगा चौधरी ले पनि एमालेबाट सांसद हुने सौभाग्य पाएकी छन् ।
Comments
अरु समाचार
-
बागमती, गण्डकी र कर्णाली प्रदेशमा भारी वर्षाको सम्भावना
काठमाडौँ । हाल देशभर मनसुनी वायुको प्रभाव कायमै छ । मनसुनको न्यून चापीय रेखा पश्चिममा सरदर स्थानको उत्तरतिर र पूर्वमा...
-
केही स्थानमा स्थानमा मेघगर्जन र चट्याङसहित हल्कादेखि मध्यम वर्षाको सम्भावना
काठमाडौँ, ४ असोजः हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखाको पश्चिमतिर...
-
कोशीका मुख्यमन्त्री कार्कीले असोज २ गते विश्वासको मत लिने
काठमाडौं । कोशी प्रदेशका मुख्यमन्त्री हिक्मतकुमार कार्कीले आगामी असोज २ गते विश्वासको मत लिने भएका छन् । नेपाल कम्युनिष्ट पार्टी...
-
मुग्लिङ-नारायणगढ सडकखण्ड अन्तर्गत सिमलतालबाट त्रिशूली नदीमा ट्रक खस्यो
काठमाडौं । मुग्लिन-नारायणगढ सडकखण्डको सिमलतालबाट आइतबार बिहानै ट्रक खसेको छ। खाने तेल बोकेर सिमाराबाट काठमाडौँ गइरहेकोे ट्रक त्रिशूलीमा खसेको हो...
-
साहित्यकारहरुले भने- नारद पोखरेलको उपन्यास ‘उर्वरा’ ले सजिलै पाठकको मन तान्छ
काठमाडौं, भदौ २९ । उपन्यासकार नारद पोखरेलको उपन्यास ‘उर्वरा’ पाठकका लागि फरक स्वादको चटनी भएको एक कार्यक्रममा सहभागी स्रष्टाहरुले बताएका...
-
बाल अधिकार संरक्षणमा प्रदेश सरकार प्रतिबद्ध छः मुख्यमन्त्री कार्की
काठमाडौं । कोशी प्रदेश सरकारका मुख्यमन्त्री हिक्मतकुमार कार्कीले प्रदेश सरकार बाल अधिकार संरक्षणमा प्रतिबद्ध भएको बताएका छन्। आज बाल दिवसका...
-
बाग्मती, गण्डकी, मधेश र कोशीमा हल्कादेखि मध्यम वर्षाको सम्भावना
काठमाण्डौ । लुम्बिनी, कर्णाली र सुदूरपश्चिमका विभिन्न ठाउँमा अस्तिदेखि लगातार भइरहेको ठूलो वर्षा रोकिएको छ । गएरातिदेखि ती ठाउँमा पानी...
-
वर्षासँगै आएको पहिरोले सुदूरपश्चिमका विभिन्न राजमार्ग अवरुद्ध
काठमाडौं । अविरल वर्षासँगै आएको पहिरोले सुदूरपश्चिम प्रदेशका पहाडी क्षेत्रका विभिन्न राजमार्ग अवरुद्ध भएका छन् । ठाउँ ठाउँमा गएको पहिरोका...
-
दशौँ राष्ट्रिय खेलकुद प्रतियोगिताको तयारीमा कर्णाली, व्यवस्थापन र पूर्वाधार निर्माणको दबाब
काठमाडौं । कर्णालीमा आगामी मङ्सिर २–९ गतेसम्म हुने दशौँ राष्ट्रिय खेलकुद प्रतियोगिताको समय आउन अब करिब दुई महिना बाँकी छ...