नक्कली नोटसहित ५ जना पक्राउ

समाचार

काठमाडौं,१५ फागुन । काठमाडौं प्रहरीले विभिन्न स्थानबाट २१ हजार रुपैयाँ बराबरको नक्कली नोटसहित ५ जनालाई पक्राउ गरेको छ ।

नक्कली नोटसहित पक्राउ पर्ने गिरोहमा ललितपुरको गोदावरी–४ घर भइ हाल ताल्सीखेलमा एमएस वर्कसप सञ्चालन गरी बस्दै आएका ३० वर्षीय मनोज केसी, ललितपुर–१४, ताल्सीखेलका २३ वर्षीय आशिष माझी, नेमा तामाङ, धनुषा घर भइ ललितपुरको नख्खिपोट बस्दै आएका २५ वर्षीय धिरजबहादुर श्रीनेत ठकुरी, भोजपुरको खावा–९ घर भइ हाल नख्खीपाट बस्दै आएका २५ वर्षीय निगम राई र सोलुखुम्बु तिम्ला–८ घर भइ काठमाडौंको कपन बस्दै आएका ३१ वर्षीय भेषकुमार थापा मगर रहेका छन् ।

उनीहरुको साथबाट प्रहरीले ३८ वटा ५ सय रुपैयाँको र दुई वटा हजार रुपैयाँको नक्कली नोट बरामद गरेको छ ।नक्कली नोट प्रयोग गरि सामान खरिद गरिरहेको समयमा सुराकीका आधारमा उनीहरु पक्राउ परेका थिए ।
तर नक्कली नोट बनाउने गिरोह भने पक्राउ परेका छैनन् । पक्राउ परेका मध्ये नेमाले उक्त नोटहरु वीरगञ्जबाट ल्याएको बताएका छन् ।

Comments

प्रकाशित मिति : 2018-02-27

नक्कली नोटसहित ५ जना पक्राउ

Comments

अरु समाचार