त्रिभुवन विमानस्थलमा लगेज किन ढिला आउँछ?

समाचार

काठकाडाैं, १९ चैत । विमानस्थलका महाप्रवन्धक राजकुमार क्षेत्रीले त्रिभुवन विमानस्थलमा अावश्यक दक्ष जनशक्ति अभावका कारण लगेज ओसार/पसारमा ढीलाे भएकाे बताएका छन् ।

सवारीसाधन र एक्सरे जाँच्नका लागि आवश्यक दक्ष जनशक्ति अभाव रहेकोले समय धेरै लाग्ने गरेको क्षेत्रीले बताएका हुन् ।
जहाजबाट लगेज झिकेर ट्रली, ट्र्याक्टर हुँदै एक्सरेसम्म पुर्याउनुपर्छ।यो सबै प्रकृया पूरा गर्दा डेढ घण्टा लाग्ने गरेको क्षेत्रीले बताए।’सामान्यतया अन्य राष्ट्रमा जहाजबाट ओर्लिएर इमिग्रेशनतर्फ जानै २० मिनेट समय लाग्छ। इमिग्रेशनमा १५ मिनेट लाग्छ। विदेशमा लगेजलाई उपकरणको सहायताले ट्रलीमा हालिन्छ। जसले गर्दा लगज ओसारपसार छिट्टै हुन्छ, उनले भने, ‘यहाँ लोड अनलोडका लागि मेसिन होइन मान्छेको प्रयोग हुन्छ। जहाजबाट ओर्लिएको दश मिनेट भित्रै इमिग्रेशनबाट वाहिर आइपुगिन्छ। जम्मा दश मिनेटमा यात्रु आइसकेका हुन्छन् तर लगेज आउनै समय लाग्छ।’

अन्तर्राष्रिम्य मापदण्ड अनुसार यात्रु जहाजबाट ओर्लिएको ४५ मिनेट भित्र आफ्नो लगेज पाउनु पर्ने प्रावधान रहेको उनले बताए।हाल विमानस्थलमा ग्राउण्ड ह्यान्डलिङको जिम्मा नेपाल वायु सेवा निगमले लिएको छ। क्षेत्रीका अनुसार हाल विमानस्थलको भन्सार कार्यालयमा एक्सरे जाँचकीको अभाव छ। चारवटा कन्भेयर वेल्ट मध्ये तीनवटा कन्भेयर वेल्ट मात्र चलिरहेको छ ।

‘कहिले काँही तीन देखि चारवटा जहाज आइदिन्छन्। त्यो अवस्थामा भने लगेज लिनका लागि अधिक्तम दुई घण्टा लाग्नेछ।’क्षेत्रीले भने।