यी हुन् उपाधि होडमा रहेका १६ टिम जो प्रि क्वाटरफाइनल पुगे
यी हुन् उपाधि होडमा रहेका १६ टिम जो प्रि क्वाटरफाइनल पुगे
रसियामा भइरहेको २१औँ संस्करणको फिफा विश्वकपमा समूह चरणका सबै खेलहरु समाप्त भइसकेका छन्। कूल ४८ खेल भइसकेपछि उपाधि होडमा रहेको ३२ टिम घटेर १६ पुगेको छ।
समूह चरणमा जित मात्र नभई बराबरी र हारको नतिजाले पनि अघिल्लो चरण प्रवेशको समिकरण बदल्ने भए पनि प्रिक्वाटरफाइनलदेखि भने नकआउट चरण लागु हुनेछ। जहाँबाट जित्ने टिम उपाधि होडमा अगाडि बढ्दै जानेछ भने हार्ने टिम घर पर्कनेछ।
रसियामा विश्वकप खेल्न गएका ३२ मध्ये १६ टिमको चुनौती समूह चरणबाटै सकिएको छ र घर फर्किँदैछन्। बाँकी १६ टिम समूह चरण पार गर्दै उपाधि होडमा लम्किरहेका छन्।
साविक विजेता तथा ४ पटकको विश्वकप जितेको जर्मनी समूह चरणबाटै आउट हुनु यस विश्वकपको सबैभन्दा अप्रत्यासित नतिजा बन्यो। मेक्सिको, स्वीडेन, दक्षिण कोरिया रहेको समूहमा जर्मनी दुई खेल हार्दै समूहको पूछारमा रहँदै घर फर्कियो। यस्तै युरोपको अर्को राम्रो टिम भनिएको पोल्याण्ड पनि समूह चरणबाट अगाडि बढ्न सकेन।
सर्वाधिक ५ पटकको विजेता ब्राजिल, २ पटकको विजेता अर्जेन्टिनाले अन्तिम खेल जित्दै अन्तिम १६ मा स्थान बनाए भने आयोजक रसियासहित उरुग्वे, फ्रान्स, इंग्ल्याण्ड र बेल्जियमले समूह चरणको एक खेल अघि नै अन्तिम १६ मा स्थान पक्का गरिसकेको थियो।
सन् १९९४ बाट रसियाको नाममा खेल्न थालेपछि आयोजक रसियाले पहिलो पटक समूह चरण पार गरेको हो।
अब शनिवारदेखि नकआउट चरणका खेलहरु सुरु हुनेछन्। प्रिक्वाटरफाइनलमा सबैभन्दा प्रतीक्षा गरिएको खेल दुई पूर्व च्याम्पियन अर्जेन्टिना र फ्रान्सबीच हुनेछ। नाइजेरियासँगको अन्तिम खेलमा बराबरी वा हारको नतिजाले अर्जेन्टिना समूह चरणबाटै बाहिरिने थियो तर जित हासिल गर्दै समूह डीको उपविजेता बन्दै समूह सी को विजेता फ्रान्ससँग भेट पक्का गरेको हो।
यस्तै दुई पटकको विजेता उरुग्वे र पोर्चुगलबीचको खेल पनि हेर्न लायक हुनेछ। यी दुई खेलको विजेता क्वाटरफाइनलमै एकआपसमा भिड्नेछन्। सेमिफाइनलमा ब्राजिल र बेल्जियममध्ये एक सम्भावित अपोनेन्ट हुनेछ। ब्राजिलले प्रिक्वाटरमा मेक्सिकोसँग खेल्नेछ भने बेल्जियमले जापानसँग खेल्नेछ। यी सबै खेल एउटा पोलमा हुनेछ।
चार पूर्व विजेता रहेको यस पोलबाट एक मात्र टिम फाइनल पुग्नेछ।
अर्को पोलमा दुई पूर्व विजेता छन्, स्पेन र इंग्ल्याण्ड। स्पेनले प्रिक्वाटरमा आयोजक रसियासँग खेल्नेछ। यस्तै क्रोएसियाले डेनमार्क, स्वीडेनले स्वीट्जरल्याण्ड तथा इंग्ल्याण्डले कोलम्बियासँग खल्नेछ। यो पोलबाट एक टिम फाइनल पुग्नेछ। पूर्व विजेता स्पेन र इंग्ल्याण्डलाई यस पोलबाट उपाधिको दाबेदारको रुपमा हेरिएको छ। यस्तै समूह चरण राम्रो प्रदर्शन गरेको क्रोएसिया पनि अगाडिसम्म पुग्न सक्ने टोलीको रुपमा लिइएको छ।
प्रिक्वाटरफाइनलमा युरोपबाट सबैभन्दा धेरै १० टिम पुगेका छन् भने दक्षिण अमेरिकाबाट ४ तथा उत्तर अमेरिका र एसियाबाट एक एक टिम छन्।
Comments
अरु समाचार
-
घमेश दुलालले ल्याए खर्च दशैंलाई (भिडियो)
काठमाडाैं । चर्चित गायक घमेश दुलालले 'खर्च दशैंलाई' बोलको गितको म्यूजिक भिडियो सार्वजनिक गरेका छन् । गायक दुलालले आफ्नै युट्युब...
-
दाङमा चट्याङ लागेर एकको मृत्यु, दुईजना घाइते
काठमाडौं । दाङमा चट्याङ लागेर एकजनाको मृत्यु भएको छ भने दुईजना घाइते भएका छन् । घोराही उपमहानगरपालिका–११ खुङकोटका निमकली साहुको...
-
मन्त्री राणा र अमेरिकी उपमन्त्री वासबीच भेटवार्ता
काठमाडौं । संयुक्त राष्ट्रसङ्घको ७९औँ महासभामा भाग लिन आएकी परराष्ट्रमन्त्री डा.आरजु राणा देउवासँग अमेरिकाका राजनीतिक मामिलासम्बन्धी कार्यवाहक उपविदेश मन्त्री जोन...
-
बङ्गलादेशले मौद्रिक नीतिमा कडाइ गर्ने
काठमाडौं । बङ्गलादेशको केन्द्रीय बैङ्कले मुद्रास्फीति नियन्त्रण गर्न सरकारलाई सहयोग पु¥याउने उद्देश्यले आगामी महिनाको अन्त्यसम्ममा दुई पटक नीतिगत दरमा वृद्धि...
-
निर्वाचन आयोगद्वारा स्थानीय तह उपनिर्वाचनका लागि दल दर्ता गर्न आह्वान
काठमाडौं । निर्वाचन आयोगले स्थानीय तह सदस्य उपनिर्वाचनका लागि दल दर्ताका लागि आह्वान गरेको छ । आयोगले आज एक सूचना...
-
प्रधानमन्त्रीओली र विश्व बैंकका अध्यक्ष बंगाबिच भेटवार्ता
काठमाडौं । संयुक्त राष्ट्र संघको ७९ औं महासभामा प्रधानमन्त्री केपी शर्मा ओली र विश्व बैंक समूहका अध्यक्ष अजय बंगाबिच भेटवार्ता...
-
साल्ट ट्रेडिङको सहकार्यमा नेपाली जुत्ताको सुपथ मूल्य पसल सञ्चालन
काठमाडौं । साल्ट ट्रेडिङ कर्पोरेशन लिमिटेडको सहकार्यमा जुत्ता उत्पादक सङ्घ नेपालले उपत्यकाका दुई स्थानमा दसैं, तिहार र छठका अवसरमा सुपथ...
-
उपप्रधानमन्त्री विष्णु पौडेल र चीनका उपप्रधानमन्त्री हि लिफेङबिच भेटवार्ता
काठमाडौं । उपप्रधानमन्त्री एवम् अर्थमन्त्री विष्णुप्रसाद पौडेल र चीनका उपप्रधानमन्त्री हि लिफेङबिच बेइजिङमा भेटवार्ता भएको छ । भेटवार्ताका अवसरमा दुई...
-
तनहुँ मालपोतद्वारा ३६ करोड राजस्व सङ्कलन
काठमाडौं । मालपोत कार्यालयले आर्थिक वर्ष २०८०–८१ मा रु ३६ करोड राजस्व सङ्कलन गरेको छ । यो आव २०७९÷८० को...