४ वर्षदेखि सम्पर्कविहीन गंगामायाका छोरा नुरप्रसाद ‘पक्राउ’
काठमाडाैं २०, साउन । गोरखा फुजेलका कृष्णप्रसाद अधिकारीको हत्या आरोपीलाई कारवाहीको माग गर्दै उजुरी गर्ने नुरप्रसाद अधिकारीलाई प्रहरीले नियन्त्रणमा लिएको छ ।
आइतबार महानगरीय अपराध महाशाखाको टोलीले नुरप्रसादलाई सानेपास्थित डेराबाट नियन्त्रणमा लिएको हो ।
जिल्ला अदालत चितवनमा आइतबारै कृष्णप्रसाद अधिकारीको हत्यासम्बन्धि मुद्दाको सुनुवाई भइरहँदा काठमाडौं प्रहरीले नुरप्रसादलाई नियन्त्रणमा लिएको हो ।
महानगरीय प्रहरी अपराध महाशाखाका प्रमुख एसएसपी धिरजप्रताप सिंहका अनुसार आइतबार अपरान्ह नुरप्रसादलाई नियन्त्रणमा लिइएको छ । नुरप्रसादलाई पक्राउ गरिएको नभई खोजबिन गरी नियन्त्रणमा लिइएको सिंहले बताए ।
यसअघि असार २९ गते गंगामाया अधिकारीले अनसन तोड्ने क्रममा आफ्नो जेठा छोरा नुरप्रसाद अधिकारीको खोजी गरिदिनसमेत आग्रह गरेकी थिइन् । गंगामायाको आग्रह अनुसार नुरप्रसादलाई खोजी गरिएको हो । नुरप्रसादलाई आइतबार नै गंगामायाको जिम्मा लगाउने तयारी भएको महाशाखाका एसएसपी सिंहले बताए ।
२०६१ साल जेठ २४ गते चितवनमा मारिएका आफ्ना भाइको हत्या आरोपीलाई हदैसम्मको कारवाहीको माग गर्दै उनले २०७१ सालदेखि आन्दोलन गर्दै आएका थिए । जिल्ला अदालत चितवनमा किटानी जाहेरी दिने उजरीकर्तामध्ये नुरप्रसाद प्रमुख व्यक्ति थिए । तर २०७२ सालदेखि उनी अनसनरत आमा र मानव अधिकारवादीसँग पनि सम्पर्कविहीन भएका थिए ।
सुरुवाती समयमा नुरप्रसादले हत्या आरोपीलाई जन्मकैदको माग गर्दै करोडौ क्षतिपूर्ति र आफूलाई बेलायतमा बसोबासको व्यवस्था मिलाउनुपर्ने माग राखेका थिए । मानव अधिकारवादीमार्फत् उनले यस्तो माग सरकारसमक्ष पुर्याएका थिए ।
तर, क्षतिपूर्ति र अन्य देशमा बसोबासको व्यवस्था मिलाउने विषय सम्भव नभएपछि उनी मानव अधिकारवादीलाई नै धम्की दिँदै ४ वर्षदेखि सम्पर्कविहिन थिए । तर आइतबार महाशाखाको टोलीले नुरप्रसादलाई सानेपास्थित आफ्नै कोठाबाट नियन्त्रणमा लिएका हुन् ।
कोठामा एक्लै भेटिए नुरप्रसाद
अनसनकै क्रममा बुवाको मृत्यु भएपछि लाश बुझ्नसमेत नुरप्रसाद गएनन् । अनसनकै क्रममा मृत्यु भएका कृष्णप्रसादका बुवा नन्दप्रसाद अधिकारीको शव अहिले पनि शिक्षण अस्पतालको शवगृहमै राखिएको छ ।
तर बुवाको शव बुझ्न र आमालाई भेट्नसमेत नगएका नुरप्रसाद कान्छी श्रीमती ल्याएर बसेको चर्चासमेत चलेको थियो । यद्यपि प्रहरीले खोज्दै जाँदा आइतबार सानेपास्थित कोठामा नुरप्रसाद एक्लै भेटिएको प्रहरीले बताएको छ ।
यता आमा गंगामायाले भने दुई साताअघि वीर अस्पतालमा जारी ४५ दिन लामो अनसन तोडेकी थिइन् । अनसन तोडेपछि सरकारले गंगामायाको जीवन निर्वाहको लागि १ करोड रुपैयाँ निकासा गरेको छ ।
Comments
अरु समाचार
-
बाढीका कारण १६ वटा जलविद्युत् आयोजनामा क्षति
काठमाडौं । अविरल बर्षापछि आएको बाढीपहिरोका कारण विभिन्न १६ वटा जलविद्युत् आयोजनामा क्षति पुगेको छ । स्वतन्त्र ऊर्जा उत्पादकहरुको संस्था...
-
पहिरो जाँदा र सडक भासिँदा नारायणगढ-मुग्लिन सडकखण्ड पूर्णरूपमा अवरुद्ध
१२ असोज, काठमाडौं । अत्याधिक वर्षाका कारण पहिरो जाँदा र सडक भासिँदा नारायणगढ-मुग्लिन सडकखण्ड पूर्णरूपमा अवरुद्ध भएको छ । नौकिलो...
-
बिहीवार वरिष्ठको उपाधि पाएका क्षमताहिन वकिल सर्वोच्च जान मरिहत्ते
काठमाडौं । सर्वोच्च अदालत र उच्च अदालतमा रिक्त रहेका न्यायाधीशहरूको सिफारिस र नियुक्ति गर्न न्याय परिषदुको बैठक आज (शुक्रबार) विहान...
-
मध्यभोटेकोशीले एक महिनाभित्र बिजुली उत्पादन गर्दै
काठमाडौं । नेपाल विद्युत् प्राधिकरणको सहायक कम्पनी चिलिमे जलविद्युत् कम्पनी लिमिटेडको अगुवाइमा सिन्धुपाल्चोकमा निर्माणाधीन एक सय दुई मेगावाट क्षमताको मध्यभोटेकोशी...
-
बागमती, गण्डकी र कर्णाली प्रदेशमा भारी वर्षाको सम्भावना
काठमाडौँ । हाल देशभर मनसुनी वायुको प्रभाव कायमै छ । मनसुनको न्यून चापीय रेखा पश्चिममा सरदर स्थानको उत्तरतिर र पूर्वमा...
-
केही स्थानमा स्थानमा मेघगर्जन र चट्याङसहित हल्कादेखि मध्यम वर्षाको सम्भावना
काठमाडौँ, ४ असोजः हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखाको पश्चिमतिर...
-
मुग्लिङ-नारायणगढ सडकखण्ड अन्तर्गत सिमलतालबाट त्रिशूली नदीमा ट्रक खस्यो
काठमाडौं । मुग्लिन-नारायणगढ सडकखण्डको सिमलतालबाट आइतबार बिहानै ट्रक खसेको छ। खाने तेल बोकेर सिमाराबाट काठमाडौँ गइरहेकोे ट्रक त्रिशूलीमा खसेको हो...
-
साहित्यकारहरुले भने- नारद पोखरेलको उपन्यास ‘उर्वरा’ ले सजिलै पाठकको मन तान्छ
काठमाडौं, भदौ २९ । उपन्यासकार नारद पोखरेलको उपन्यास ‘उर्वरा’ पाठकका लागि फरक स्वादको चटनी भएको एक कार्यक्रममा सहभागी स्रष्टाहरुले बताएका...
-
बाग्मती, गण्डकी, मधेश र कोशीमा हल्कादेखि मध्यम वर्षाको सम्भावना
काठमाण्डौ । लुम्बिनी, कर्णाली र सुदूरपश्चिमका विभिन्न ठाउँमा अस्तिदेखि लगातार भइरहेको ठूलो वर्षा रोकिएको छ । गएरातिदेखि ती ठाउँमा पानी...