पप्पु कन्ट्रक्सनका सञ्चालक रौनियारको नाममा जिल्ला अदालत राैतहटद्वारा पक्राउ पुर्जी जारी
राैतहट १०,असोज । ठेक्का लिएर पनि समयमा काम पूरा नगरेको रेकर्ड बनाएको पप्पु कन्सट्रक्सन प्रालि वीरगन्जका सञ्चालक सुमित रौनियारलाई जिल्ला अदालत रौतहटले पक्राउ पुर्जी जारी गरेको छ ।
जिल्लाको गौर नगरपालिका–४ टिकुलिया घाटमा रहेको लाल बकैया नदीमा गत भदौ २९ गते डुंगा दुर्घटना हुँदा पाँचजनाको मृत्यु भएको मुद्दामा अनुसन्धानका लागि पप्पु कन्सन्ट्रक्सनका सञ्चालक रौनियारलाई अदालतमा हाजिर हुन पटकपटक बोलाउँदा पनि उपस्थित नभएका कारण पक्राउ पुर्जी जारी गरिएको हो । जिल्ला प्रहरी कार्यालय रौतहटले मुलुकी फौजदारी कार्यविधि संहिता ऐन २०७४ को दफा ९ को उफा २ बमोजिम रौनियारलाइ पक्राउ गर्न जिल्ला अदालतसमक्ष माग गरेकोमा अदालतले असोज ४ गते पक्राउ गर्न आदेश जारी गरेको हो ।
निर्माणाधीन पुलको पिल्लरमा ठोक्किएर डुंगा फुट्दा दुर्घटना भएको र समयमै पुल निर्माणको काम नसकेका कारण दुर्घटना भएकोले कम्पनी दोषी भएको भन्दै स्थानीयले जिल्ला प्रहरी कार्यालयमा मुद्दा दर्ता गराएका थिए । निर्माण कम्पनीको चरम लापरबाहीका कारण स्थानीयले अकालमै ज्यान गुमाउनु परेपछि लापरबाही गर्ने पप्पु कन्सन्ट्रक्सनविरुद्ध मुद्दा दायर गरेको स्थानीय युवा विनोद सहनीले बताए ।
मुद्दा दायर भएको एक महिनापछि पनि प्रहरीको आदेश नमान्दै अनुसन्धानका लागि आउन नमान्ने कम्पनीका प्रमुखलाई पक्राउ गर्न अदालतले पुर्जी जारी गरेको जिल्ला प्रहरी कार्यालय रौतहटका प्रहरी केदार ढकालले बताएका छन् । उक्त डुंगा दुर्घटनामा परी गौर नगरपालिका–४ की ४५ इन्दुदेवी कुर्मी, गौर–४ टिकुलियाकी ६५ वर्षीया शान्तिदेवी साह र इशनाथ नगरपालिका औरयाटोलकी ३५ वर्षीया रुनादेवी पटेल, गौर–४ की १० बर्षिया बालिका उषमा पटेल र १९ वर्षीय ओमप्रकाश चन्द्रवंशीको मृत्यु भएको थियो । ०७१ साल कात्तिकबाट निर्माणकार्य सुरु गरी गत २०७४ असारसम्ममा निर्माण सम्पन्न हुनुपर्ने पुलको काम पिलरमात्र ठडिएको छ । पुल बनाउने जिम्मा पाएको पप्पु कन्सन्ट्रकसनले म्याद सकिँदासमेत पाँच वटा पिल्लरबाहेक अरु केही बनाउन सकेको छैन । पुल निर्माणका लागि पप्पु कन्ट्रक्सनले १९ करोड ५ लाख १८ हजारमा लिएको थियो । अहिले उक्त पुलमा ६० प्रतिशत काम भएको छ ।
Comments
अरु समाचार
-
मधेसमा पहिलोपटक एमबिबिएस पढाई हुने
काठमाडौं । चिकित्सा शिक्षा आयोगले मधेस स्वास्थ्य विज्ञान प्रतिष्ठानका लागि चिकित्साशास्त्रमा स्नातक (एमबिबिएस)का लागि ५० सिट निर्धारण गरेको छ ।...
-
भंगाहका मेयरको आर्केस्ट्रामा दादागिरीः युवामाथि कुटपीट र मोबाइल जफत
काठमाडाैं । महोत्तरीको भंगहा नगरपालिकाका मेयर सञ्जिव साहले अश्लिलता प्रदर्शन गर्ने विवादित कार्यक्रम आर्केस्ट्राको आयोजनास्थलमै एक युवालाई कुटपीट गर्दै मोबाइल...
-
वीरगञ्ज महानगरद्वारा रु ६१ करोड ४७ लाख राजस्व सङ्कलन
काठमाडौं । वीरगञ्ज महानगरले गत आर्थिक वर्षमा रु ६१ करोड ४७ लाख १७ हजार एक सय ३१ राजस्व सङ्कलन गरेको...
-
बागमती र सुदूरपश्चिम प्रदेशका केही स्थानमा भारी वर्षा, बाँकीमा मध्यम
काठमाडौँ । जल तथा मौसम विज्ञान विभाग मौसम पूर्वानुमान महाशाखाले हाल देशभर मनसुनी वायुको प्रभाव रहेको जनाएको छ । मनसुनको...
-
मधेसका मुख्यमन्त्री सिंहले आगामी असार २१ गते विश्वासको मत लिने
काठमाडौं । मधेस प्रदेशका मुख्यमन्त्री सतिस सिंहले यही आगामी असार २१ गते विश्वासको मत लिने भएका छन् । मुख्यमन्त्री तथा...
-
देशका विभिन्न ठाउँमा मेघगर्जन र चट्याङसहित वर्षा
काठमाडौं– जल तथा मौसम विज्ञान विभाग मौसम पूर्वानुमान महाशाखाले हाल कोशी, मधेश, बागमती र गण्डकी प्रदेशका अधिकांश भूभाग तथा लुम्बिनी...
-
मध्य तथा पश्चिम तराईमा तातो लहरको चेतावनी
काठमाडौं । जल तथा मौसम विज्ञान विभागले आगामी तीन दिन (जेठ ३२ देखि असार २ गतेसम्म) मध्य तथा पश्चिम तराईमा...
-
मधेसमा नयाँ सरकार गठनका लागि जनमतका सतिश सिंहको नेतृत्त्वमा मुख्यमन्त्रीको दाबी पेस
काठमाडौं । मधेस प्रदेशमा नयाँ सरकार गठनका लागि जनमत पार्टीका नेता सतिश सिंहको नेतृत्त्वमा प्रदेश प्रमुख समक्ष मुख्यमन्त्री न्युक्तीका लागि...
-
आजदेखि सातवटै प्रदेशमा ‘श्रमाधान रोजगार मेला’
काठमाडौं । सरकारले आजदेखि सातवटै प्रदेशमा ‘श्रमाधान रोजगार मेला’ आयोजना गर्दैछ । सबै प्रदेशमा रोजगारदाता र श्रमिकहरूलाई एक ठाउँमा ल्याएर...