एनआईसी एसियाले बैङ्क केही समयपछि मोबाइलबाटै कर्जा दिने
टोलटोलमा बैङ्कपछि हातहातमा बैङ्क यस वर्षको ठूलो योजना भएको उनले जानकारी दिए । उनले चेकबाट हुने कारोबारलाई घटाउन हातहातमा बैङ्क योजना लागू गर्न लागेको स्पष्ट पारे । एनआईसीको यो योजनाले मोबाइलबाट सम्पूर्ण बैङ्किङ कारोबार हुने उनले जानकारी दिए ।
काठमाडौं । टोलटोलमा बैङ्क भन्ने योजनाको सफलतापछि एनआईसी एसिया बैङ्कले ग्राहकको हातहातमा बैङ्क पुर्याउने भएको छ ।
एनआईसीले हाल सञ्चालनमा रहेको डिजिटल बैङ्किङलाई अझ विकशित गरी हातहातमा बैङ्क योजना ल्याउन लागेको हो । हातहातमा बैङ्क अवधारणा कार्यान्वयनमा ल्याउने तयारी भइरहेको एनआईसीका प्रमुख कार्यकारी अधिकृत ९सीईओ० रोशनकुमार न्यौपानेले बताए । ‘अब बैङ्कको कारोबार गर्न एनआईसी एसियामा आउनु नै नपर्ने गरी प्रविधिको विकास गर्न लागेका छौं,’ उनले भने, ‘अब विस्तारै मोबाइलबाट सबै बैङ्किङ कारोबार गर्नेछौं ।’
टोलटोलमा बैङ्कपछि हातहातमा बैङ्क यस वर्षको ठूलो योजना भएको उनले जानकारी दिए । उनले चेकबाट हुने कारोबारलाई घटाउन हातहातमा बैङ्क योजना लागू गर्न लागेको स्पष्ट पारे । एनआईसीको यो योजनाले मोबाइलबाट सम्पूर्ण बैङ्किङ कारोबार हुने उनले जानकारी दिए ।
हाल ६ लाखले मोबाइल बैङ्किङ सेवा लिएकामा यसलाई बढाउने योजना एनआईसी एसियाको छ । क्यापिटल नेपालसँग कुरा गर्दै सीईओ न्यौपानेले कुल कारोबारको ३५ प्रतिशत डिजिटल बैङ्किङ कारोबार हुने गरेकोमा यस वर्ष बढाएर ५० प्रतिशत पुर्याउने योजना सार्वजनिक गरे ।
हाल पैसा झिक्ने, रकम ट्रान्सफर गर्नेलगायतका काम हुँदै आएकोमा अब कर्जा पनि मोबाइल बैङ्किङमार्फत् दिने व्यवस्था गर्न लागेको हो । ग्राहकले अनलाइनबाट कर्जाको फारम भर्ने र पैसा पनि मोबाइलमा पाउने व्यवस्था हुने उनको भनाइ छ । देशभर बैङ्कका २८० शाखा र १७० ओटा एटीएम छन् ।
सरकारले पनि नगद र चेकबाट कारोबार कम गर्ने योजना ल्याएको छ । सरकारले नगदविहीन कारोबार ९क्यासलेस० गर्न लागेको छ । एटीएम, डेबिट, क्रेडिट कार्ड र रकम ट्रान्सफरबाट भुक्तानी हुने प्रविधि आइसकेको छ ।
५ वर्षअघि ३३ प्रतिशत रहेको इन्टरनेट प्रयोगकर्ता दर गत असारमा ५१ प्रतिशत पुगेको छ । कुल जनसङ्ख्यामध्ये १ करोड ४९ लाख ८२ हजारमा इन्टरनेटको पहुँच पुगेको नेपाल दूरसञ्चार प्राधिकरणको तथ्याङ्कमा उल्लेख छ ।
नेपाल राष्ट्र बैङ्कको तथ्याङ्कअनुसार २०७५ असारसम्म नेपालमा ५० लाख ८६ हजार जनाले मोबाइल बैङ्किङ सेवा लिएका छन् । त्यसैगरी ८ लाख ३४ हजार जनाले इन्टरनेट बैङ्किङ सेवा लिइरहेका छन् । ५५ लाख ४४ हजार जनाले डेबिट कार्ड लिएका छन् । त्यसैगरी एक लाख ४७ हजार जनाले क्रेडिट कार्ड प्रयोग गर्ने गरेका छन् । ९६ हजार ८१६ जनाले प्रिपेड कार्ड प्रयोग गर्दै आएका छन् ।
मोबाइल बैङ्किङबाट भुक्तानी कारोबार गर्दा एक पटकमा बढीमा ५० हजारसम्म वा प्रतिदिन १५ हजार रुपैयाँसम्म कारोबार गर्न पाइन्छ । त्यसैगरी कारोबारको बिल वा विवरण प्राप्त नहुने अवस्थामा ५० हजार रुपैयाँभन्दा बढी भुक्तानी गर्न नपाइने व्यवस्था छ ।
Comments
अरु समाचार
-
दश महिनामा करिब एक्काइस अर्ब राजस्व सङ्कलन
काठमाडौं । नवलपरासी (बर्दघाट–सुस्तापूर्व)मा चालु आर्थिक वर्षको १० महिनामा करिब रु २१ अर्ब राजस्व सङ्कलन भएको छ । कोष तथा...
-
नेप्से परिसूचकमा झिनो अङ्कको बृद्धि
काठमाडौं । धितोपत्र बजारमा शेयर कारोबार मापक नेप्से परिसूचक आज झिनो अङ्कले उकालो लागेको छ । नेपाल स्टक एक्सचेञ्जका अनुसार,...
-
वीरगञ्ज सुक्खा बन्दरगाहबाट ४० अर्ब ८३ लाख राजस्व सङ्कलन
काठमाडौं । सुक्खा बन्दरगाह भन्सार कार्यालय वीरगञ्जले चालु आर्थिक वर्षको १० महिनामा रु ४० अर्ब तीन करोड ८३ लाख ३८...
-
‘सरकारमा रहँदा कांग्रेसले टी-स्टेटको जग्गा बेचेर कमिसन खायो, छानबिन हुनुपर्छ’
काठमाडौं । सत्तारुढ प्रमुख घटक नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीले तत्कालीन कांग्रेस नेतृत्वको सरकारले गिरीबन्धु टी-स्टेटको...
-
आगामी ५ वर्षमा आर्थिक वृद्धिदर ७.३ प्रतिशत पुर्याउने लक्ष्य
काठमाडौं । आगामी पाँच वर्षमा मुलुकको आर्थिक वृद्धिदर ७.३ प्रतिशत पु¥याउने लक्ष्य राखिएको छ । राष्ट्रिय योजना आयोगले आज यहाँ...
-
सोह्रौँ योजना कार्यान्वयन गर्न अनुमानित लागत रु एक सय ११ खर्ब
काठमाडौं । सोह्रौँ योजना कार्यान्वयनका लागि करिब रु एक सय ११ खर्ब लागत अनुमान गरिएको छ । राष्ट्रिय योजना आयोगले...
-
नेप्से परिसूचक नौ दशमलव ५४ अङ्कले घट्यो
काठमाडौं । नेपाल स्टक एक्सचेञ्ज (नेप्से) परिसूचकमा नौ दशमलव ५४ अङ्कको गिरावट देखिएको छ । आज परिसूचक शून्य दशमलव ४७...
-
प्रतितोला एक हजार रुपैयाँले बढ्यो सुनको मूल्य
काठमाडौं । नेपाली बजारमा बुधबार सुनको मूल्य बढेको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा १...
-
सामान्य घट्यो सुनको मुल्य
काठमाडौं । आज नेपाली बजारमा सुनको मूल्य घटेको छ। अघिल्लो दिन प्रतितोला ३ सय रुपैयाँले घटेको सुनको मूल्य आज पनि...