‘लकडाउन’मा नेपाल : सीमानाका बन्द, अन्तर्राष्ट्रिय उडान र लामो दूरीका गाडी पनि ठप्प
काठमाडौं । कोरोना भाइरस संक्रमणको जोखिम उच्च भएपछि अन्ततः नेपाल ‘लकडाउन’ को अवस्थामा पुगेको छ ।
सरकारले आजदेखि चीन र भारतसँगका सबै १ सय ७० सीमानाका समेत बन्द गरेपछि नेपाल ‘लकडाउन’को अवस्थामा पुगेको हो ।
आइतबार साँझको मन्त्रिपरिषद्ले गरेको निर्णय आजदेखि लागु भएको हो । नेपाल भारत सीमा एकसाताका लागि बन्द भएपछि आवातजावत ठप्प भएको छ ।
भारतसँगका १ सय ६४ तथा चीनसँगका ६ वटा सीमानाकामा सुरक्षाकर्मी तैनाथी बढाइएको छ । उपभोग्य बस्तुको आयात नरोकिने बताइए पनि सामान्य अवस्थाको तुलनामा आयात नहुन सक्छ । छिमेकी मुलुक भारतले समेत अन्तरप्रदेश यातायात सेवा बन्दको घोषणा गरिसकेको छ ।
यसअघि गत शुक्रबार प्रधानमन्त्री केपी शर्मा ओलीले देशवासीलाई सम्बोधन गर्दै घोषणा गरेको लामो दूरीका सार्वजनिक सवारी सञ्चालनमा रोक लगाउने निर्णय पनि आजैदेखि कार्यान्वयनमा आएको छ ।
प्रधानमन्त्रीको उक्त घोषणा कार्यान्वयनका लागि आवश्यक कदम चाल्न आइतबार बसेको भौतिक पूर्वाधार तथा यातायात मन्त्रालयको बैठकले एक जिल्लाबाट अर्को जिल्लामा समेत यात्रु ओसार्न नपाउने निर्णय गरेको छ ।
काठमाडौं उपत्यकाभित्र छोटो दूरीका सार्वजनिक यातायात चलाउन पाउने तर बाहिर जाने लामो दूरीका सवारी भने रोक लगाइएको छ । उक्त निर्णय उल्लंघन भए कारबाही गरिने यातायात व्यवस्था विभागले चेतावनी दिएको छ ।
लामो दूरीमा सवारीसाधन सञ्चालन गर्न नपाउने भन्ने घोषणालाई मात्रै आधार मानेर २ सय ५० किमीसम्म यात्रा गर्न मिल्ने तर्कसहित गाडी कुदाउने तयारी भएपछि मन्त्रालयले यस्तो निर्णय गरेको हो ।
निजी गाडीलाई सार्वजनिक सवारीका रूपमा प्रयोग गर्न पनि रोक लगाइएको छ। कुनै निजी गाडीले यात्रु ओसारपसार गरेको फेला परे सरकारले त्यस्ता गाडी जफत गर्ने सरकारले चेतावनी दिएको छ ।
शुक्रबारकै प्रधानमन्त्रीको घोषणा अनुसार अन्तर्राष्ट्रिय उडान ठप्प भएको छ । दैनिक हुँदै आएको ५० वटासम्म अन्तर्राष्ट्रिय उडान बन्द भइसकेको छ ।
आन्तरिक उडान भने जारी रहेको छ । संक्रमणको अवस्थालाई ध्यानमा राखेर आन्तरिक उडानलाई पनि नियमित गर्ने या नगर्ने भन्ने निर्णयमा पुग्ने सरकारी तयारी छ ।
अतिआवश्यकीय बाहेकका सबै सरकारी, सार्वजनिक, सामुदायिक र निजी कार्यालय, स्कूल तथा कलेजहरु बन्द भइसकेका छन् । मानिसहरुलाई अतिआवश्यक कामबाहेक घरबाहिर ननिस्कन आह्वान गरिएको छ ।
एक सातायता सरकारले गरेका यी निर्णयसँगै मुलुक अब ‘लकडाउन’को अवस्थामा पुगेको छ । यद्यपि सरकारी अधिकारीहरुले यसलाई लकडाउन नै भनेर घोषित नगरे पनि मुलुक ‘लकडाउन’को अवस्थामा प्रवेश गरेको नकार्न सक्ने अवस्था छैन, अवको समय अझ सतर्क रहौँ ।
Comments
अरु समाचार
-
उपल्लो मुस्ताङको पर्यटन विकासमा अर्धनिषेधित क्षेत्रको तगारो, करोडौँ लगानीका होटल सुनसान
म्याग्दी, ४ असोजः मुस्ताङको लोमान्थाङ गाउँपालिका–५ मा रहेको न्युतारा होटलका सञ्चालक निमा विष्ट व्यवसाय छाडेर विदेश पलायन हुनुभएको छ ।...
-
केही स्थानमा स्थानमा मेघगर्जन र चट्याङसहित हल्कादेखि मध्यम वर्षाको सम्भावना
काठमाडौँ, ४ असोजः हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखाको पश्चिमतिर...
-
विदेशी मुद्रा विनिमय दर कति ? युरो र पाउण्डको मूल्य बढ्यो
काठमाडौँ : बिहीबारको तुलनामा आज शुक्रबार अमेरिकी डलरको मूल्यमा गिरावट आएको छ भने युरो र पाउण्ड स्ट्रलिङको मूल्य बढेको छ...
-
राष्ट्रसंघ महासभाको अधिवेशनमा भाग लिन प्रधानमन्त्री न्यूयोर्क जाँदै
काठमाडौँ । प्रधानमन्त्री केपी शर्मा ओली संयुक्त राज्य अमेरिकाको न्यूयोर्कस्थित संयुक्त राष्ट्रसङ्घको मुख्यालयमा भइरहेको संयुक्त राष्ट्रसङ्घ महासभाको ७९औँ अधिवेशनमा भाग...
-
फिफाको पछिल्लो वरीयतामा नेपाल एक स्थान तल झर्यो
काठमाडौं । फिफाको पछिल्लो वरीयतामा नेपाल एक स्थान तल झरेको छ । फिफाले बिहीबार सार्वजनिक गरेको नयाँ वरियतामा नेपाल १७६औँ...
-
चाडपर्व लक्षित सुपथ मूल्य पसल आजदेखि सञ्चालनमा
काठमाडौं । सरकारले आम उपभोक्तालाई सहुलियत दरमा दैनिक उपभोग्य वस्तु उपलब्ध गराउने उद्देश्यले आजदेखि चाडपर्व लक्षित सुपथ मूल्य पसल सञ्चालनमा...
-
थाई-नेप्लिज एशोसिएशन थाइल्याण्ड सेन्टरको सातौं कार्यकालको दोस्रो त्रैमासिक बैठक सम्पन्न
बैंकक । थाई-नेप्लिज एशोसिएशन थाइल्याण्ड सेन्टरको सातौं कार्यकालको दोस्रो त्रैमासिक बैठक सम्पन्न भएको छ । बैठक हुवाहिन शाखामा भखरै सम्पन्न...
-
भक्तपुरमा वीर अस्पताल निर्माण गर्ने विषयमा छलफल
काठमाडौं । भक्तपुरको दुवाकोटमा अत्याधुनिक वीर अस्पताल निर्माण प्रक्रिया अघि बढाउन अर्थ र स्वास्थ्य मन्त्रालयका उच्च पदस्थ अधिकारीबीच छलफल भएको...
-
दरबारमार्गमा हुने कन्सर्टमा पाँच हजार सुरक्षाकर्मी परिचालन
काठमाडौं । संविधान दिवसका अवसरमा आज काठमाडौँको दरबारमार्गमा आयोजना हुने ‘नेसनल डे कन्सर्ट’ कार्यक्रममा पाँच हजार बढी सुरक्षाकर्मी परिचालन हुने...