प्रचण्डलाई नेपाल पक्षको दीर्घकालीन सहकार्यको प्रस्ताव
काठमाडौं । सत्तारुढ नेपाल कम्युनिस्ट पार्टी (नेकपा)को माधवकुमार नेपाल पक्षले अध्यक्ष पुष्पकमल दाहाल प्रचण्डलाई दीर्घकालीन सहकार्यको प्रस्ताव राखेको छ ।
आगामी मंसिरमा महाधिवेशन गरेर एकल अध्यक्ष बनाउने प्रधाननमन्त्री एवं पार्टी अध्यक्ष केपी शर्मा ओली ओलीको प्रस्तावको काउन्टरमा नेपाल पक्षले दीर्घकालीन सहकार्यको प्रस्ताव अघि सारेको हो । ओलीसँग सहमति गर्दै प्रचण्ड महाधिवेशनबाट अध्यक्ष बनिहाल्छन् भन्ने नभएको समेत उसले बताएको छ ।
नेकपामा ओलीमाथि प्रधानमन्त्री पद छाड्नुपर्ने दबाब छ । तर ओली अध्यक्ष र प्रधानमन्त्री दुबै पद नछाड्ने अडानमा छन् । बरु आगामी मंसिरमा महाधिवेशन गरेर अध्यक्ष बनाउने प्रस्तावमा प्रचण्डलाई मनाउने ओलीको प्रयास छ ।
तर माधव नेपाल समूहका नेताहरुले भने प्रधानमन्त्री ओलीले आफूमाथि परेको संकट टार्न मात्र मंसिरमा महाधिवेशनको प्रस्ताव अघि सारेको बताएका छन् । महाधिवेशनको मिति तोक्ने अधिकार केन्द्रीय कमिटीलाई मात्र भएको र गत माघमा बसेको केन्द्रीय कमिटी बैठकले २०७७ चैतमा गर्ने निर्णय गरेको भन्दै एक नेताले भने, ‘चैतमा त महाधिवेशन गर्न गाह्रो हुने अवस्थामा मंसिरको प्रस्ताव आफूमाथि आएको संकट टार्ने थापेको बल्छी मात्र हो । त्यसमा प्रचण्ड कमरेड र सचिवालयका कोको पर्नुहुन्छ थाहा छैन ।’
तर मंसिरमा महाधिवेशन गर्न सम्भव नभएको नेपाल समूहका नेताहरुले बताएका छन् ।
त्यसैले ओलीले अध्यक्ष वा प्रधानमन्त्री मध्ये एक पद छाड्नुको विकल्प नभएको बताएका छन् । ‘हामी कसैलाई पेलेर तेल निकाल्ने र कसैलाई थाप्लोमा राख्ने पक्षमा छैनौं’ एक नेता भन्छन्, ‘त्यसैले केपी कमरेडलाई रोजेर एक पद छान्न दिऊँ । प्रधानमन्त्री रोज्नुभयो भने अर्को अध्यक्षले पार्टी चलाउनुस्, अध्यक्ष रोज्नुभयो भने अर्को अध्यक्ष (प्रचण्ड)ले सरकार चलाउनुस् ।’
एक पद छाड्न ओली सहमत नभए पार्टी स्थायी कमिटीले निकास दिनुपर्ने माधव नेपाल पक्षका नेताहरु बताउँछन् ।
उनीहरुको आसय ओली सहमतिमा नआए बहुमतका आधारमा भए पनि निर्णय गर्नुपर्ने एक नेताले बताए । ‘अरु अल्पमतमा पर्दा चाहिँ बहुमतको निर्णय मान्नुपर्ने, अनि अमुक नेता पर्दा चाहिँ पार्टी फुट्ने हुन्छ ?’ नेपाल समूहका एक नेताले भने, ‘पार्टीलाई विद्धि र पद्धतिमा चलाउनुपर्छ । र, यसो गर्न तयार हुनुभयो भने प्रचण्डलाई महाधिवेशन र त्यसपछि पनि हाम्रो साथ रहन्छ ।’
त्यसो भएमा आगामी महाधिवेशनमा पनि सहमतिका आधारमा जान नेताहरुले बताए । तपाईहरु प्रचण्डलाई महाधिवेशनबाट अध्यक्ष बनाउन पनि तयार हुनु भएको हो भन्ने प्रश्नमा नेपाल निकट एक नेताले भने, ‘यसबारे अहिले केही भनेका छैनौं । बेला आएपछि यस विषयमा छलफल गरौंला ।’ त्यसबेला प्रधानमन्त्री, पार्टी अध्यक्ष लगायतको पदहरु बाँडफाँट हुनसक्ने उनले बताए ।
यसरी अगाडि बढ्ने नबन्ने बल प्रचण्डको कोर्टमा रहेको माधव नेपाल समूहले बताएको छ ।
एकता महाधिवेशन सहमतिकै आधारमा गर्ने भनिएको छ । यदि प्रचण्ड आफूसँग अलग भएर ओलीतिर मिल्न गए के हुन्छ भन्ने प्रश्नमा नेपाल निकट एक नेताले भने, ‘महाधिवेशन सहमतिमा पनि हुनसन्छ, प्रतिस्पर्धा पनि हुनसक्छ ।’
यसको संकेत ओली र प्रचण्ड मिलेर महाधिवेशनमा गए माधव समूह प्रतिस्पर्धामा उत्रन सक्छ भन्ने हो । तर नेताहरुले यसबारे केही बताउन चाहेका छैनन् ।
Comments
अरु समाचार
-
नेपाल–भूटानबीच जनस्तर र व्यापारिकस्तर सम्बन्ध विकासबारे दुई प्रधानमन्त्रीबीच छलफल
न्युयोर्क (अमेरिका), ७ असोज : नेपाल र भूटानबीच जनस्तर र व्यापारिकस्तरमा सम्बन्ध विकासका लागि दुई प्रधानमन्त्रीबीच छलफल भएको छ ।...
-
प्रधानमन्त्री ओली र कुवेतका राजकुमार एवं प्रधानमन्त्री सबाहबीच भेटवार्ता
न्युयोर्क (अमेरिका), ७ असोजः संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका प्रधानमन्त्री...
-
प्रधानमन्त्री ओली र भारतका प्रधानमन्त्रीबीच न्युयोर्कमा भेटवार्ता
न्युयोर्क (अमेरिका), ७ असोज : संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका...
-
अर्थमन्त्री पौडेल र आइएमएफ उपनिर्देशकबीच शिष्टाचार भेट
काठमाडौं। उपप्रधानमन्त्री एवं अर्थमन्त्री विष्णुप्रसाद पौडेल र अन्तर्राष्ट्रिय मुद्रा कोष (आएएमएफ)को एसिया प्रशान्त क्षेत्र उपनिर्देशक रुपा दत्त गुप्ताबीच शिष्टाचार भेट...
-
प्रधानमन्त्री ओली र मोदीबीच आज भेट वार्ता हुँदै
काठमाडौं । संयुक्त राष्ट्रसंघको ७९ औं महासभामा भाग लिन संयुक्त राज्य अमेरिकामा रहेका प्रधानमन्त्री केपी शर्मा ओलीले आज विभिन्न राष्ट्रका...
-
प्रधानमन्त्री ओली र राष्ट्रसंघका महासचिव गुटेरेसबीच भेटवार्ता
न्युयोर्क । प्रधानमन्त्री केपी शर्मा ओली र संयुक्त राष्ट्रसङ्घका महासचिव एन्टेनियो गुटेरेसबिच भेटवार्ता भएको छ। संयुक्त राष्ट्रसङ्घको ७९औँ महासभामा सहभागी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
आज चारवटा संसदीय समितिको बैठक बस्दै
काठमाडौं । आज चारवटा संसदीय समितिको बैठक बस्दैछ। जस अनुसार बिहान ११ बजे शिक्षा, स्वास्थ्य तथा सूचना प्रविधि समितिको बैठक...
-
संयुक्त राष्ट्रसंघको महासभामा सहभागी हुन प्रधानमन्त्री ओली न्यूयोर्क प्रस्थान
काठमाडौं। प्रधानमन्त्री केपी शर्मा ओली संयुक्त राज्य अमेरिकाको न्यूयोर्क प्रस्थान गरेका छन् । शुक्रबार बिहान प्रधानमन्त्री ओली संयुक्त राष्ट्रसंघको महासभामा...