कांग्रेसमा अन्तर कलहः नवप्रवेशीलाई मनपरी सदस्यता बाँडेको पौडेलको आरोप
काठमाडौं । प्रमुख प्रतिपक्षी कांग्रेसभित्र महाधिवेशनको प्रक्रिया सुरु भएसँगै असन्तुष्टि देखा पर्न थालेका छन्।
आसन्न महाधिवेशन प्रभावित पार्ने गरी विभाग गठन, विस्तारका साथै पार्टीमा नवप्रवेशीलाई विधानविपरीत आफूखुसी क्रियाशील सदस्यता वितरण गरिएको भन्दै वरिष्ठ नेता रामचन्द्र पौडेल समूहले असन्तुष्टि जनाएको हो।
पौडेल समूह निकट केन्द्रीय सदस्यको बुधबार पार्टी मुख्यालय सानेपामा बसेको भेलाले विभागलाई पूर्णता दिने काम रोक्न र क्रियाशील सदस्यता वितरणलाई पारदर्शी बनाउन सभापति शेरबहादुर देउवाको ध्यानाकर्षण गराउने निर्णय गरेको छ। पौडेल समूह निकट केन्द्रीय सदस्य जीवन परियारले देउवालाई बिहीबार लिखित ध्यानाकर्षण गराउने जानकारी दिए। ‘महाधिवेशनको कार्यतालिका सार्वजनिक भइसकेको छ। पार्टी महाधिवेशनमा केन्द्रित हुनुपर्ने बेला विधानको व्यवस्था विपरीत विभाग गठनको कुनै औचित्य छैन। यसको काम पनि छैन,’ उनले भने, तर सभापतिज्यूले विभाग विस्तारलाई जोड दिनुभएको छ। यसबारे सभापतिलाई भेटेरै लिखित ध्यानाकर्षण गराउने कुरा भएको छ।’
पौडेल समूहको अर्काे असन्तुष्टि क्रियाशील सदस्यता वितरणमा छ। दुई वर्षअघि संघीय निर्वाचनअघि विजय गच्छदार नेतृत्वको फोरम लोकतान्त्रिक पार्टी समायोजनदेखि विभिन्न समयमा कांग्रेस प्रवेश गरेका नेता कार्यकर्तालाई मनोमानी रूपमा क्रियाशील सदस्यता वितरण गरेको सो समूहको आरोप छ। उनीहरूले राप्रपा परित्याग गरी मंगलबार कांग्रेस प्रवेश गरेका सुनीलकुमार थापासहितका नेताहरूको विषयलाई समेत महाधिवेशनसँग जोडेका छन्। ‘विधानमा अरू पार्टीबाट प्रवेश गराउने निश्चित व्यवस्था छ। उनीहरूलाई पनि क्रियाशील सदस्यता दिने प्रावधान पनि प्रष्ट छ,’ केन्द्रीय सदस्य परियारले भने, पार्टी प्रवेश गर्नेहरूलाई हामी स्वागत गर्दछौं। यसमा हाम्रो कुनै असहमति छैन यो खुसीको कुरा हो। तर क्रियाशील सदस्यता वितरण विधानको पालना नगरेर तल्लो तहमा नयाँ पार्टीबाट आएकाहरूलाई आफूखुसी सदस्यता बाँड्ने काम भएको छ।’
पार्टी विधानमा स्थानीय निकायको सिफारिसका आधारमा मात्रै क्रियाशील सदस्यता वितरण गर्ने प्रावधान रहे पनि संस्थापन पक्षले केन्द्रबाटै व्यक्तिपिच्छे सदस्यता दिने गरेको पौडेल समूहको आरोप छ। राप्रपा परित्याग गरेका थापासहितका नेताको कांग्रेस प्रवेशको विषयमा पनि वरिष्ठ नेता पौडेलले पार्टीको पदाधिकारी बैठकमै असहमति जनाएका थिए। ‘महाधिवेशनका बेलामा किन अरू पार्टीबाट मान्छेहरू ल्याउनुपर्यो ? आफ्नै पार्टीभित्रका नेता कार्यकर्तालाई व्यवस्थापन गर्न सकिएको छैन,’ उनले भनेका थिए।
सभापति देउवाले फागुन दोस्रो करिब २० विभाग गठन गरेका थिए। फागुन १९ गते चारवर्षे औपचारिक कार्यकाल सकिन केही दिनअघि देउवाले विभाग संयोजक मात्रको जिम्मेवारी दिएका थिए। विभाग गठनप्रति सुरुदेखि नै पौडेल समूह असन्तुष्ट थियो। तर, पछिल्लो समय देउवाले विभाग विस्तारलाई तीव्रता दिएपछि उनीहरू थप चिढिएका हुन्। देउवा महाधिवेशनलाई प्रभावित पार्न विभाग गठन र विस्तार गर्न सक्रिय रहेका पौडेल समूहको आरोप छ। केही समय अघि मात्रै नेता पौडेल, महामन्त्री डा. शशांक कोइराला र कोषाध्यक्ष सीतादेवी यादवले पार्टीको केन्द्रीय निर्वाचन समितिमा लिखित उजुरी नै दिएका थिए।
Comments
अरु समाचार
-
मन्त्रिपरिषद विस्तारकाे तयारीमा मुख्यमन्त्री सोडारी
काठमाडाैँ । सुदूरपश्चिम प्रदेशका मुख्यमन्त्री दीर्घबहादुर सोडारी मन्त्रिपरिषद विस्तारको तयारीमा जुटेका छन् । मंगलबार बझाङ उपनिर्वाचनकाे परिणाम सार्वजनिक भएलगत्तै मुख्यमन्त्री...
-
उत्तराखण्ड सरकारले खारेज गर्यो पतञ्जलिका यी १४ उत्पादनको लाइसेन्स
एजेन्सि। भारतको उत्तराखण्ड सरकारले यही अप्रिल १५मा एक आदेश जारी गरेर पतन्जलीका १४ उत्पादनका लाइसेन्स रद्द गरेको सर्वोच्च अदालतलाई जानकारी...
-
सुहाङ नेम्वाङको संसदीय राजनीतिमा शानदार ‘इन्ट्री’
काठमाडाैँ । इलाम क्षेत्र नम्बर–२ का २७ हजार बढी मतदाताले ३५ वर्षका सुहाङ नेम्वाङलाई शानदर विजयी गराउँदै सिंहदरबार पठाएका छन्...
-
उपनिर्वाचनले देखाइदिएको राजतन्त्रवादीको हैसियतः दुई क्षेत्रमा जम्मा ६४६ मत
काठमाडाैँ । संघीय संसदको पाँचौँ ठुलो दल राप्रपाले उपनिर्वाचनमा कमजोर नतिजा ल्याएको छ । इलाम–२ र बझाङ प्रदेशसभा १ मा...
-
एमालेले आज इलाममा विजय सभा गर्ने, सभालाई सम्बोधन गर्न ओली पनि पुग्दै
काठमाडाैँ । उपनिर्वाचनमा विजयी भएको नेकपा एमालले आज दिउँसो इलाममा विजय सभा गर्ने भएको छ। इलाम बजारमा दिउँसो एक बजे...
-
विकासका उपलब्धि जोगाउन सार्थक सहयोगका लागि उपप्रधानमन्त्री यादवकाे जोड
काठमाडौँ, १८ वैशाखः उपप्रधानमन्त्री एवं स्वास्थ्य जनसङ्ख्यामन्त्री उपेन्द्र यादवले स्वास्थ्य क्षेत्रमा नेपालले हासिल गरेका उपलब्धिलाई जोगाइराख्न संयुक्त राष्ट्रसङ्घलगायत अन्तर्राष्ट्रिय विकास...
-
अब मुलुकमा साढे ६ अर्ब स्वदेशी तथा विदेशी लगानी भित्रिने
काठमाडौँ । मुलुकमा साढे ६ अर्ब स्वदेशी तथा विदेशी लगानी भित्र्याउने सम्झौतासहित तेस्रो लगानी सम्मेलन सकिएको छ । सम्मेलनमा तीन परियोजनामा...
-
इलाममा घण्टी चिन्ह रास्वपाको जमानत जफत
विराटनगर । प्रतिनिधिसभा सदस्यको उपनिर्वाचनअन्तर्गत इलाम २ को मतगणना सकिएको छ । १९ जना उम्मेदवार रहेको यस क्षेत्रमा एमालेका सुहाङ...
-
आजको राशिफल: २०८१ वैशाख १८ गते मंगलवार
मेष: भूमि,वाहन र पैत्रिक सम्पत्तिबाट लाभ मिल्नेछ। व्यापारमा पनि प्रशस्त फाइदा हुनेछ। काम बन्नेछ र महत्त्वपूर्ण वस्तु लाभ हुनेछ। सहयोगीहरूले...