कोरोना संक्रमणबाट ९ जनाको मृत्यु, मृतकको संख्या २८० पुग्यो

समाचार

- न्युज-नेपाल

काठमाडाैँ । नेपालमा पछिल्लो २४ घण्टामा कोरोना संक्रमणबाट थप ९ जनाको मृत्यु भएको छ।

स्वास्थ्य तथा जनसंख्या मन्त्रालयको शनिबारको प्रेस ब्रिफिङमा मन्त्रालयका प्रवक्ता प्राडा जागेश्वर गौतमले देशभरमा थप ९ जनाको मृत्यु भएको बताए।

मृत्यु हुनेमा ३ महिला र ९ जना पुरुष रहेका छन्। संक्रमणबाट मोरङकी ४३ मकवानपुरकी ५२ र नवलपरासीकी ३७ वर्षीया महिलाको मृत्यु भएको प्रवक्ता गौतमले जानकारी दिए

उनका अनुसार संक्रमणबाट पर्साका ७५, महोत्तरीका ७८, काठमाडौँका ४१, ५९, ६५ र रुपन्देही ४० वर्षीय पुरुषको पनि निधन भएको छ।

योसँगै निधन हुनेको संख्या २८० पुगेको प्रवक्ता गौतमले जानकारी दिए। आज देशभरमा १ हजार ४१ जना कोरोना संक्रमित थपिएका छन्।

संक्रमित हुनेमा ३४९ महिला र ६९२ जना पुरुष रहेका छन्।

योसँगै नेपालमा कुल कोरोना संक्रमितको संख्या ४५ हजार २७७ पुगेको छ।

प्रवक्ता गौतमका अनुसार आज देशभरमा सक्रिय संक्रमितको संख्या १७ हजार ८७० रहेको छ।