कोरोना कहरबीच यसरी लिइयो १२ कक्षाको परीक्षा

शिक्षा

- न्युज-नेपाल

काठमाडौं । लामो समयको अन्यौलपछि अन्ततः कक्षा १२ को परीक्षा भौतिक उपस्थितिमै सुरु भएको छ ।

कोरोना संक्रमण सुरु भएपछि गत वैशाखमै हुनुपर्ने परीक्षा झण्डै सात महिनापछि सुरु भएको हो ।

राष्ट्रिय परीक्षा बोर्डले स्थानीय तहको समन्वयमा कोरोना सम्बन्धी मापदण्ड अपनाएर देशभर एक साथ परीक्षा सन्चालन गरेको हो ।

स्वाथ्य सुरक्षा मापदण्ड पालना गर्दै हेटौंडामा पनि परीक्षा सञ्चालन भएको छ। बागमती प्रदेशका सामाजिक विकास मन्त्री युवराज दुलालले हेटौंडाको मकवानपुर बहुमुखी क्याम्पस, हेटौंडा स्कुल अफ म्यानेजमेन्ट, आधुनिक राष्ट्रिय माध्यमिक विद्यालय र बंशगोपाल माध्यमिक विद्यालयमा सञ्चालन भएको परीक्षाको अनुगमन गरेका थिए।

आजबाट सुरु भएको परिक्षा विद्यार्थीले ढुक्कसँग दिएको र रोकिएको परिक्षा सुरु भएकोमा उत्साह पनि थपिएको मन्त्री दुलालले बताए। राष्ट्रिय परीक्षा बोर्डका अध्यक्ष प्रा.डा चन्द्रमणि पौडेलका अनुसार यस वर्ष चार लाख ३३ हजार विद्यार्थीले कक्षा–१२ को परीक्षा दिँदै छन।