कोभिडले सिर्जना गरेको चुनौती सामना गर्न सरकार र निजी क्षेत्रबीचको सहकार्य महत्त्वपूर्ण: अर्थमन्त्री
काठमाडौं। अर्थमन्त्री विष्णुप्रसाद पौडेलले कोरोना भाइरसको महामारीबाट प्रभावित बनेको अर्थतन्त्रलाई उकास्न सरकार र निजी क्षेत्रबीचको सहकार्य जरूरी रहेको बताएका छन्।
नेपाल आर्थिक पत्रकार समाज (सेजन)को स्थापना दिवसको अवसरमा आयोजित कार्यक्रमलाई सम्बोधन गर्दै अर्थमन्त्री पौडेलले अर्थतन्त्रको पुनरूत्थानका लागि सरकारले अग्रभागमा रहेर काम गर्ने र त्यसमा निजी क्षेत्रको भूमिका पनि त्यतिकै रहने बताएका हुन्।
‘‘अहिले कोभिड-१९ ले विश्वव्यापी र हाम्रो अर्थतन्त्रमा चुनौती सिर्जना गरेको छ। यो चुनौतीलाई पार गर्दै अर्थतन्त्रलाई पुनः गतिशील र सबल बनाउन अग्रभागमा रहेर काम गर्न सरकार तयार छ,’’ उनले भने, ‘‘तर, सरकारले मात्रै सबै गर्न सम्भव हुँदैन। निजी क्षेत्रको भूमिका महत्त्वपूर्ण रहन्छ। त्यसैले सरकार र निजी क्षेत्रको सहकार्यमा अगाडि बढ्न जरूरी छ।’’
विशेषगरी लगानी वृद्धि, उत्पादन वृद्धि र रोजगारी सिर्जनाका लागि सरकार र निजी क्षेत्रबीचको सहकार्य महत्त्वपूर्ण हुने उनले बताए। सहकार्य लागि आफू तयार रहेको समेत उनले बताए।
कोभिडका कारण सिर्जित समस्यालाई सम्बोधन गर्न सरकारले बजेट र मौद्रिक नीतिमा केही व्यवस्था गरेको भए पनि त्यो पर्याप्त नभएको उनले स्वीकार गरे। आगामी दिनमा सरकारले गर्नुपर्ने कार्यका लागि रचनात्मक सुझाव प्रस्तुत गर्न अर्थमन्त्री पौडेलले निजी क्षेत्रका प्रतिनिधिसँग आग्रह गरे।
आफू धेरै बोल्ने भन्दा पनि नतिजामुखी काम गर्नेमा केन्द्रित रहेको उनले बताए।
निजी क्षेत्रको सबैभन्दा ठूलो संगठन नेपाल उद्योग वाणिज्य महासंघमा नवनिर्वाचित कार्यसमितिलाई बधाई दिँदै अर्थमन्त्री पौडेलले नयाँ कार्यसमितिसँग सहकार्य गर्न आफू आतुर रहेको जानकारी दिए।
Comments
अरु समाचार
-
दुई महिनामा साढे ९४ अर्ब सरकारी ऋण थपियो
काठमाडौं । चालु आर्थिक वर्ष २०८१/८२ को पहिलो दुई महिनामा रु ९४ अर्ब ५२ करोड सरकारी ऋण थपिएको छ ।...
-
नेप्से परिसूचकमा दोहोरो अङ्कको सुधार
काठमाडौं । साताको पहिलो दिन अर्थात कारोबारको पहिलो दिन नेपाल स्टक एक्सचेञ्ज (नेप्से) परिसूचकमा दोहोरो अङ्कको सुधार देखिएको छ ।...
-
मध्यभोटेकोशीले एक महिनाभित्र बिजुली उत्पादन गर्दै
काठमाडौं । नेपाल विद्युत् प्राधिकरणको सहायक कम्पनी चिलिमे जलविद्युत् कम्पनी लिमिटेडको अगुवाइमा सिन्धुपाल्चोकमा निर्माणाधीन एक सय दुई मेगावाट क्षमताको मध्यभोटेकोशी...
-
अर्थमन्त्री पौडेल र आइएमएफ उपनिर्देशकबीच शिष्टाचार भेट
काठमाडौं। उपप्रधानमन्त्री एवं अर्थमन्त्री विष्णुप्रसाद पौडेल र अन्तर्राष्ट्रिय मुद्रा कोष (आएएमएफ)को एसिया प्रशान्त क्षेत्र उपनिर्देशक रुपा दत्त गुप्ताबीच शिष्टाचार भेट...
-
सुनको मूल्य हालसम्मकै उच्च
काठमाडौं । स्थानीय बजारमा आज सुनको मूल्यले पुनः नयाँ कीर्तिमान कायम गरेको छ । लगातार वृद्धि हुँदै आएको सुनको मूल्यमा...
-
मुटुरोग विशेषज्ञको अन्तर्राष्ट्रिय सम्मेलन चितवनमा
चितवन । मुटुरोग विशेषज्ञको अन्तर्राष्ट्रिय सम्मेलन चितवनमा जारी छ । राष्ट्रिय मुटु तथा फोक्सो समाज (नेशनल हर्ट एण्ड लङ्गस सोसाइटी...
-
अमेरिकी डलर, यूरो र पाउन्डको मूल्य घट्यो
अमेरिकी डलर, यूरो र पाउन्डको मूल्य घट्यो काठमाडौँ । शुक्रबारको तुलनामा शनिबार अमेरिकी डलरका साथै यूरो र पाउन्ड स्ट्रलिङको मूल्यमा...
-
राष्ट्रपतिसमक्ष वित्त आयोगको प्रतिवेदन पेस
काठमाडौं । राष्ट्रपति रामचन्द्र पौडेल समक्ष राष्ट्रिय प्राकृतिक स्रोत तथा वित्त आयोगको वार्षिक प्रतिवेदन पेस गरिएको छ । राष्ट्रपति भवन...
-
आज सुनको मूल्य बढ्यो
काठमाडौं । लगातार ओरालो लागेको सुनको मूल्य आज भने पुनःउकालो लागेको छ । नेपाल सुनचाँदी व्यवसायी महासङ्घका अनुसार सुन तोलामा...