ताजा समाचार

पूर्वगृहमन्त्री नैनबहादुर स्वाँरको निधन

समाचार
- न्युज-नेपाल
       

काठमाडौं । पूर्वगृहमन्त्री नैनबहादुर स्वाँरको निधन भएको छ ।

कोरोना संक्रमण निको भएको केही दिनमै उनको निधन भएको पारिवारिक स्रोतले जानकारी गराएको छ । काठमाडौंको बानेश्वरस्थित घरमै उनको निधन भएको थियो । बिहीबार बिहान उनको निधन भएको हो । उनको आजै पशुपतिस्थित आर्यघाटमा दाहसंस्कार हुँदैछ ।

राष्ट्रिय पञ्चायतका अध्यक्ष समेत रहेका स्वाँर जनमत संग्रहपछि सूर्यबहादुर थापा नेतृत्वमा गृहमन्त्री रहेर काम गरेका थिए । पञ्चायतमा पनि उदार खेमामा रहेका उनी जनमतसंग्रह पछि भने थापासँग नजिक भएका थिए । “कोरोना रिपोर्ट नेगेटिभ आएको पनि ३–४ दिन भएको थियो,” पारिवारिक स्रोतले भन्यो, “आज बिहान उहाँको मृत्यु भयो । उहाँमा मुटुको समस्या पनि थियो ।”

उनका दुई छोरा र चारजना छोरी छन् ।

Comments

प्रकाशित मिति : 2020-12-03

अरु समाचार

© NewsNepal 2018 - All Right Reserved.
newsnepal.com 2017.hlon.org