नेपाल एयरलाइन्सलाई हङकङमा कारबाही, कोरोना रिपोर्ट पोजेटिभ भएका यात्रुलाई बोकेको आरोप
काठमाडौं । नेपाल वायुसेवा निगम कोरोना परीक्षणको रिपोर्टका कारण तनाबमा परेको छ ।
कोरोना परीक्षणको रिपोर्ट नेगेटिभ भएका यात्रुहरुलाई विभिन्न गन्तव्यमा उडाउँदै आएको निगम हङकङ उडानले बढी समस्यामा परेको छ । नेपाल एयरलाइन्स चौथोपटक हङकङको कारबाहीमा परेको छ ।
अन्य गन्तव्य मुलुकहरुले पनि निगमलाई प्रतिबन्ध नै त लगाएका छैनन् तर चेतावनी भने दिएका छन् । एकपटक जापानको नारिता उडानको क्रममा नेपालबाट गएका केही यात्रुमा कोरोना परीक्षण गर्दा पोजेटिभ देखिएको थियो । सोही कारण जापानले निगमलाई चेतावनी दिएको थियो ।
यस्तै दुबईले पनि चेतावनीस्वरुप निगमलाई पत्र लेखेको थियो । यी गन्तव्यमा निगमले नियमित उडान गरिरहेको छ । तर, हङकङ उडानमा भने पटकपटक प्रतिबन्धको सिकार नेपाल एयरलाइन्स भइरहेको छ ।
निगम पटकपटक कारबाहीमा परेपछि सरकारी अस्पतालबाट कोरोना परीक्षण गरेकालाई मात्रै सेवा दिने निर्णय गरेको थियो । तर, अहिले सरकारी अस्पतालबाटै कोरोना परीक्षण गरेका र रिपोर्ट ‘नेगेटिभ’ आएका यात्रुमा हङकङ पुगेपछि पनि पुनः परीक्षण गर्दा ‘पोजेटिभ’ आएको छ । सोही कारण निगम हङकङको प्रतिबन्धमा परेको हो ।
निगम प्रवक्ता करिश्मा श्रेष्ठले हङकङले चौथोपटक प्रतिबन्ध लगाएको बताइन् । उनका अनुसार हङकङले नेपाल एयरलाइन्सलाई मात्रै उडानमा प्रतिबन्ध लगाएको नभइ अन्य विमान कम्पनीलाई पनि सोहीअनुसार प्रतिबन्ध लगाउँदै आएको छ । तर, नेपालमा परीक्षण गर्दा आएको नेगेटिभ रिपोर्ट हङकङमा पुनः परीक्षण गर्दा पोजेटिभ आउँदा समस्या भएको उनले बताइन् ।
हङकङले एउटा उडानमा तीनजना यात्रुको रिपोर्ट पोजेटिभ देखियो भने चेतावनी दिन्छ तर प्रतिबन्ध लगाउँदैन ।
तर, दोस्रो उडानको समेत जोड्दा ५ वा ५ भन्दा बढी संख्या पुग्यो भने १५ दिन प्रतिबन्ध लगाउने गर्दछ । नेपाल एयरलाइन्सको हरेक उडानमा ५ जनाभन्दा बढीमा कोरोना पोजेटिभ देखिएको छ । हङकङले ४ पटक गरी २ महिनासम्म नेपाल एयरलाइन्सलाई उडानमा प्रतिबन्ध लगाइसकेको छ ।
निगमले हाल दोहा, दुबई, क्वालालम्पुर, नारिता नियमित उडान गर्दै आएको छ । हङकङ पनि निमग नियमित उडान गन्तव्य हो । प्रवक्ता श्रेष्ठका अनुसार हङकङबाहेकका गन्तव्यमा पनि रिर्पोट पोजेटिभ नै आउने गरेको भए पनि प्रतिबन्ध लगाएका छैनन्, चेतावनी भने दिएका छन् ।
संस्कृति, पर्यटन तथा नागरिक उड्डयन मन्त्रालयका प्रवक्ता कमलप्रसाद भट्टराई हङकङकले नेपाल एयरलाइन्सलाई पटकपटक प्रतिबन्ध लगाएको विषयमा सम्बन्धित देशको राजदूतसँग कुरा गरिरहेको बताए ।
“सरकारी अस्पतालको रिपोर्टलाई मात्रै मान्यता दिइयो तर त्यसमा पनि कैफियता देखिएकाले यस विषयमा दूतावाससँग नियमित रुपमा कुरा भइरहेको छ तर उता (हङकङ) बाट निर्णय आइसकेको छैन,” उनले भने । कोरोना परीक्षण गरिसकेपछि यात्रु संयमित भएर नबसिदिँदा यस्तो समस्या आएको उनले बताए ।
उनले परीक्षण गर्ने मेसिनका कारण पनि रिपोर्ट फरक फरक आउन सक्ने बताए । “यहाँको मेसिनले एउटा र त्यहाँको मेसिनले अर्को देखाएको प्राविधिक कुरा पनि हुन सक्छन्,” भट्टराईले भने ।
यता, हिमालय एयरलाइन्सले भने अहिलेसम्म कुनै कारबाहीमा नपरेको जनाएको छ । हिमालय एयरलाइन्सले ५ वटा गन्तव्यमा उडान गरिरहेको छ । तर, उसको उडानमा अहिलेसम्म त्यस्तो कुनै समस्या देखिएको छैन । हिमालय एयरलाइन्सका उपाध्यक्ष विजय श्रेष्ठ अहिलेसम्मको उडानमा कुनै समस्या नआएको बताए ।
हिमालयले कतारको दोहा, साउदी अरेबियाको दमाम, मलेसियाको क्वालालम्पुर, चीनको चङचिङ, यूनाइटेड अबर इमिरेट्सको अबुधावीमा नियमित उडान गरिरहेको छ । श्रेष्ठका अनुसार गन्तव्य मुलुकहरुमा नेपालबाट जाने यात्रु निकै कम भए पनि उताबाट आउने यात्रुको संख्या भने राम्रै छ ।
Comments
अरु समाचार
-
अफगान मस्जिदमा बन्दुक आक्रमणमा छ जनाको मृत्यु
काठमाडौं । पश्चिमी अफगानिस्तानमा बन्दुकधारीले एक मस्जिदमा आक्रमण गर्दा छ जनाको मृत्यु भएको सरकारका एक प्रवक्ताले मङ्गलबार बताएका छन् ।...
-
कोलम्बिया सेनाको हेलिकप्टर दुर्घटना हुँदा नौ सैनिकको मृत्यु
काठमाडौं । उत्तरी कोलम्बियामा सैनिकहरूलाई आपूर्ति गरेर फर्कने क्रममा सोमबार सेनाको हेलिकप्टर दुर्घटना हुँदा त्यसमा सवार नौ सैनिकको मृत्यु भएको...
-
नाइजेरियामा दादुराका कारण १९ बालबालिकाको मृत्यु
काठमाडौं । नाइजेरियाको उत्तरपूर्वी राज्य अदामावामा दादुरा सङ्क्रमणबाट हालसम्म कम्तीमा १९ बालबालिकाको मृत्यु भएको स्थानीय अधिकारीहरूले जानकारी दिएका छन् ।...
-
एम्बाप्पे चम्किँदा पीएसजीको सानदार जित, उपाधिका लागि अब एक जित आवश्यक
काठमाडाैँ । कप्तान केलियन एम्बाप्पे चम्किएको खेलमा पेरिस सेन्ट जर्मेन (पीएसजी) ले फ्रेन्च लिग वानमा सानदार जित हात पारेको छ...
-
फिलिपिन्समा चरम गर्मीका कारण छको मृत्यु
काठमाडौं । फिलिपिन्सको स्वास्थ्य विभाग (डिओएच) ले यस वर्ष जनवरी १ देखि अप्रिल १८ को अवधिसम्ममा छ जनाको मृत्युसहित गर्मीसम्बन्धी...
-
अमेरिकामा टिकटकमाथि प्रतिबन्ध लगाउने विधेयक कांग्रेसद्वारा पारित
काठमाडौं । अत्यन्त लोकप्रिय सामाजिक सञ्जाल एप टिकटकलाई यसको चिनियाँ मूल कम्पनी बाइटडान्सबाट अलग गर्न वा अमेरिकी बजारबाट बन्द गर्नुपर्ने...
-
कतारका अमिर र प्रधानमन्त्री प्रचण्डबीच भेटवार्ता
काठमाडौं । नेपाल भ्रमणमा रहेका कतारका शेख तमिम बिन हमाद अल थानी र प्रधानमन्त्री पुष्पकमल दाहाल ‘प्रचण्ड’बीच भेटवार्ता भएको छ...
-
मलेसियामा सैन्य हेलिकप्टर दुर्घटना हुँदा १० को मृत्यु
काठमाडौं । मलेसियाको पेराक राज्यमा मङ्गलबार बिहान मलेसियाली सेनाको दुई वटा हेलिकप्टर आकाशमा ठोक्किँदा १० जनाको मृत्यु भएको छ ।...
-
अमेरिकाको मेम्फिस ब्लक पार्टीमा गोली चल्दा दुईको मृत्यु
काठमाडौं । अमेरिकी सहर मेम्फिसिमा शनिबार एउटा ब्लक पार्टीमा गोली चल्दा दुई जनको मृत्यु र अन्य छ जना घाइते भएको...