‘प्रभु पे’ नेपालकै पहिलो अपाङ्गमैत्री डिजिटल वालेट

यहाँ दिइन्छ अपाङ्गता भएका व्यक्तिबाटै अपाङ्गमैत्री डिजिटल सेवा

समाचार

- न्युज-नेपाल

काठमाडौँ । नेपालमै पहिलो पटक ‘प्रभु पे’ले अपाङ्गता मैत्री डिजिटल वालेट बजारमा ल्याएको छ ।

प्रभु टेक्नोलोजी प्रालीले दृष्टीविहिन, सुन्ने शक्ति नभएका व्यक्तिलाई मध्यनजर गरी अपाङ्गता मैत्री डिजिटल वालेट ल्याएको हो ।
शारिरीक अपाङ्गता भएका व्यक्तिलाई डिजिटल बजारसँग जोड्न नेपालमै पहिलो पटक अपाङ्गतामैत्री डिजिटल वालेट सञ्चालनमा ल्याएको प्रभु टेक्नोलोजी प्रालीका प्रबन्ध निर्देशक विक्की शाहीले जानकारी दिए ।

‘दैनिक जीवनमा आइपर्ने कामहरू मोवाइल, ल्याण्डलाइनमा रिचार्ज, विजुली, पानी र विभिन्न किसिमका विल भुक्तानीलगायत मानव जीवनका आधारभूत आवश्यकतालाई छिटो छरितो तरिकाले प्रविधिको माध्यमबाट अपाङ्गता भएका व्यक्तिमाझ हामीले यो सुविधा ल्याएका छौं । जुन अहिलेसम्म नेपालमा कसैले ल्याउन सकेको थिएन,’ प्रबन्ध निर्देशक शाहीले भने ।

यहाँ दृष्टीविहिनहरूबाटै अपाङ्गमैत्री डिजिटल सेवा दिइने शाहीले बताए । ‘प्रभु पे’ ले नेपालमै पहिलो पटक २ जना दृष्टीविहिन विनोद खतिवडा र रचना पराजुलीलाई कर्मचारी नियुक्त गरेर अपाङ्गता मैत्री डिजिटल वालेट सेवा दिइरहेको छ ।

खतिवडाले ‘प्रभु पे’ ले जागिर दिएपछि आफ्नो आधारभूत मध्यको एउटा आवश्यकता पूरा भएको अनुभुती भइरहेको बताए । उनले भने ‘हामीलाई घर बाहिर निस्किदा हातमा सेतो स्ट्रिक देख्नेवित्तिकै हेर्ने दृष्टिकोण फरक छ कि जस्तो लाग्थ्यो । जब ‘प्रभु पे’ ले हामीजस्ता शारिरीक अपाङ्गता भएका व्यक्तिहरूलाई मध्यनजर गरेर डिजिटल वालेट बजारमा ल्यायो, यसले गर्दा हाम्रो आधारभुत मध्यको एउटा आवश्यकता पूरा भएको अनुभुती भइरहेको छ ।’

२०७५ सालबाट सु? भएको ‘प्रभु पे’ डिजिटल वालेटले गत असोज महिनादेखि अपाङ्गमैत्री फिचरका साथ अपाङ्गमैत्री डिजिटल वालेटसमेत सञ्चालनमा ल्याएको हो ।
‘प्रभु पे’ बाट मोबाइलबाटै कुनै पनि बैंक तथा वित्तीय संस्थाको रकम एउटा खाताबाट अर्कोमा ट्रान्सफर गर्न, बिजुली तथा पानीको बिल भुक्तानी गर्न, किनमेलमा खर्च भएको बिलको रकम भुक्तानी गर्न, प्रभु टिभी रिचार्ज गर्न, मोबाइल रिचार्ज गर्न सकिन्छ ।
‘प्रभु पे’ मा युनियन पे र क्यूआर कोड स्क्यानमार्फत पैसा तिर्ने सेवा पनि छ । यसले नियमीत ग्राहकलाई १० लाखसम्मको दुर्घटना बिमाको सुविधा पनि दिएको छ ।