ताजा समाचार

वसन्त पञ्चमीः सरस्वती पूजासँगै बालबालिकालाई अक्षरारम्भ गराइँदै

शिक्षा
- न्युज नेपाल
       

काठमाडौँ । विद्याकी देवी सरस्वतीको पूजा आराधना गर्दै आइतबार श्रीपञ्चमी मनाइँदै छ ।

हरेक वर्षको माघ शुक्ल पञ्चमीका दिन देशभरका सरस्वती मन्दिरमा श्रद्धालुको भीड लाग्‍ने गरेको छ ।

यो दिन साना बालबालिकालाई अक्षरारम्भ गराउने पनि चलन छ । यसदिन सरस्वतीको पूजा गरे बुद्धि बढ्नुका साथै अध्ययनमा राम्रो हुने विश्वास रहेको छ । ऋतुहरूको राजा बसन्तको सुरुवात हुने दिन भएकाले यस दिनलाई बसन्त पञ्चमी पनि भनिन्‍छ ।

यसै समयदेखि दाफालगायत विभिन्‍न भजन समुहले बसन्त राग गाउन थाल्छन् । सरस्वतीलाई महाविद्या, महावाणी, भारती, शारदालगायत नामले समेत सम्बोधन गरिन्‍छ ।

Comments

प्रकाशित मिति : 2022-02-06

अरु समाचार

© NewsNepal 2018 - All Right Reserved.
newsnepal.com 2017.hlon.org