अन्तर्राष्ट्रिय नारी दिवस एक मजदुर आन्दोलनको उपज

काठमाडाै । अमेरीकाको न्युयोर्कमा सन १९०८ मा मजदुर महिलाले आफ्नो कामगर्ने घण्टा कम गर्नु पर्ने, काम अनुसारको उचित पारिश्रमिक र मतदानमा आफ्नो अधिकारको माग गर्दै १५००० भन्दा बढि महिला सडकमा उत्रिएका थिए । त्यसको १ वर्ष पछि अमेरिकाको सोसलिष्ट पार्टीले महिला दिवसको धोषणा गर्यो ।
त्यस्तै सन १९१०मा कोपनहेगनमा क्लारा जेटकिनले १७ देशका १०० महिला उपस्थित एक अन्तर्राष्ट्रिय महिला कन्फेरेन्समा अन्तर्राष्ट्रिय महिला दिवस मनाउने सुझाव दिईन्, सबैले यसको समर्थन गरे र सन १९११मा अष्ट्रिया,डेनमार्क,जर्मन र स्विजरल्याणडमा महिला दिवस मनाईयो ।
त्यसै गरी सन १९१७मा रुसमा महिला हरुले “ब्रेड एण्ड पिस”को मागमा हड्ताल गरे जसमा सम्राट निकोलसनले पदनै त्याग्नु परेको थियो भने त्यसदिनलाई अन्तरिम सरकारले महिलालाई मतदानको अधिकार सुनिश्चित गरायो । उनिहरुले आन्दोलन सुरु गरेको दिन मार्च ८ थियो ।
संयुक्त राष्ट्रसंघले सन १९७५ मा मात्र मार्च ८ लाई आधिकारिकता दियो र त्यस पछि हरेक बर्ष मार्च ८ मा नारि दिवस मनाउन थालियो ।
इतिहासका पाना पल्टाएर हेर्दा समानता मात्र नभएर महिलाले आत्मनिर्भरताको लडाई पनि लडेको देखिन्छ। प्रत्येक नारि आफ्नो लागि कम्तिमा गाँस ,बास र कपासको लागि परनिर्भर नभई आत्मनिर्भर हुन अत्यन्तै जरुरि छ ।
आत्मनिर्भर हुन सके कसैको सामु शिर झुकाउनु पर्दैन अनि निश्फिक्रि समानताको लडाई लडेर समतामुलक समाज निर्माण गर्न सकिन्छ ।
आत्मनिर्भरताले प्रतिरक्षा सिकाउछ , कसैको दम्भ र हिंसा विरुद्ध लड्न र बोल्न सहास जुटाउछ ।
त्यसैले समानताको लडाई लडिरहोका हामी महिला दिदी बहिनी आत्मनिर्भरताको बाटोमा पनि हिडौं , जित अझै सरल हुनेछ ।
८ मार्च आज, ११२ औं अन्तर्राष्ट्रिय श्रमिक महिला दिवसको पुरुस तथा महिला सबैमा हार्दिक शुभकामना ।।

Comments