पालुङटारमा नेपाल फाइनान्सको १२ औं शाखा विस्तार

अर्थ र बाणिज्य

- न्युज नेपाल

गोरखा । नेपाल फाइनान्सले गोरखाको पालुङटारमा १२ औं शाखा विस्तार गरेको छ ।

निजी क्षेत्रको लगानीमा खुलेको नेपालको पहिलो फाइनान्सले पालुङटारमा १२ औं शाखाको औपचारिक उद्घाटन सञ्चालक समिति सदस्य दिप्रश शाक्यले एक कार्यक्रमकाबीच गरेका हुन् ।

शाखा उद्घाटन कार्यक्रममा संस्थाका संचालक सदस्यहरु दिप्रश शाक्य, राजन प्रजापती र बिकेश शाक्यसहित संस्थाका प्रमुख कार्यकारी अधिकृत उद्धवराज थपलिया, सहायक प्रमुख कार्यकारी अधिकृत बिष्णु प्रसाद गौतमका साथै विभिन्न संघ संस्थाका प्रतिनिधिहरु, पालुङटार उद्योग वाणिज्य संघका अध्यक्ष, विभिन्न स्कुल तथा कलेजका प्राचार्य, स्थानीय बुद्धिजिवी र समाजसेवी लगायत उपस्थित भएका थिए ।

कम्पनीले काठमाडौको कमलादीमा केन्द्रीय कार्यालय सहित न्युरोड, ललितपुरको पुल्चोक र लगनखेल, काभ्रेपलाञ्चोकको बनेपा, रुपन्देहीको मुर्गिया र तिलोत्तमा, नवलपुरको गैंडाकोट, कास्कीको माछापुच्छ्रे, धनुषाको धनुषाधाम र मकवानपुरको हेटौडामा शाखा कार्यालय संचालनमा ल्याइसकेको छ । त्यसैगरी काठमाडौंको कान्तिपथ र कालिमाटीमा विस्तारित काउण्टरको सेवा प्रदान गरिरहेको प्रमुख कार्यकारी अधिकृत उद्धवराज थपलियाले जारी गरेको प्रेस विज्ञप्तिमा भनिएको छ ।

नेपाल फाइनान्स निजी लगानीबाट बि.स. २०४९ मा स्थापना भएको कम्पनी हो ।