६ महिनामा कनेक्ट आइपीएसबाट १२ अर्ब रुपैयाँ राजश्व संकलन
काठमाडौं । अनलाइनबाट राज्यको राजश्व संकलनमा उल्लेख्य वृद्धि भएको छ । राजश्व संकलनमा डिजिटल कारोबार कम भएको भनिरहेको बेला चालु आर्थिक वर्षमा भने शतप्रतिशतले वृद्धि भएको छ ।
नेपाल क्लिरिङ हाउस (एनसीएचएल)ले सञ्चालन गरेको कनेक्ट आईपीएसबाट चालु आर्थिक वर्षको ६ महिनामा १२ अर्ब रुपैयाँ राजश्व भुक्तानी भएको छ । गत आर्थिक वर्ष २०७७/७८ भरीमा १२ अर्बको राजश्व भुक्तानी भएको थियो ।
विभिन्न क्षेत्रमा डिजिटल कारोबार बढे पनि राजश्व भुक्तानी भने खासै बढ्न सकेको थिएन । चालु आर्थिक वर्षमा भने गत वर्षकोभन्दा शतप्रतिशत भुक्तानी बढ्ने एनसीएचएलको अनुमान छ ।
यस वर्षको ६ महिनामा राजश्व भुक्तानीका लागि ७ लाख १४ हजार ७४ कोरोबार संख्या भएका छन् । उक्त कारोबार संख्याबाट १२ अर्ब रुपैयाँ भुक्तानी भएको हो ।
एनसीएचएलका प्रमुख कार्यकारी अधिकृत नीलेषमानसिंह प्रधानले कनेक्ट आइपीएसबाट हुने कारोबारमा शतप्रतिशत वृद्धि भएको बताए ।
‘पछिल्लो ६ महिनामा डिजिटल कारोबारमा उल्लेख्य वृद्धि भएको छ,’ प्रधानले भने, ‘राजश्व संकलनमा यसपाली धेरै प्रगति भएको छ ।’
सरकारलाई बुझाउने करका लागि गतवर्ष ४ लाख ६४ हजार कारोबार भएकोमा अहिले ६ महिनामा ७ लाख कारोबार हुँदै १२ अर्ब रुपैयाँ भुक्तानी भएको छ । अन्य क्षेत्रमा डिजिटल कारोबार बढिरहेको भए पनि राजश्व संकलनमा भने गत वर्षसम्म सरकारलाई बुझाउने कुल राजश्वमध्ये ८ देखि १० प्रतिशतसम्ममात्र भइरहेको थियो ।
‘यसपाली २५ प्रतिशतसम्म राजश्व भुक्तानी अनलाइनबाट हुनसक्ने देखिन्छ,’ प्रधानले भने, ‘यस वर्ष राम्रो सुधार भएको छ ।’
त्यस्तै, २०७५/७६ मा राजश्व संकलनका ४७ हजार ५ सय ३० कारोबार भएको थियो भने २०७६/७७ मा १ लाख ३ हजार ६ सय ७० कारोबार हुँदै ३ अर्ब रुपैयाँ भुक्तानी भएको थियो ।
त्यस्तै, अनलाइनबाट हुने खर्चको कारोबार पनि वृद्धि भएको छ । खर्च कारोबारको लागि गत वर्ष ५९ लाख ३ हजार ३ सय कारोबार हुँदै ६ खर्ब ७० अर्ब रुपैयाँ भुक्तानी भएको थियो भने यस वर्षको ६ महिनामा ४२ लाख १० हजार १ सय ७५ कारोबार संख्यामा ३ खर्ब २ अर्ब रुपैयाँ भुक्तानी भएको छ ।
२०७६/७७ मा ७ लाख २१ हजार ५ सय ५० कारोबार हुँदै २ खर्ब १९ अर्बको खर्चको भुक्तानी भएको छ । त्यस्तै, २०७५/७६ मा १ खर्ब ६६ अर्ब, २०७४/७५ मा ४८ अर्ब र २०७३/७४ मा ३ अर्बको खर्चको कारोबार भएको थियो ।
Comments
अरु समाचार
-
किसानलाई उद्यमशीलतासँग जोड्न मौरी घार वितरण
काठमाडौं । किसानलाई उद्यमशीलतासँग जोड्न स्याङ्जाको भिरकोट नगरपालिकाले गोलासहितका मौरी घार वितरण गरेको छ । गरिबी निवारणका लागि लघुउद्यम विकास...
-
दश महिनामा करिब एक्काइस अर्ब राजस्व सङ्कलन
काठमाडौं । नवलपरासी (बर्दघाट–सुस्तापूर्व)मा चालु आर्थिक वर्षको १० महिनामा करिब रु २१ अर्ब राजस्व सङ्कलन भएको छ । कोष तथा...
-
नेप्से परिसूचकमा झिनो अङ्कको बृद्धि
काठमाडौं । धितोपत्र बजारमा शेयर कारोबार मापक नेप्से परिसूचक आज झिनो अङ्कले उकालो लागेको छ । नेपाल स्टक एक्सचेञ्जका अनुसार,...
-
वीरगञ्ज सुक्खा बन्दरगाहबाट ४० अर्ब ८३ लाख राजस्व सङ्कलन
काठमाडौं । सुक्खा बन्दरगाह भन्सार कार्यालय वीरगञ्जले चालु आर्थिक वर्षको १० महिनामा रु ४० अर्ब तीन करोड ८३ लाख ३८...
-
‘सरकारमा रहँदा कांग्रेसले टी-स्टेटको जग्गा बेचेर कमिसन खायो, छानबिन हुनुपर्छ’
काठमाडौं । सत्तारुढ प्रमुख घटक नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीले तत्कालीन कांग्रेस नेतृत्वको सरकारले गिरीबन्धु टी-स्टेटको...
-
आगामी ५ वर्षमा आर्थिक वृद्धिदर ७.३ प्रतिशत पुर्याउने लक्ष्य
काठमाडौं । आगामी पाँच वर्षमा मुलुकको आर्थिक वृद्धिदर ७.३ प्रतिशत पु¥याउने लक्ष्य राखिएको छ । राष्ट्रिय योजना आयोगले आज यहाँ...
-
सोह्रौँ योजना कार्यान्वयन गर्न अनुमानित लागत रु एक सय ११ खर्ब
काठमाडौं । सोह्रौँ योजना कार्यान्वयनका लागि करिब रु एक सय ११ खर्ब लागत अनुमान गरिएको छ । राष्ट्रिय योजना आयोगले...
-
नेप्से परिसूचक नौ दशमलव ५४ अङ्कले घट्यो
काठमाडौं । नेपाल स्टक एक्सचेञ्ज (नेप्से) परिसूचकमा नौ दशमलव ५४ अङ्कको गिरावट देखिएको छ । आज परिसूचक शून्य दशमलव ४७...
-
प्रतितोला एक हजार रुपैयाँले बढ्यो सुनको मूल्य
काठमाडौं । नेपाली बजारमा बुधबार सुनको मूल्य बढेको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा १...