ताजा समाचार

नौजना बृद्ध महिलाको गहना चोर्ने एकजना पक्राउ

अपराध
- न्यूज नेपाल
       

कास्की । सुनका गहना चोरी गरेको आरोपमा पोखरामा एक महिला पक्राउ परेकी छन् । पोखराका विभिन्न ठाउँबाट गहना चोरेको आरोपमा कास्की प्रहरीले उनलाई पक्राउ गरेको हो ।

पक्राउ पर्नेमा पर्वतको मोदी गाउँपालिका वडा नम्बर ६ घर भइ पोखरा महानगरपालिका वडा नम्बर ४ गणेश टोल बस्ने ३४ वर्षीया टीका श्रेष्ठ रहेकी छन् । श्रेष्ठले पोखराका विभिन्न ठाउँबाट वृद्धा महिलाहरुको घर पुगेर परिवारका अन्य सदस्यहरु नभएको मौका छोपी सुनका गहना र नगद चोरी गरेको खुलेको छ ।

९ जना पीडितले चोरी गर्ने महिलाविरुद्ध जिल्ला प्रहरी कार्यालयमा उजुरी दिएका दिएका छन् । उनको साथबाट सुनका गहना र नगदसमेत बरामद भएको छ । उनले २७ लाख २ हजार ५८ रुपैयाँ बराबरको नगद चोरी गरेको आरोप छ । चोरी गर्ने श्रेष्ठलाई कास्की जिल्ला अदालतबाट चोरी तथा डाँका सम्बन्धी मुद्दामा पाँच दिनको म्याद थप गरी अनुसन्धान अगाडि बढाइएको छ ।

Comments

प्रकाशित मिति : 2022-12-16

अरु समाचार

© NewsNepal 2018 - All Right Reserved.
newsnepal.com 2017.hlon.org