ताजा समाचार

मेयर बालेन्द्र शाहविरुद्ध अदालत अवेहलनाको उजुरी

समाचार
- न्युज नेपाल
       

काठमाडौँ । काठमाडौं महानगरपालिकाका मेयर बालेन्द्र शाहले अदालतको अवेहलना गरेको भन्दै सर्वोच्च अदालतमा निवेदन परेको छ ।

अधिवक्ता वर्षाकुमारी झाले पेस गरेको निवेदनको पेसी सर्वोच्च अदालतका न्यायाधीश प्रकाशकुमार ढुंगानाको इजलासमा तोकिएको छ ।

अधिवक्ता झाले काठमाडौंका मेयर शाहविरुद्ध पेस गरेको निवेदनमाथि आइतबार न्यायाधीश ढुंगानाको इजलासमा सुनुवाइका लागि पेसी तोकिएको हो ।

मेयर शाहले उच्च अदालत पाटनको आदेशविरुद्ध अभिव्यक्ति दिएका थिए । भारतीय चलचित्र ‘आदिपुरुष’ काठमाडौं महानगरपालिकाका चलचित्र हलहरूमा चल्न दिन भनेर उच्च अदालत पाटनले आदेश दिएपछि मेयर शाहले सामाजिक सञ्जाल फेसबुकमा अदालतविरुद्ध अभिव्यक्ति दिएका थिए । सो अभिव्यक्तिले अदालतको अवहेलना गरेको भन्दै अभिवक्ता झाले सर्वोच्च अदालतमा निवेदन पेस गरेकी हुन् ।

Comments

प्रकाशित मिति : 2023-06-25

अरु समाचार

© NewsNepal 2018 - All Right Reserved.
newsnepal.com 2017.hlon.org