‘गृहमन्त्री जी, जवाफ दिन सक्नुहुन्छ- तपाईंको कार्यकालमा कति क्विन्टल सुन सेटिङमा भित्रियो र दक्षिणतर्फ निर्यात गरियो?’
काठमाडाैँ । नेकपा एमालेका पोलिटब्युरो सदस्य एवम् प्रतिनिधिसभाका सांसद सूर्य थापाले उपप्रधान तथा गृहमन्त्री नारायणकाजी श्रेष्ठको राजीनामा मागेका छन्।
बुधबार त्रिभुवन विमानस्थलको कडा भन्सार चेकजाँच छिचोल्दै भित्र्याइएको सुन राजस्व अनुसन्धान विभागको टोली सिनामंगलबाट समातेपछि थापाको यस्तो प्रतिक्रिया आएको हो।
‘हवाई यात्राको क्रममा गौचरन एयरपोर्टमा प्राय: सधैभरि प्रतिनिधिसभा सदस्यको लोगो लगाएर म आम यात्रु जसरी सुरक्षा चेकजाँच गराउँछु। कहिलेकाहीँ भिआइपी कक्षतर्फ अलिक लामो प्रतिक्षाको लागि पनि जान्छु’, उनले भनेका छन्, ‘तर सुरक्षा जाँचको प्रक्रिया पूरा गरेर मात्रै। त्यसक्रममा कलम, मोबाइल र पेटीसमेत खोलेर छुट्टै ट्रेमा देखाउन र एक्सरे मेशीनमा राख्न लगाइन्छ। त्यसो गर्नु संवदनशील सुरक्षा प्रयोजनले सही नै हो भनेर सहयोग गर्दै आएको छु।’
उनले प्रहरी सुरक्षाकर्मीले त्यति गरिसक्दा सुरू र अन्तिमका एक्सरे मेशीन पार गर्नेक्रममा दुई-दुई पटक शरीर छामछुम गर्ने गरेको सुनाए।
‘यो सबै देखाउन र लोक रिझ्याइँका लागि गर्ने गरिएको हो त? एक क्विन्टल सुन इन्टरनेशनल टर्मिनलको सारा कडा सुरक्षा जाँच परीक्षण पार गरी सकुशल सिनामंगलसम्म ट्याक्सीमा सवार हुन कसरी पुग्यो? ’, उनले प्रश्न उठाएका छन्।
अब गृहमन्त्रीले कुनै ढिलाइ नगरी राजीनामा दिनुपर्ने पनि उनले बताएका छन्। ‘यसमा गृहमन्त्रीजीले जवाफदेही भएर छानबिन प्रभावित नहोस् भनी स्वनिलम्बन/ राजीनामाको घोषणा गर्न अत्यन्त ढिलो भयो’, उनले भने, ‘नैतिकता र जवाफदेहिता फगत आदर्शको रटान र स्टन्टबाजी वा आत्मप्रशंसाको खोक्रो अभिनय होइन र हुनै सक्दैन।जिम्मेवार व्यक्ति स्वयम्ले दृष्टान्त बन्न सक्नुपर्ने निर्मम विषय हो।’
उनले गृहमन्त्रीलाई अर्को प्रश्न पनि गरेका छन्।
‘गृहमन्त्री नारायणकाजी श्रेष्ठजी, जवाफ दिन सक्नुहुन्छ- तपाईंको कार्यकालमा कति क्विन्टल सुन यस्तो सेटिङमा भित्रियो र दक्षिणतर्फ निर्यात गरियो?’, उनले भने, ‘अनि, सुन तस्करीको यस्तै नालायक र निर्लज्ज रमिते बन्न गृहमन्त्री बन्नुभएको हो त? अब राजीनामा दिएर छानबिनलाई सघाउनुस्, अन्यथा तपाईंभन्दा नैतिकहराम मान्छे नेपाल सरहदभित्र नभूतो नभविष्यति अरू कोही देखिने छैन।’
Comments
अरु समाचार
-
मुटुरोग विशेषज्ञको अन्तर्राष्ट्रिय सम्मेलन चितवनमा
चितवन । मुटुरोग विशेषज्ञको अन्तर्राष्ट्रिय सम्मेलन चितवनमा जारी छ । राष्ट्रिय मुटु तथा फोक्सो समाज (नेशनल हर्ट एण्ड लङ्गस सोसाइटी...
-
अमेरिकी डलर, यूरो र पाउन्डको मूल्य घट्यो
अमेरिकी डलर, यूरो र पाउन्डको मूल्य घट्यो काठमाडौँ । शुक्रबारको तुलनामा शनिबार अमेरिकी डलरका साथै यूरो र पाउन्ड स्ट्रलिङको मूल्यमा...
-
बागमती, गण्डकी र कर्णाली प्रदेशमा भारी वर्षाको सम्भावना
काठमाडौँ । हाल देशभर मनसुनी वायुको प्रभाव कायमै छ । मनसुनको न्यून चापीय रेखा पश्चिममा सरदर स्थानको उत्तरतिर र पूर्वमा...
-
आउँदो बिहीवारसम्म मौसम बदली र पानी पर्ने सम्भावना
काठमाण्डौ । आउँदो बिहीवारसम्म नै मौसम बदली र पानी पर्ने सम्भावना रहेकाले मौसमविद्ले मुख्यगरी धानखेती गरेका किसानलाई सतर्कता र सावधानी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
सहकारीको रकम हिनामिना छानबिन समितिको प्रतिवेदन सार्वजनिक (पूर्णपाठ सहित)
काठमाडौं । सहकारी संस्थाहरुको रकम हिनामिनाबारे सरकारले गठन गरेको संसदीय छानबिन समितिको प्रतिवेदन सार्वजनिक भएको छ । प्रतिनिधि सभाले छानबिन...
-
राष्ट्रपतिसमक्ष वित्त आयोगको प्रतिवेदन पेस
काठमाडौं । राष्ट्रपति रामचन्द्र पौडेल समक्ष राष्ट्रिय प्राकृतिक स्रोत तथा वित्त आयोगको वार्षिक प्रतिवेदन पेस गरिएको छ । राष्ट्रपति भवन...
-
रुपा चक्रपथ दोस्रो खण्डको शिलान्यास
काठामाडौं । रुपा गाउँपालिकामा निर्माणाधीन चक्रपथको दोस्रो खण्डको शिलान्यास गरिएको छ । गण्डकी प्रदेशका पूर्व मुख्यमन्त्री खगराज अधिकारी र गण्डकी...
-
कार्यवाहक प्रधानमन्त्रीको जिम्मेवारी उपप्रधानमन्त्री सिंहलाई
काठमाडौं । राष्ट्रपति रामचन्द्र पौडेलले प्रधानमन्त्रीको अनुपस्थितिमा प्रधानमन्त्रीले गर्ने दैनिक प्रशासनिक काम उपप्रधानमन्त्री एवं सहरी विकासमन्त्री प्रकाशमान सिंहले सम्हाल्ने गरी...