मिस यूनिभर्स इन्डोनेशियाका प्रतियोगीहरूलाई निर्वस्त्र हुन बाध्य पारिएको आरोप
जकार्ता । इन्डोनेशियामा आयोजित एउटा सौन्दर्य प्रतियोगितामा सहभागी केही महिलाहरूले आफूहरूसँग यौन दुर्व्यवहार भएको भन्दै प्रहरीमा उजुरी दिएका छन् । उनीहरूका एक वकिलका अनुसार ‘मिस यूनिभर्स इन्डोनेशिया’ को मूल प्रतिस्पर्धाको दुई दिनअघि आयोजकहरूले प्रतियोगीहरूलाई ‘शरीर जाँच्नू र तस्बिर खिच्न ‘ भन्दै कम्मरमाथि निर्वस्त्र हुन लगाएका थिए। प्रतियोगिता अगस्ट ३ मा सम्पन्न भएको थियो।
आयोजकहरूले प्रतियोगीहरूको शरीरमा ‘दाग, सेल्युलाइट (चाउरी परे जस्तो देखिनेगरी छालामुनि जमेको बोसो) वा ट्याटू भए नभएको जाँच्नुपर्नेू भन्दै त्यसो गरेको दाबी गरिएको छ। ‘मलाई आफ्नो अधिकार उल्लङ्घन भएको छ भन्ने लाग्छ’, एक प्रतियोगीले भनिन्।’यसले मलाई मानसिक पीडा दिएको छ। म राम्ररी सुत्न पनि सकेकी छैन’, उनले भनिन्। अरू केही प्रतियोगीहरूको उपस्थितिमा उनले सञ्चारकर्मीहरूसँग कुरा गरेकी हुन्।
एउटा स्थानीय टेलिभिजनले उनीहरूको परिचय नखुल्नेगरी अनुहार धमिलो बनाएर यसबारे समाचार प्रसारित गरेको थियो। उजुरी दिने तीन प्रतियोगीकी वकिल मेलिसा आङ्ग्रेनीका अनुसार अरू प्रतियोगीहरूले पनि यसबारे मुख खोल्ने छन् ।
के भन्छ प्रहरी ?
जकार्ता प्रहरीले एउटा विज्ञप्ति प्रकाशित गर्दै उजुरीमा दाबी गरिएको घटनाबारे अनुसन्धान गर्ने बताएको छ। मिस यूनिभर्स इन्डोनेशिया अर्गनाइजेशनले ती आरोपबारे छानबिन गर्ने प्रतिबद्धता उक्त संस्थाको स्वामित्व भएकी पपी क्यापेलाले व्यक्त गरेकी छन्। उनी इन्डोनेशियाकी ख्यातिप्राप्त गायिका तथा व्यापारी हुन्।
मिस यूनिभर्स अर्गनाइजेशनले यौन दुर्व्यवहारसँग सम्बन्धित आरोपलाई निकै गम्भीरतापूर्वक लिएको भन्दै इन्डोनेशियाको घटनाबारे आफूले पनि छानबिन गर्न थालेको बताएको छ।
इन्डोनिशयामा त्यस्ता प्रतियोगितामा सहभागीहरूको शरीर जाँच्ने कुरा सामान्य भए पनि सौन्दर्य प्रतियोगितामा सहभागीहरूलाई निर्वस्त्र हुन प्रायस् नभनिने भूतपूर्व मिस इन्डोनेशिया मारिया हर्फान्तीले बताइन्। उनका अनुसार आयोजकहरूले प्रतियोगीहरूको शारीरिक अनुपात जाँच्न ‘बडी मास इन्डेक्स’ (बीएमआई) सोध्ने गरेका छन्।
सोमवार आयोजित प्रेस कन्फरेन्समा एक उजुरीकर्ताले एउटा बन्द कोठामा प्रतियोगीहरूको शरीर जाँचिएको र त्यस क्रममा त्यहाँ पुरुषहरू पनि भएको दाबी गरेकी थिइन्। ढोका पूरै बन्द नभएकाले बाहिरबाट अरू मानिसले पनि देख्न सक्ने उनले बताइन् ।
सौन्दर्य प्रतियोगिताको लोकप्रियता
धेरै वर्षअघिदेखि नै इन्डोनेशियामा सौन्दर्य प्रतियोगिताहरू आयोजना हुँदै आएका छन्। तर मुस्लिमबहुल यो देशमा आयोजकहरूले परम्परावादीहरूलाई नचिढ्याउन पर्याप्त काम गरेको पाइँदैन।सन् २०१३ मा इन्डोनेशियामा मिस वर्ल्ड आयोजना हुँदा ुबिकिनी राउन्डु हटाइएको थियो।
अहिले मिस यूनिभर्सको ७३औँ संस्करण आयोजना हुन लागेको छ। यो सौन्दर्य प्रतियोगिता दक्षिणपूर्वी एशियाका इन्डोनेशिया, फिलिपिन्स र थाईल्यान्डमा निकै लोकप्रिय छ।यो प्रतियोगिता जित्ने सुन्दरीहरूले निकै ख्याति कमाउँछन् र सामाजिक सञ्जालमा उनीहरू प्रभावशाली रूपमा स्थापित हुन्छन्।
थाई पारलैङ्गिक महिला तथा सञ्चार उद्यमी एन ज्याक्राजुतातिपको स्वामित्वमा मिस यूनिभर्स छ। उनले यो प्रतियोगीलाई अझ समावेशी बनाउने प्रयासमा विवाहित महिला, पारलैङ्गिक महिला र एकल आमाहरूलाई पनि सहभागी गराउने गरेकी छन्। -बीबीसी
Comments
अरु समाचार
-
एक दिने भ्रमण सकेर फर्किइन् जापानी विदेशमन्त्री
काठमाडाैँ । नेपालको एकदिने औपचारिक भ्रमण सम्पन्न गरेर जापानका विदेशमन्त्री खामिखावा योको आइतबार राति स्वदेश फिर्ता भएकी छन् । जापानको...
-
ला लिगाको उपाधि रियल मड्रिडको पोल्टामा
काठमाडौं । रियल मड्रिडले ३६औं पटक स्पानिस ला लिगाको उपाधि जितेको छ । ला लिगामा दोस्रो स्थानको बार्सिलोना शनिबार राति...
-
जापानकी विदेशमन्त्री आज नेपाल आउँदै
काठमाडाैँ । जापानका परराष्ट्रमन्त्री कामिकावा योको नेपालको औपचारिक भ्रमणमा आज नेपाल आउँदैछिन्। उपप्रधानमन्त्री एवं परराष्ट्रमन्त्री नारायणकाजी श्रेष्ठको निमन्त्रणामा परराष्ट्रमन्त्री योको...
-
चीनले चन्द्रमाको टाढाबाट नमूना संकलन गर्न अनुसन्धान सुरु गर्यो
वेनचाङ ।चीनले चन्द्रमाको टाढाबाट नमूना सङ्कलन गर्नका लागि अनुसन्धान सुरु गरेको छ । यो अनुसन्धान विश्वमा पहिलो पटक हो ।...
-
राजदूत पौड्यालद्वारा क्यानडाकी गभर्नर जनरलसमक्ष ओहोदाको प्रमाणपत्र पेश
काठमाडौं । क्यानडाका लागि नेपालका राजदूत भरतराज पौड्यालले त्यहाँका गभर्नर जलरल मेरी जे मे सिमनसमक्ष आफ्नो ओहोदाको प्रमाणपत्र पेश गरेका...
-
अफगान मस्जिदमा बन्दुक आक्रमणमा छ जनाको मृत्यु
काठमाडौं । पश्चिमी अफगानिस्तानमा बन्दुकधारीले एक मस्जिदमा आक्रमण गर्दा छ जनाको मृत्यु भएको सरकारका एक प्रवक्ताले मङ्गलबार बताएका छन् ।...
-
कोलम्बिया सेनाको हेलिकप्टर दुर्घटना हुँदा नौ सैनिकको मृत्यु
काठमाडौं । उत्तरी कोलम्बियामा सैनिकहरूलाई आपूर्ति गरेर फर्कने क्रममा सोमबार सेनाको हेलिकप्टर दुर्घटना हुँदा त्यसमा सवार नौ सैनिकको मृत्यु भएको...
-
नाइजेरियामा दादुराका कारण १९ बालबालिकाको मृत्यु
काठमाडौं । नाइजेरियाको उत्तरपूर्वी राज्य अदामावामा दादुरा सङ्क्रमणबाट हालसम्म कम्तीमा १९ बालबालिकाको मृत्यु भएको स्थानीय अधिकारीहरूले जानकारी दिएका छन् ।...
-
एम्बाप्पे चम्किँदा पीएसजीको सानदार जित, उपाधिका लागि अब एक जित आवश्यक
काठमाडाैँ । कप्तान केलियन एम्बाप्पे चम्किएको खेलमा पेरिस सेन्ट जर्मेन (पीएसजी) ले फ्रेन्च लिग वानमा सानदार जित हात पारेको छ...